[نـــــور الجنـــــه]

انا بنتي متبهدله بقالها زياده عن سنه في دايره مغلقه مع القمل وانا مش مخليه انضف ويوم واحد وترجع تهرش ولو راسها نضفت خالص بالكتير اسبوعين والسبان يعمل قمل وهكذا جبت ليسيد مبيعملش اي حاجه لدرجه اني رشيت لها راجون بتاع الصراصير وبردو منفعش
ارجوكم اللي عارفه حاجه تنضف راسها من الهم ده تقولي عليها
واكون شاكره جدا

[meramied]

انا والله معرفش حاجة
بس ربنا يكون في عونها ويشفيها يااارب
بس حاولي تغيري مثلا نوع الشامبو او الزيت او كريم الشعر اللي بتستخدميه
وانصحيها متعدش جنب اي حد فيه كده مثلا زميلاتها في الدراسة
وربنا يكون في عونك
بس بلاش المبيدات دي زي راجون او خلافة علشان جلدها مش ناقص يتعبها ويلتهب
واسالي الصيدلي او روحي لدكتور جلدية هم هيكونو افيدلك
وسلمتها الف سلامة

[البندورة]

بصراحة الله يكون فى عونك
الموضوع دة صعب جدا
ونصحتى ليكى تذهبى بها لدكتور جلدية لانه فعلا هو اللى هيدلك على الطريق الصحيح

[نـــــور الجنـــــه]

مشكوره حبيبتي بس دي عمرها 4 سنين وصعبانه علي اوي

[أحلام القلب الطيب]

بصي ياحبيبتي وديها فعلا لطبيب وكمان متخليهاش تهرش راسها وايديها مش نظيفة لما بيكون فيها بواقي اكل بيزود الموضوع وقصي اظافرها علي طول وفيه شامبو مخصوص للقمل ربنا يعافيها ان شاء الله وطمنينا عليها

[smsmat]

حبيبتى نصيحه ليكى لو غلب غلبك قصيلها شعرها خااااااااااااالص ومعلش هى هتزعل شويه بس لو متمكن منها مالوش حل الا كده
وارجوكى ارجوكى بلاش المبيدات الحشريه لانها خطر جدا جدا انا كنت اسمع (مش متاكده ) انه ممكن يتسرب من فروه الراس ويأذى البنت
وربنا معاكى حبيبتى لانها مشكله كبيييييييره يارب تقدرى تحليها

[ام البنات رونا]

بصي يا حبيبتي انا بنتي اول لما راحت الحضانة اتعدت من حد لحد انا واقفة بتكلم مع عطار وبساله لو فيه وصفة طبيعية للموضوع ده فيه واحد زبون كان واقف تقريبا يا دكتور يا صيدلي معرفش المهم اداني اسم غسول من الضيدلية
اسمه يوراكس تحفة تحفة تحفة استعمليه زي ما هو مكتوب في الروشتة هو دورة لمدة اسبوع وهتدعي لي
احنا من الزقازيق زي بعض لو معرفتيش تجبيه من اي صيدلية قولي انت منين وانا ادلك علي صيدلية بتبيعه
متنسنيش الدعاء
رانيا

[ميويه]

ربنا معاكى ويشفيهالك اهم حاجه النظافه التامه اغشلى شعرها كل يوم وابعدى عن استعمال الصابون للشعر شوفى نوع شامبو كويس وفى زيت شعر كويس جدا اسمو حبوبه كويس جدا بيتباع عن العطار استخدميه وهتدعيلى ولو مفيش نتيجه لقدر الله وديها لدكتور

[ام البنات رونا]

لو عايزة تكلميني هرد عليك لو عندك استفسار اكتر

[بوبا]

ربنا يشفيها ويعافيها انتى ممكن تروحى لدكتور جلديه

وممكن تدهنى زى ما كان اهلنا زمان بيعملوا الجاز كميه قليله اوى وخلى البنت جنبك متبعدش عنك ربع ساعه كدا واغسليه