|
مخنوقه
خلاص تعبت فاض بي عندي مشاكل بعدد شعر راسي
- مشاكل مع حماتي التي تعيش معي في نفس الشقة
- مشاكل خاصه بزوجي الذي ترك العمل ويبحث عن عمل اخر
- مشاكل لاني كل يوم اخرج واترك ابني البيبي علشان ابحث عن عمل وللاسف لا اجد ( الايام دي بيشتغل اللي عنده واسطه ولا ابوه وزير ولا مسئول كبير )
- مشاكل بسبب غلا المعيشه
ووسط كل ده ضاع الحب يا ولدي رغم سنوات عمري التي لا تتعدي ال25 عاما وزواجي الذي لم يتم عامه الثالث
خلاص بطلت افرح تعبت تعبت تعبت تعبت .
ما بزورش ماما علشان حالتي النفسيه بقت زي الزفت اثرت علي كل علاقاتي مع الناس وفي طريقة كلامي حتي اسلوبي اتغير
حماتي كانت مقيمه مع ابنها وبعد كده جاءت وقعدت معايا ومن ساعتها ايامي لها مرار مرار لان الشقة دي اصلا بتاعتها
وحماتي مش عاجبها تصرفاتي كلها وبتسخر مني ومن اهلي دائما وانا ساكته وعامله نفسي عاقله
خلاص انا والدموع بقينا اصحاب كل يوم لازم نتقابل علي المخده بتاعتي
ليه الناس بقت كده ليه الخير قل ليه الناس بقت لابسه قناع الطيبه والفضيله ليه الناس بقت قاسيه كده ليه وليه وليه والف ليه
ملاحظه ( الكلام ده نقطه في بحر اللي عندي )
بتكلم معاكم وبفضفض لاني ببساطه ما بتكلمش مع حد وما بشكي لاحد كل واحد في الدنيا فيه اللي مكفيه لم اجد سوي قطعة الحيديد هذهلأشكي لها همي واكتب علي لوحة مفاتيحا ما في خاطري وما بشتكي لأخواتي ولااهلي ليه والداي كبيران في السن والمرض صاحبهما فالمفروض ان اخفف عنهم لا اتقل عليهم بمشاكلي وارحمهم في الارض لكي يرحمني من في السماء واخواتي مش بحكي معهم علشان ما احرجش جوزي هو ما يستاهل مني اني افضحه امام اسرتي لازم استره في الدنيا علشان ربنا يسترني في الاخره .
دي المشكله واليكم الحل الذي اعرفه جيدا :
اولا : انا بصلي واصوم الاثنين والخميس
ثانيا : اقيم الليل وادعو الله كثيرا
ثالثا : رغم كل تصرفات حماتي ( حدث ولا حرج) بعاملها كويس اوي اوي
واي كلمة اسمعها ما تعجبنيش بسكت واعمل نفسي مش سامعه بصراحه انا
اصبحت ما بتكلمش خالص وما بسمعش عالطول علشان امشي حالي ما هو
مش معقول اعمل مشاكل مع حماتي او اشتكي منها لجوزي انا مش ناقصه
لحد خلاص ما حسيت اني نسيت الكلام
رابعا : وهو الحل الجزري لمشكلتي ان ربنا يرزقني بشغل واحوش واجيب شقة لي
انا وزوجي وهو علي فكره مش معترض لانه حاسس بيا من غير ما اتكلم
ودائما يقولي معلش
خامسا : خلاص جالي الضغط من كتر ما بكتم في نفسي
سادسا : اصبحت غصب عني انسانه محطمه
مش عاوزه حد يواسيني عاوزه حاجه واحدة بس
الدعاء لي بظهر الغيب ان ربنا يرزقني انا وزوجي
وجزاكم الله خيرا
|
حلويات رمضان 
