[أم مريم]

المقادير : -

2 كوب دقيق
1/2 كوب زيت
1/2كوب سكر
3 بيضات
3 معلقة صغيرة بيكنج باودر
2 ملعقة كبيرة ينسون
وأنا بحب أضيف معلقتين كمان شمر بيبقى حلو قوى

الطريقة : -

يضرب البيض أولاً ثم يضاف السكر و يضرب ثم الزيت ثم الدقيق و البيكنج باودر و أخيراً اليانسون
سيصبح العجين مثل عجينة الكيكةو يخبز الخليط فى صينية مستطيلة و على نار هادئة سيصبح مثل الكيكة بالظبط طرى و هش لما تستوى طلعيها من الفرن و قطعيها مستطيلات صغيرة عن طريق تقطيعها بالطول و بالعرض ثم وزعيها على صينيتين و دخليها الفرن تانى حوالى ربع ساعة او اكتر شويه على حسب الفرن لحد ما تنشف شويه و بعدين تخرجيها و تسيبيها شويه لما تنشف خالص فى الهوا

و بالهنا و الشفا

اذا اعجبك الموضوع و اردت نشره في المنتديات الاخرى فاستخدمي هذا الرابط:
بسكويت اليانسون
http://forums.fatakat.com/thread8690

[مدام ديدى]

عاشت ايدك جميله انا بعملها باربع بيضات و5كمان وثلاثه ارباع كوب زيت و3 كوبايات دقيق بتدى وحدات اكبر ومعلقه واحده يانسون كبيره بصراحه بتبقى هايله فكرتينى بها هعملها الاولاد بيحبوها تسلم ايدك

[مدام ديدى]

بقيه المقادير كوب سكر وكيس بيكنج بودر

[ام بسنت]

مشكوره جدا على الوصفه

[أم بسنت]

متشكرة جداً على الوصفة الهايلة دي من زمان كان نفسي أعرف إزاي أعمل بسكويت اليانسون ، و على فكرة أنا كمان إسمي أم بسنت و أنا عضوة جديدة من حوالي شهرين أو ثلاثة بس ، يضايقك إن إسمي زي إسمك لأني ما كنتش أعرف إن فيه في المنتدى الأسم ده و إلا ما كنتش إخترته ، و لو عايزه ممكن أغيره علشان ما تزعليش ، و متشكرة فعلاً و أنا متابعة لكل مشاركاتك المتميزة فعلاً .

[هبة فؤاد محمد]

تسلم ايدك ياقمر