[shiko]

انا عاجبنى موضوعك اوى
انا عرفت جوزى من الكلية . كان هو فى سنة 4 و انا فى سنة 3 من اقسام مختلفة
اول مرة شفته كان لما جاه كلمنىفى الكلية انه يتقدم
بصراحة كسفته و رديت عليه بطريقه بايخه
بعد كده هو بعد خالص .
انا بقيت هتجنن . هو راح فين . و من ساعتها بدأ قلبى يتعلق بيه .
و اخيرا قابلته صدفه فى الكليه . و بان الحب فى عينى . و هو عرف .
بعد ما هو اتخرج علطول اتخطبنا . و بقالى متجوزه 5 سنين . و معانا بنتين دلوقت .
ايه رأيكم ؟

[amat allah]

السلام عليكم ,,,,,
انا مخطوبه من 7 شهور البدايه ان اشرف خطيبي صاحب جوز اختي اختي كانت عامله سبوع ابنها و انا كنت واقفه معاها اساعدها و كنت بعيده عن ربنا خااااالص و لبسي مش متدين وهو ما شاء الله عامل لحيه خفيفه المهم ان كل اصحاب جوز اختي نزلو يصلو العشاء في الجامع و اشرف طلع اول واحد فيهم و انا اللي فتحتله الباب فبدا يسالني عن حجات في دراستي و لاحظت انه غاضض للبصر و دخل في موضوع الدين قعد يكلمني عن حب ربنا لينا و انه انعم علينا كتير لحد ما عيطت جامد و هوا كمان عينه دمعت بس بذكائه مجبش سيره الحجاب خااالص ولا اللبس بس كلامه خلاني احس اني مقصره مع الله اوي فبدات اتقرب لله و هوا سال جوز اختي قاله ان بابا مش بيوافق اني اتخطب قبل ما اتخرج المهم انه صبرسنتين انا ربنا هداني واتحجبت ولبست النقاب و بعدها كان برده جوز اختي مجمع اصحابه عنده وانا كنت عند اختي فشاف واحده منقبه سال جوز اختي قاله اني انا تاني يوم جه اتقدملي و بابا وماما اعجبو بيه اوي و اتخطبنا انا طبعا اقنعت بابا ان الخطوبه مش هتاثر علي دراستي بس الصراحه طووووول الوقت بفكر فييه خصوصا لما يسافر بتعب موووووووت والله

انا عايزه اقول اني بحمد ربنا علي نعمت اشرف ربنا يجعل حياتنا في طاعته
طوولت اوي معلش بس الموضع تحفه

[مى السعدنى]

بسم الله الرحمن الرحيم
حبيت اشارك ودى اول مره ولان الموضوع عجبنى كثير وحابه افتكره واتكلم عنه انا خطيبى اتعرفنا على بعض ع النت من حوالى 4 سنين كان عايش بالخارج وكان كلامنا لايتعدى حدود الزماله فقط خالى من اى تفكير او تلميحات كان بينصحنى وانصحه لدرجه انه كان نازل اجازه يرتبط باى شخصيه بناء لرغبات الاهل وانهم محتاجين يفرحوا مش اكثر وكان مضايقه الموضوع وطلب يشوفنى وفعلا اتقابلنا والموقف الغريب انى كنت اعرفه شكلا وكان ماشاءالله يتشاف لكن لما حبيت اشوف ع الطبيعه ولاول مرهغالبا عرفته بالصدفه كده كان غير خالص مش كان يتشاف ودا طبعا مش لانه وحش ولكن كان خاسس اوىىىىىىىىىى المهم اتكلمنا عرفنى على اخواته وفاتحنى بالارتباط لاقيتنى مش متردده خالص بالعكس بادلته نفس الاحساس والحمدلله بنحب بعض جدا وبيخاف عليا وبقدره اوى وبيخلصلى وحاجات كثير بنحبها ف بعض عقبال كل البنات يارب وادعولى بقى ربنا يكرمنى ونتزوج قريبا اميــــــــــــــــــــــــــــــــــــــن واعتذر لو كنت طولت عليكم اخواتى

[mahou]

إزيكوا يافتكوات...أنا عرفت وزجى عن طريق أخويا ...أخويا متجوز أخت جوزى .. بدل يعنى ... وهو شافنى فى الخطوبه ..و فى شهر 10 نتم 4 سنوات زواج .. ورزقنا ربنا بمحمد و نور الدين ....
من احلى أيام الخطوبه أننا كان لينا يوم بنخرج فيه و هو الجمعة ... نتغدى ونروح سينما .. كنا كل مرة نتفرج على فيلم رعب .. أصل انا بمووووووت فى حاجة اسمها رعب ... بس بعد الزواج مابقتش أقدر اتفرج على افلام الرعب ديه.. مش عارفه ليه ؟؟؟ يمكن عشان الواحد بقى عايش فى رعب فعلا ..ممكن !!!

معلش طولت عليكم

[crazy_tota]

والله موضوع جميل رجعني ل 3 سنين ورا وافتكرت ايام علي اد ما كانت صعبة بس حلوة
انا وخطيبي اتعرفنا علي النت
كان فية برنامج شات جديد اخويا جابة وانا فضلت اتريق علية كل ما كان بيدخل فية قدامي واقولة اية التفاهه دي لحد ما خلاني ادخلة المهم دخلت روم من الرومات ومع اول دقيقة اتبهدلت فيها كيك ببلوك وانا معملتش حاجة اصلا وفهمت بعد كدة انهم غلطوا ما بيني وبين ايميل تاني كان بيغلط فيهم واعتذرولي واتعرفت في الروم مفيش يومين وكنا بنتكلم عن اللغات وكدة وانا بقي فرحانة بنفسي بعرف 3 لغات بصيت لقيتهم بيقولولي طب استني لما يجي احمد فخر اهو دة اللي حيعرف يتعامل معاكي استفزوني اوي وبعدين جة يوم ودخل وانا كنت موجودة في الروم عادي يعني مهتمتش المهم بقينا بندخل وانا منفضالة خالص وهو بيتكلم وانا مش واخدة بالي منة مين يعني دة وبعدين نت اية اللي اهتم بحد منة وفي يوم لقيتة بيقولي انا زعلان منك
استغربت اوي ويزعل مني لية دة انا كلامي معاة بسيط اوي
المهم قلتلة لية حضرتك قالي عشان قلتلك ضيفيني عندك ومضفتنيش .....عملت ال اية يعني البت مش واخدة بالها قلتلة بس كد وضفتة وبقينا بنتكلم كتير جدا بس علي اساس اصحاب انا نفسي متخيلتش في يوم حفكر في حد من النت
وجة يوم واحد صاحبة قالة انة معجب بيا وهو اتجن وبقي يقولي هو فية بينك وبينة حاجة وانا بقي بالعند كنت بقولة وانت مالك
المهم يعني هوة اتعرف علي اخويا وجة عندنا البيت وقعد اسبوع ياكل ويشرب وفي الاخر قال مأكلنهوش غير فلافل ناس زي القطط تاكل وتنكر
وبابا وماما حبوة جدا
المختصر هوة قال لاخويا انا بحب فاطمة وعاوز اخطبها والحقيقة اخويا انسان متفتح جدا ووقف جمبنا
وبعد شهرين جة وكلم بابا وبابا وافق
بس مفيش هي سنة من الخطوبة الاولنية وحصلت بينا مشكلة جامدة اوي وانفصلنا وقلت خلاص بقي وافتكرت اني نسيتة لحد ما رجع تاني وقالي انا لسة بحبك ومش عاوز اتجوز واحدة غيرك بيني وبينكم تقلت علية اصلة كان يستاهل بس في الاخر ادينا رجعنا لبعض واتخطبنا تاني
وادعولي نتجوز علي خير قبل ما نتخانق تاني اصلي بموت في النكد وبحب انكد علية كل يوم
بس بيني وبينكم انا بحبة جدا ومش متخيلة الدنيا بعيد عنة عاملة ازاي

[ورده الحب الصافى]

الله القصص بتاعتكم جميله أوى
وبجد حلوه
أدعيلى بقى يا فاطمه
كريزى توتا أنى أرجع لخطيبى أنا كمان

[ورده الحب الصافى]

[ALZAHRAA]

انا شفت جوزى فى خطبة اختى لاانه كان اخو العريس ولكن اختى سابت اخوه وبعد سنه اتفاجئت بيه يطلب ايدى مع العلم انى كنت معجبه بيه من اول مره شفته فيها والحمد الله اختى اتزوجت وخلفت وكمان اخو جوزى اتجوز وخلف وطبعا انا وجوزى اتجوزنا قبليهم وعندنا اربع اطفال

[crazy_tota]

حبيبة قلبي وردة الحب الصافي حدعيلك ترجعي لخطيبك بس بشرط واحد بس انة يكون بيحبك اد ما بتحبية
يااااااااااااااااااارب ترجعوا لبعض ويحببكم في بعض
ويرزقك بكل خير وسعادة انتي وانا وكل البنات

[ام نيروزة]

انا بجد مبسوطه جدا فى اصدقاء ممكن احكيلهم انا جوزى كان جارنا وكنت وانا صغيرة بكرهة اوى لكن فى سنه 98 اتقابلنا ومعرفش ايه اللى حصل بقى هو الهوا والميه وكل حاجه واتخطبنا واتجوزنا وبقى عندنا العسوله الجميله ربنا يخليه ليه

[امنيه محمد الفاتح]

السلام عليكم ورحمة الله وبركاته

الموضوع ده فى منتهى الجمال فكرتونى بحاجة مر عليها سنة وشوية

اولا خطيبى يبقى جارنا مع العلم انى مكنتش اعرف عنه اى حاجة وبشوفه قليل جدا جدا كنت بشوفه لما ينادى على اخويا عشان ياخد منه جرنال (اصل اخويا بيشتغل فى جريدة الاهرام) وف مرة انا اللى رديت عليه عشان مكنش فيه غيرى يرد وشفته عن قرب وهو كمان وبعد كدة تانى يوم لاقيت اخواته البنات عنده وطالبنى ليه بينى وبنكم انا فرحت لانى كنت شيفاه انسان كويس وحصلت الخطوبة وانا دلوقتى اسعد انسانة فى الدنيا انى ارتبطت بلانسان ده وانا بحبه اوىىىىىىىىىىىىىىىىىىىىىىىىىىىىىىىىىىىىىىىىىىىىىىىى ىىىىىىىىىىىىىىىىىىىى ومقدرش استغنى عنه تخيلو بقى لما جرنال يبقى هو السبب فى ارتباط اتنين مش حاجة تضحك بالذمة والحمد لله هو كمان بيحبنى جداااااااااااااااااااااااااااااا وقولوا يارب نتجوز بقى المفروض اننا نتجوز بعد العيد الصغير يـــــــــــــــــــــــــــــــــارب

وشكرا ليكم

اختكم فى الله امنيه

[nadita]

الله يسعدكم و يهانيكم يا رب ببعض

أنا لم أدخل دنيا بعد

[miss_dody]

موضوع جميل جدا انا ياستي خطيبي صديق اخويا واهله واهلي اصحاب وكنا بنطلع رحلات العائلتين مع بعض ويوم رحله للبحر وهوه حاط عينه عليا وطبعا ماكلمني لانه مايحب يدخل باحراجات مع اخويا فظل معجب كذا لحد سنه واتقدم والان انا مخطوبه ليا سبعه اشهر وربنا يتمم على خير

[ام سيف الدين]

كل الفتكاوات قالت الموضوع باختصار شديد و فى الاخر بيقولوا ناسف على الاطالة امال انا اقول ايه
ممكن احكيلك عرفته ازاى
و اتخطبنا و اتجوزنا فى 4 شهور بس و اليكم الحكاية بالتفصيا الممل

انا يا جماعة مهندسة معمارية و اتخرجت و اشتغلت و فتحت مكتب معمارى و ديكورات داخلية حلو الكلام
مرة قاعدة فى مكتبى السكرتيرة بتقولى تلفون يا باشمهندسة مين يا بنتى \\\
الحاجة ( فت ) مين دى لقيت الست هى اللى بترد عليا و بتقول انتى نستينى و لا ايه مكنش عيش و ملح ....... المهم انا من كسوفى قعدت اقولها ازاى انساكى طبعا مستحيل و اتكلم معاها و مخى يفكر مين دى المهم راحت قلتلى واحد قريبى عندة حته ارض و عايز يعملها فيلا و انا قلتله مفيش غيرك
قولتلها يسلام تامرى و خدت منها نمرة التلفون

و بعد المكالمة دى باسبوع لقيت اتصال تانى جاى بيقولى انا ( ع ) من طرف الحاجة ( فت ) طبعا كانت على لسانى مين الحاجة ( فت ) لكن ربنا ستر
قلتله ممكن حضرتك تشرفنى فى المكتب و تجيب كل الاوراق المطلوبة عشان الرسومات و انشاء الله خير بس مش النهاردة عشان انا حمشى دلوقت

المهم قفلت على انه حيجى ايى يوم تانى و بعدها اتصل بيا الصبح بيقولى حضرتك فى المكتب ( طبعا كلمة حضرتك دى اخر مرة سمعتها كانت فى الفترة دى و بعد كدة مسمعتش الكلمة دى تانى خالص ) فرديت لا و الله انا فى الموقع حاليا قالى طيب بالليل و فضلنا انا مرة اعتذر و مرة هو يعتذر لغاية مزهقنا من الموضوع دا

بعد حوالى اسبوعين انا مشتركة فى دار رعاية الايتام فى الاسكندرية و كانوا عاملين حفلة غدا للايتام و طبعا لازم نكون احنا موجودين المهم رحت الحفله دى بعد الشغل من الموقع طبعا و قعدت معاهم شوية كانوا عملينها فى بيتزا كوين فى جرين بلازا
المهم كنا بنتعرف على بعض الاعضاء الجدد و القدامى و انا كنت من الاعضاء الجدد
مديرة الدار عمالة و بتقول احب اعرفكم بالعضوة الجديدة معانا المهندسة نهى
لقيته قام من نص القاعدة اللى مكتبها فى سموحة رديت اه و مش عارفة اشوفها بقالى اسبوعين عشان اديها حته الارض بتاعتى عشان تعملى الفيلا
طبعا انا من الصدمة و الكسوف قعدت اضحك و اقولوا مش معقول انت الاستاذ ( ع ) قاللى اه و كانت صدفة حلوة قوى

المهم اطول عليكم جالى المكتب و ورانى الاوراق و قعد يتكلم و يتكلم و يتكلم
و مرة لقيتاو بيتصل بيا و بيقولى منفسكيش ففنجان قهوة قدام البحر و من غير تردد قلتله نفسى طبعا
رحنا فى كافتريا فى جليم على البحر مباشرة و قعد يتكلم و يتكلم و انا سكته و بعدها قلتلوا الكلمة الشهيرة بتاعتى و اللى غاية دلوقت بيقولهالى
( لو انت متخيل انى مش فهمة اللى انت عاوزه فاحب اقولك انى فاهمة و موافقة ) فقام مبتسم و قالى ريحتى قلبى الهى يريح قلبك

بس و بعدها اتخطبنا شهر 10 و كتبنا الكتاب شهر 11 و اتجوزنا شهر 12 و جبنا سيف ربنا يخليه شهر 10
و توته توته فرغت الحدوته عجبتكم و لا ملتوتة ههههههههههههههههههههههه

[ورده الحب الصافى]

أم سيف
بجد بجد بجد
قصتك هايله موووووووووووووت
عجبتنى جداً جداً جداً
ربنا يسعدأيامك يارب
وشكراً لكل الفتوكات الى أفاعلوا مع الموضوع

[الزهره الحزينه]

انا تزوجت زواج تقليدي ما عشت الحب