يارب لك الحمد كما ينبغي لجلال وجهك و عظيم سلطانك - اليوم 19-4-2014 والساعة الآن 03:55 ص (جميع الأوقات بتوقيت جرينتش +2)

منتدى فتكات

 
 
لو بتدوري على صحبة و لمة و كلام من القلب و بسمة، و محتارة تروحي فين، هتلاقي فتكات موجودة فيها ايادى بالخير ممدودة: يلا تعالي مع احلى صحبة دنيا ودين!





يمنع منعا باتا التعليقات والادعية السياسية، وكذلك الصور والتوقيعات المتعلقة بالسياسة، نريد ان نعود اسرة واحدة كما كنا
موضوع مغلق   انشري في صفحتك على فيس بوك!   اضغطي هنا لاضافة الموضوع الى مفضلتك!
 
أدوات الموضوع التقييم: تقييم الموضوع: 264 تصويتات، المعدل 5.00.
# # # تجربتى الشخصيــــه مع ( ســورة البقــره ) # # # 5 5.00 264
  #1  
13-10-2010 قديم 13/10/2010 08:30am
الصورة الرمزية فسدقه
مفسرة الاحلام
وسام الوفاء لمرور اكثر من خمس سنوات على عضويتها واستمرارها كعضوة نشيطةوسام النشاط الاداري المتميزوسام النشاط الاجتماعي لحضور مقابلة فتكاتوسام خبيرة فتكات في قسم تفسير الاحلاموسام ألكسا لاستخدامها شريط ادوات ألكسا أثناء وجودها بالمنتدى
ربة منزل - مصرية
العضوة فسدقه هي صاحبة الموضوع لو تعرفي العضوة دي شخصيا ياريت تطمنينا عليها
تاريخ التسجيل: 5/2008
المشاركات: 8,527
المواضيع: 84
مودي: متفائلة

# # # تجربتى الشخصيــــه مع ( ســورة البقــره ) # # # - العضوة فسدقه هي صاحبة المشاركة

# # # تجربتى الشخصيــــه مع ( ســورة البقــره ) # # #


انهرده يا أحلى فتاكيت هاحكلكم حكايتى العجيبه مع ( سورة البقره )
وكانت بدايتها تقريبا من حوالى 5 أو 6 سنين



وأقسم بالله إن كل اللى هاقوله ليكم حصل معايا وسبحان الله



فى يوم من الأيام كنت قاعده باقرى فى مجلة ( زهرة الخليج ) والمجله دى بحبها جدا وهيه نمره واحد عندى وفضلها كبير عليا قوى وطبعا ده بعد فضل الله تعالى



لقيت موضوع عن لقاء مع ساحر بس الساحر ده تاب عن اللى كان بيعمله وبقى معالج بالقرآن الكريم والرقيه الشرعيه وكان بيتكلم عن اساليب السحره



وقال إن الشئ الوحيد اللى يمنع أى ساحر إنه يأذى أى شخص هوه ( سورة البقره )
طبعا مع المحافظه على الأذكار



وحكى قصة واحد جه ليه بيعانى من عدم توفيق فى حياته وخاصة فى شغله وكل لما يعمل مشروع يفشل فنصحه بقراءة سورة البقره لمدة 21 يوم كامله



وفعلا الشخص ده عمل بالنصيحه وقرأ سورة البقره وفى اليوم ال21 بعد ما خلص قراءتها ونام
حلم إن فيه جن وعفاريت وحيوانات من كل نوع ( أسود - كلاب - قطط - حشرات - تعابين ) وغيرها
موجودين فى البيت ولقاهم بيكلموا بعض وبيقولوا إنهم خلاص هايسيبوا البيت ده لأنهم مش قادرين يقعدوا فيه عشان صاحب البيت بيقرى سورة البقره


وفعلا شافهم طالعين من باب البيت



فراح للساحر اللى اصبح معالج وراقى وحكى له الحلم فقال ليه الحمد الله كده الأذى اللى كان موجود فيك وفى بيتك خلاص أصبح ليس وجود وتم شفاءك بفضل الله وبفضل سورة البقره



وفعلا بعدها الشخص ده احواله إتحسنت جدا وربنا وفقه فى حياته وخاصة فى شغله وفى مشارعيه



ففى الفتره دى كنت حاسه إنى محسوده فقلت لما اقرى أنا كمان سورة البقره لمدة 21 يوم
وفعلا بدأت قرايتها وكنت بقرآها مره واحده يوميا فى جلسه واحده والوقت اللى كنت بقرآها فيه كان فى الغالب بيكون بعد العصر وقبل المغرب

والحمد الله ربنا قدرنى وقدرت أكمل ال21 يوم



وفى آخر يوم بعد ما قرتها كنت مستنيه أنام بالليل عشان أشوف حلم وأعرف إذا كان هايحصل معايا زى ما حصل مع الراجل ولا لئه ولا هاشوف حاجه تانيه

وكانت المفاجـــــــــأه وغير متوقعه خالص

# # # تجربتى الشخصيــــه مع ( ســورة البقــره ) # # # # # # تجربتى الشخصيــــه مع ( ســورة البقــره ) # # # # # # تجربتى الشخصيــــه مع ( ســورة البقــره ) # # #

هههههههههههههههههه


تفتكروا إيه اللى حصل يا احلى فتاكيت ؟؟؟؟؟؟؟؟؟؟

# # # تجربتى الشخصيــــه مع ( ســورة البقــره ) # # # # # # تجربتى الشخصيــــه مع ( ســورة البقــره ) # # # # # # تجربتى الشخصيــــه مع ( ســورة البقــره ) # # #


كنت فى الوقت ده قاعده فى الأوضه ولقيت جرس الباب بيرن ( ترن - ترن - ترن )

فماما او حد من اخواتى راح فتح الباب وطلعت مين يا ترى ؟؟؟


طلعت جارتنا فى الشقه اللى جنبنا على طول ودى بقى صاحبتى قوى وبتحبنى قوى


لقيت ماما جيه بتقولى فلانه ( جارتى وصاحبتى ) عيزاكى فقلت ليها مش عارفه هيه عيزانى فى إيه أنا كنت فاكره إنها عيزانى أروح اقعد معاها شويه

فماما قالتلى مش راضيه تقول عملاها مفاجأه
هههههههههههههه



المهم طلعت لقتها واقفه على الباب وبتقولى أنا جيبالك ( عريس )

# # # تجربتى الشخصيــــه مع ( ســورة البقــره ) # # #

ههههههههههههههههههه


طبعا فرحت وقلت ليها طيب ادخلى ونتكلم فى الموضوع على راحتنا وتقوليلى التفاصيل



عارفين قالتلى إيه لا مش هاينفع إنتى تدخلى حالا تلبسى عشان العريس معايا وموجود فى الشقه عندى



واحنا شقتنا وشقتها جنب بعض على طول بينا وبينها حيطه

راحت أختكم عملت كده من هول المفاجأه

# # # تجربتى الشخصيــــه مع ( ســورة البقــره ) # # #


ههههههههههههههههههههه

عشان دى كانت أول مره يحصل فيها الموضوع ده



لأن أى عريس كان بيتقدم إما بيتصلوا بالتليفون أو يبعتوا حد يكلمنا ويحددوا ميعاد للمقابله قبل ما يجوا يشرفونا



المهم اختكم دخلت لبست اللى على الحبل ههههههههههههه

# # # تجربتى الشخصيــــه مع ( ســورة البقــره ) # # #

والعريس شرف بعد حوالى ربع أو نص ساعه
بس مش حصل نصيب يا فتاكيت




المهم فى الموضوع إنى كنت قاعده مستنيه إنى أنام عشان اشوف حلم تخليوا بفضل سورة البقره والقرآن الكريم
نزل عليا عريس من حيث لا أدرى وفى اليوم ال21 من بداية قراءتى لسورة البقره




بقيت طبعا بعد كده أواظب عليها واقرآها لمدة 21 يوم

وكل مره بفضل الله لازم عريس يتقدملى ويجى البيت أو حد يكلمنى بره البيت سبحان الله
وعلى فكره مش كان لازم ال21 يوم يخلصوا ده حتى اثناء القرايه كان فيه عرسان بيتقدموا ليا يا فتاكيت
وفضلت على كده فتره طويله

# # # تجربتى الشخصيــــه مع ( ســورة البقــره ) # # #


وفى يوم وأنا قاعده بتفرج على ( قناة الناس ) وكان فيها الشيخ ( سالم أبو الفتوح ) ربنا يباركله ويجازيه كل خير ويجعله من السعداء فى الدنيا وفى الآخره
يارب آمين
وكنت باحب أتابع البرنامج بتاعه وأسلوبه فى الحوار



لقيته بيقول ( الآنسه اللى متأخره فى الجواز ) تقرى سورة البقره مره واحده يوميا لمدة 6 شهور كامله

فقلت فى نفسى هو انا لازم أكون متأخره فى الجواز عشان أعمل كده



وفعلا قررت إنى أقراها لمدة 6 شهور كامله

والحمد الله ربنا وفقنى وقرتها بس آخر يوم فى ال6 شهور كنت عند واحده قريبتى عشان هاتتجوز وكان يوم حنتها وكنت رحت معاها الشقه نوضب ونرص حاجات

وبعد ما الحنه خلصت كنت فعلا تعبانه قوى وكنت هاكسل عن قراية سورة البقره

فقلت فى نفسى ده آخر يوم فى ال6 شهور قومى إقريها وبلاش الشيطان يضحك عليكى

خت بعضى وطلعت البلكونه وقفلت على نفسى الباب وقرتها وخلصتها بفضل الله



على فكره قريبتى دى كانت قرت سورة البقره وفى اليوم الخامس من بداية قرايتها إتصلت واحده من قرايب جوزها او والدته بوالدتها وطلبت إنها تخطبها لإبنها
والحمد الله تم الجواز على خير

# # # تجربتى الشخصيــــه مع ( ســورة البقــره ) # # #


أكمل ليكم بقى إيه اللى حصل بعد 6 شهور

بعد حوالى شهر أو أقل من شهر إتقدملى جوزى وتمت الخطوبه والجواز على خير فى حوالى 3 شهور
ولله الحمد وطبعا كل شئ بأمر الله وقدره وبفضله سبحانه وتعالى

# # # تجربتى الشخصيــــه مع ( ســورة البقــره ) # # #


وعلى فكره لما كنت بقرآها كان الخير بيعم على كل البيت وحتى على أخواتى

فى مره كنا نايمين والساعه كانت حوالى 8 الصبح

لقينا خبط جامد على الباب فاستغربنا مين اللى جاى فى الوقت ده وبيخبط كمان بالطريقه دى

تخيلوا لقينا مين واحد جارنا جاى وجايب عريس لأختى بس مش كان معاه العريس المره دى كان معاه أبو العريس
# # # تجربتى الشخصيــــه مع ( ســورة البقــره ) # # #
هههههههههههههههههههه


والله العظيم هذا حصل وطبعا دخل وإتكلم عن إبنه وعن شغله ومميزاته وعن طلباته فى العروسه
وأعتذر عن إنه جاى فى الوقت ده بس قال إنه كان بيكلم جارنا على عروسه لأبنه فقال ليه عندى طلبك وخده من إيده وجابه عندنا
بس مش حصل نصيب يا فتاكيت



وطبعا من ساعة اللى حصل معايا من اول مره ( 21 ) يوم وانا قلت لكل أصحابى وجيرانى على سورة البقره

والحمد الله كل واحده فيهم دلوقتى متجوزه وفى بيتها حتى اللى كان سنهم كبير ربنا كرمهم بجوازات زى الفل
وربنا يهنيهم ويسعدهم ويبارك فى حياتهم جميعا
يارب آمين

ولله الحمد ولله الفضل
اللهم لك الحمد ولك الشكر كما ينبغى لجلال وجهك وعظيم سلطانك


# # # تجربتى الشخصيــــه مع ( ســورة البقــره ) # # #


وفيه كمان واحده قريبتى كان باباها بخيل مع إن حالته الماديه كويسه جدا
بقت تقرى سورة البقره هيه ومامتها وبتحلف ليا إن كل اللى كانوا عايزينه باباها جابه ليهم واكتر كمان
وحياتهم إتغيرت 360 درجه وبقت تمام
وبتقولى لما نبقى عايزين حاجه من بابا بنقعد انا وماما نقرى سورة البقره قبل ما نطلب منه والحمد الله بيوافق على طول

وفعلا هموا دلوقتى فى مستوى تانى خالص غير اللى كانوا فيه ربنا يباركلهم يارب آمين

شفتوا قد إيه فضل سورة البقره والقرآن الكريم ليس قبله ولا بعده أى شئ



ارجو من كل فتوكه إنها تقرى ( سورة البقره ) مره واحده يوميا لمدة ( 6 شهور ) بدون توقف حتى لو كان عندك العذر الشرعى إقريها من على الكمبيوتر أو البسى جوانتى واقريها من المصحف

ففضلها عظيم ولا يستطيع احد أن يحصر بركات سورة البقره

فقد قال رسولنا الكريم صلى الله عليه وسلم :
( إقرؤا البقره فإن فى اخذها بركه وفى تركها حسره ولا تستطيعها البطله ) بمعنى السحره


وأمانه على كل فتوكه هاتقرى سورة البقره تيجى تقولنا إيه اللى حصل معاها وتحكى تجربتها عشان الكل يستفيد إن شاء الله


# # # تنبيــــــــــــــــه هام جدا # # #

مش هاسامح أى واحده تنقل الموضوع ده لأى منتدى تانى من غير ما تقول إسم صاحبة الموضوع ( فسدقه ) وان الموضوع منقول من ( منتدى فتكات ) وكمان هادعى عليها بعدم التوفيق فى حياتها لأنى أمنتها أمانه وهيه خانت الأمانه

ولأن تجربتى دى انا كتباها حصريا لمنتدى فتكات فقط
أحلى وأروع وأجمل وأغلى منتدى


وربنا يرزق كل فتوكه وكل مسلمه وخصوصا المتأخره فى الزواج بالزوج الصالح الطيب اللى يعزها ويقدرها ويكرمها ويسعدها ويجعل بينها وبينه الموده والسكن والرحمه عاجلا غير آجلا
يارب آمييييييييييييين

وأرجو منكم الدعاء لى بالذريه الصالحه الطيبه وإنه يجعل بينى وبين جوزى الموده والسكن والرحمه
وجزاكم الله كل خير

ومش تنسوا التقيييييييييييييييييم وإلا إنتوا هاتبقوا المسؤولين عن اللى هايحصل وذنبكم على جنبكم
# # # تجربتى الشخصيــــه مع ( ســورة البقــره ) # # #
ههههههههههههههههههههههه

# # # تجربتى الشخصيــــه مع ( ســورة البقــره ) # # #

# # # ودى شوية معلومات عن فضل سورة البقره يا أحلى فتاكيت # # #


1- أنها بركة ولا تستطيع الشياطين البقاء في مكان تقرأ فيه :

عن أبي أمامة قال : سمعت رسول الله صلى الله عليه وسلم يقول : " اقرءوا القرآن فإنه يأتي يوم القيامة شفيعا لأصحابه اقرءوا الزهراوين البقرة وسورة آل عمران فإنهما تأتيان يوم القيامة كأنهما غمامتان أو كأنهما غيايتان أو فرقان من طير صواف تحاجان عن أصحابهما اقرءوا سورة البقرة فإن أخذها بركة وتركها حسرة ولا تستطيعها البطلة " . رواه مسلم .

عن أبي هريرة رضي الله عنه قال : قال رسول الله صلى الله عليه وسلم : " لا تجعلوا بيوتكم مقابر إن الشيطان ينفر من البيت الذي يقرأ فيه سورة البقرة " . رواه مسلم



2- أن فيها أعظم آية في القرآن وهي آية الكرسي :

عن أبي بن كعب قال : قال رسول الله صلى الله عليه وسلم : " يا أبا المنذر أتدري أي آية من كتاب الله معك أعظم ؟ " . قال : قلت الله ورسوله أعلم قال : " يا أبا المنذر أتدري أي آية من كتاب الله معك أعظم ؟ " . قال : قلت ( الله لا إله إلا هو الحي القيوم )
قال فضرب في صدري وقال : " والله ليهنك العلم أبا المنذر " . رواه مسلم .

وآية الكرسي سبب للحفظ من الشيطان لمن قرأها :
عن أبي هريرة رضي الله عنه قال : وكلني رسول الله صلى الله عليه وسلم بحفظ زكاة رمضان فأتاني آت فجعل يحثو من الطعام فأخذته فقلت لأرفعنك إلى رسول الله صلى الله عليه وسلم قال إني محتاج وعلي دين وعيال ولي حاجة شديدة فخليت عنه فأصبحت فقال النبي صلى الله عليه وسلم :
يا أبا هريرة ما فعل أسيرك البارحة قال قلت يا رسول الله شكا حاجة شديدة وعيالا فرحمته فخليت سبيله
قال أما إنه قد كذبك وسيعود فعرفت أنه سيعود لقول رسول الله صلى الله عليه وسلم إنه سيعود فرصدته فجاء يحثو الطعام وذكر الحديث إلى أن قال فأخذته يعني في الثالثة فقلت لأرفعنك إلى رسول الله صلى الله عليه وسلم وهذا آخر ثلاث مرات تزعم أنك لا تعود ثم تعود . قال دعني أعلمك كلمات ينفعك الله بها
قلت ما هن قال إذا أويت إلى فراشك فاقرأ آية الكرسي الله لا إله إلا هو الحي القيوم حتى تختم الآية فإنك لن يزال عليك من الله حافظ ولا يقربك شيطان حتى تصبح فخليت سبيله فأصبحت فقال لي رسول الله صلى الله عليه وسلم ما فعل أسيرك البارحة قلت : قال ما هي قلت قال لي إذا أويت إلى فراشك فاقرأ آية الكرسي من أولها حتى تختم الآية الله لا إله إلا هو الحي القيوم وقال لن يزال يا رسول الله زعم أنه يعلمني كلمات ينفعني الله بها فخليت سبيله عليك من الله حافظ ولا يقربك شيطان حتى تصبح وكانوا أحرص شيء على الخير فقال النبي صلى الله عليه وسلم : أما إنه قد صدقك وهو كذوب تعلم من تخاطب منذ ثلاث ليال يا أبا هريرة قال لا قال ذاك الشيطان
رواه البخاري



3- أن في سورة البقرة آخر آيتين وهما سبب للحفظ لمن قرأهما :

عن أبي مسعود قال : قال رسول الله صلى الله عليه وسلم : " الآيتان من آخر سورة البقرة من قرأ بهما في ليلة كفتاه .
متفق عليه .

4- أن اسم الله الأعظم في سورة البقرة :

عن أسماء بنت يزيد رضي الله عنها أن النبي صلى الله عليه وسلم قال : " اسم الله الأعظم في هاتين الآيتين : ( وإلهكم إله واحد لا إله إلا هو الرحمن الرحيم ) وفاتحة ( آل عمران ) : ( الم الله لا إله إلا هو الحي القيوم )
رواه الترمذي وأبو داود وابن ماجه وهو صحيح .


فى أمان الله ورعايته وحفظه والف سلام وتحيه لاخواتى الفتاكيت

# # # تجربتى الشخصيــــه مع ( ســورة البقــره ) # # #
التقييم: تقييم الموضوع: 264 تصويتات، المعدل 5.00.


انشري في صفحتك على فيس بوك! انشري في تويتر!

عنوان الموضوع للنسخ

# # # تجربتى الشخصيــــه مع ( ســورة البقــره ) # # #

http://forums.fatakat.com/thread921830
فسدقه فسدقه http://files.fatakat.com/customavatars/avatar23360_1.gif مفسرة الاحلام Fatakat رحمة رب العالمين - عالم الظلم والطغيان

صورة توقيع فسدقه في منتديات فتكات
اللهم ارزقنى وارزق كل فتوكه وكل مسلمه متأخره فى الحمل بالذريه الطيبه
عاجلا غير آجلا يارب آمين
( ربنا هب لنا من لدنك ذرية طيبة انك سميع الدعاء )
مواضيع سابقة: خواتي عريس زي العسل ؟؟ مواضيع تالية: مطلوب عريس نوبى
  #2  
13-10-2010 قديم 13/10/2010 08:40am
الصورة الرمزية فسدقه
مفسرة الاحلام
وسام الوفاء لمرور اكثر من خمس سنوات على عضويتها واستمرارها كعضوة نشيطةوسام النشاط الاداري المتميزوسام النشاط الاجتماعي لحضور مقابلة فتكاتوسام خبيرة فتكات في قسم تفسير الاحلاموسام ألكسا لاستخدامها شريط ادوات ألكسا أثناء وجودها بالمنتدى
ربة منزل - مصرية
صاحبة الموضوع لو تعرفي العضوة دي شخصيا ياريت تطمنينا عليها
تاريخ التسجيل: 5/2008
المشاركات: 8,527
المواضيع: 84
مودي: متفائلة

رد: # # # تجربتى الشخصيــــه مع ( ســورة البقــره ) # # # - العضوة فسدقه هي صاحبة المشاركة

تنبيـــــــــــــه هام جدا جدا جدا :

نسيت أقولكم يا فتاكيت إن أهم شئ مع سورة البقره هو :


((( الدعـــــــــــــــــاء )))


إدعى ربنا فى كل وقت وفى اى وقت بس الأفضل إنك تتحرى أوقات إجابة الدعاء


ودى أفضل أوقات إجابة الدعاء إن شاء الله


اوقات الاجابة في اليوم والليلة

تلك الاوقات جعلها الله تعالى علامات لعباده يتزودون منها لدنياهم وآخرتهم ... فالمحروم حقا من ضيع تلك الفرص وغفل عن تلك المنح الالهية.

اختي المسلمة .. لو قيل لك : اذا قصدت مكان كذا فستجدين كل مطلبك وحاجتك , ما اظنك تترددين في الذهاب الى ذلك المكان .
ولكن العجب ان كثيرا منا غفلوا عن دعاء الله تعالى وسؤاله النفع ف تلك الاوقات الفاضلة , غافل ... جاهل ... مسكين ... من كان هذا حاله يترك دعاء الله ملك الملوك ... الغني .. الرحيم ... الكريم ... من بيده ملكوت كل شيئ ... ويلجأ الى المخلوق ... الضعيف.. الناقص ... الفقير الى الله .

ان افضل اوقات الاجابة هي :


1 - الدعاء في الثلث الاخير من الليل : قال صلى الله عليه وسلم : ’ينزل ربنا تبارك وتعالى كل ليلة الى السماء الدنيا حين يبقى ثلث اللليل الاخير فيقول: من يدعوني فأستجيب له من يسألني فأعطيه من يستغفرني فأغفر له .. البخاري
قال ابو بكر الطرطوشي . رحمه الله . : ليس بفقيه من كانت له الى الله حاجة نام عنها في الاسحار ’


2 - الدعاء في السجود : قال صلى الله عليه وسلم : ’اقرب ما يكون العبد من ربه وهو ساجد فاكثروا الدعاء ’ مسلم


اختي الكريمة ... فرص ذهبية .. ان تعرضي طلباتك على الغني الكريم ... من بيده خزائن كل شيئ ....

3 - الدعاء بين الاذان والاقامة : قال صلى الله عليه وسلم : ’الدعاء لا يرد بين الاذان والاقامة’ . ابو داود

4 - الدعاء عند التعار من الليل : وقول الدعاء الوارد في ذلك .
وتعار : اي استيقظ او انتبه, قال صلى الله عليه وسلم : ’ من تعار من الليل فقال : لا اله الا الله وحده لا شريك له له الملك وله الحمدوهو على كل شيئ قدير ,الحمد لله, وسبحان الله , ولا اله الا الله , والله اكبر , ولا حول ولا قوة الا بالله , ثم قال : اللهم اغفر لي . او دعا . استجيب له فان توضأ وصلى قبلت صلاته ’ .
اختي المسلمة .... لا تفوتي على نفسك ان تستيقظ من الليل ولو لمدة دقائق وتقولين الذكر ... ثم تدعين بعدها بما شئت فنه يستجاب لك ..

5 - دعاء المسلم لاخيه بظهر الغيب في اي وقت : قال صلى الله عليه وسلم : ’ ما من مسلم يدعو لاخيه بظهر الغيب الا قال الملك : ولك بمثل ’ .
مسلم
فاذا اردت ان تستجاب دعوتك فادع لاخواتك حتى يدعو الملك لك لان دعاءه مستجاب .

6 - الدعاء في يوم الجمعة والراجح انها بعد العصر :

قال صلى الله عليه وسلم : ’فيه ساعة لا يوافقها عبد مسلم قائم يصلي يسأل الله تعالى شيئا الا أعطاه اياه ’ .




0

صورة توقيع فسدقه في منتديات فتكات
اللهم ارزقنى وارزق كل فتوكه وكل مسلمه متأخره فى الحمل بالذريه الطيبه
عاجلا غير آجلا يارب آمين
( ربنا هب لنا من لدنك ذرية طيبة انك سميع الدعاء )
  #3  
13-10-2010 قديم 13/10/2010 08:44am
ممنوعة من المشاركة
خريجة - مصرية
Mannon غير متواجدة حالياً
تاريخ التسجيل: 9/2010
المشاركات: 127
المواضيع: 12
مودي: ----

رد: # # # تجربتى الشخصيــــه مع ( ســورة البقــره ) # # # - العضوة Mannon هي صاحبة المشاركة

بجد مش عارفة اقولك ايه ربنا يرزقك بالذرية الصالحة يارب
انا هقرأها بإذن الله وربنا يتمم لي خطوبتى يارب ادعيلى ربنا يكرمك
متشكرة اوى اوى دى اغلى معلومة عرفتها فى حياتى

0

  #4  
13-10-2010 قديم 13/10/2010 08:46am
فتكات متميزة
موظفة - مصرية
الاستغفار غير متواجدة حالياً
تاريخ التسجيل: 1/2010
المشاركات: 386
المواضيع: 4
مودي: ----

رد: # # # تجربتى الشخصيــــه مع ( ســورة البقــره ) # # # - العضوة الاستغفار هي صاحبة المشاركة

ماشاء الله عليكى أختى فسدقة وربنا يجازيكى خيرا كثيرا بإذن الله
وطبعا أنا هاكون أول واحدة تجرى وتقول لاخت زوجى عن فضل سورة البقرة لعل الله يرزقها الزوج الصالح اللهم أمين
ويا ريت تدعيلها أنتى كمان وأسأل الله العظيم رب العرش العظيم أن يهديكى الى الصراط المستقيم

0

  #5  
13-10-2010 قديم 13/10/2010 08:47am
الصورة الرمزية توتا210
فتكات ست الكل
وسام الفائزة بمسابقة افضل موضوع في قسم الفوتوشوبوسام خبيرة فتكات في الفوتوشوبوسام ألكسا لاستخدامها شريط ادوات ألكسا أثناء وجودها بالمنتدى
خريجة - مصرية
توتا210 غير متواجدة حالياً
تاريخ التسجيل: 9/2009
المشاركات: 6,967
المواضيع: 135
مودي: ----

رد: # # # تجربتى الشخصيــــه مع ( ســورة البقــره ) # # # - العضوة توتا210 هي صاحبة المشاركة

قصة رائعة الله يجزاكى كل خير ياقلبى بجد حاجة تفرحا الله يرزقكم بالزرية الصالحة ياقلبى
اللهم اجعـل القــرآن العظــيم ربــيع قـلوبــنا
وجـلاء هـمـومنا وغمومنا ونـور أبصارنــا
وهـــدايـتــنــا فــي الــدنــــيـــا والآخــــرة
اللـهم ذكرنـا مـنـه ما نَسيـنا وعلمنا منه ما جهـلنا
اللهم ارزقنا تلاوته على الوجه الذي يرضيك عنا
آنــــــاء الـــلـــــيل وأطـــــراف الــنـــــهــار

0

صورة توقيع توتا210 في منتديات فتكات
  #6  
13-10-2010 قديم 13/10/2010 08:51am
الصورة الرمزية غادة محمد حنفي
فتكات هايلة
وسام ألكسا لاستخدامها شريط ادوات ألكسا أثناء وجودها بالمنتدى
موظفة - مصرية
لو تعرفي العضوة دي شخصيا ياريت تطمنينا عليها
تاريخ التسجيل: 9/2008
المشاركات: 1,178
المواضيع: 35
مودي: ----

رد: # # # تجربتى الشخصيــــه مع ( ســورة البقــره ) # # # - العضوة غادة محمد حنفي هي صاحبة المشاركة

ربنا يكرمك ويوفقك ويرزقك بالذرية الصالحة ان شاء الله
اميييييين يارب العالمين

0

صورة توقيع غادة محمد حنفي في منتديات فتكات
هوبااااارقص الباناناز
لا اله الا انت سبحانك اني كنت من الظالمين
يا حي يا قيوم برحمتك استغيث
اصلح لي شأني كله ولا تكلني الي نفسي طرفة عين
  #7  
13-10-2010 قديم 13/10/2010 08:59am
الصورة الرمزية ferry cool
فتكات رائعة
خريجة - مصرية
ferry cool غير متواجدة حالياً
تاريخ التسجيل: 10/2009
المشاركات: 2,500
المواضيع: 26
مودي: ----

رد: # # # تجربتى الشخصيــــه مع ( ســورة البقــره ) # # # - العضوة ferry cool هي صاحبة المشاركة

جزاك الله خيرا على المعلومات

بس موضوع تخصيص وقت محدد زى واحد وعشرين يةم او 6 شهور دليله ايه؟

بس بصراحة انا استفدت وهقرأها ان شاء الله على قد ما اقدر

يا ريت تسألى اى شيخ موثوق في كلامة على العدد من الايام دة صح ولا بدعة وتبلغينا زيادة فى الفايدة

0

يارب حقق لى حلمى انت على كل شئ قدير

يارب ارض عنى واحسن ختامى واقبلنى عندك يا كريم يا غفور

يارب أشهدك أنى رضيت بك ربا وبنبيك رسولا وبالإسلام دينا
  #8  
13-10-2010 قديم 13/10/2010 09:00am
الصورة الرمزية white.rose
سوبر فتكات
وسام الوفاء لمرور اكثر من خمس سنوات على عضويتها واستمرارها كعضوة نشيطة
سيدة أعمال - مصرية
white.rose غير متواجدة حالياً
تاريخ التسجيل: 1/2009
المشاركات: 3,331
المواضيع: 21
مودي: ----

رد: # # # تجربتى الشخصيــــه مع ( ســورة البقــره ) # # # - العضوة white.rose هي صاحبة المشاركة

ربتا يكرمك ويرزفك بالذرية الصالحة.
مجهود رائع.عارفةقبل ما ارد عليكى شغلت سورة البقرة على الكمبيوتر.
وانا بكتبلك حاسة بى راحة شديدة.مع سماعى للقران الكريم. الحمد للة
الحكد للة انك ذكرتينى بى فضل قرائتها فى البيت.لان الواحد فعلا محتاجها .
:يارب::يارب::يارب::يارب:

0

جبنة موتزريلا جملة للبيع


http://forums.fatakat.com/thread3840417
  #9  
13-10-2010 قديم 13/10/2010 09:04am
الصورة الرمزية اسلامى هو حياتى
فتكات ست الكل
وسام ألكسا لاستخدامها شريط ادوات ألكسا أثناء وجودها بالمنتدى
خريجة - مصرية
اسلامى هو حياتى غير متواجدة حالياً
تاريخ التسجيل: 10/2009
المشاركات: 6,941
المواضيع: 68
مودي: عادي

رد: # # # تجربتى الشخصيــــه مع ( ســورة البقــره ) # # # - العضوة اسلامى هو حياتى هي صاحبة المشاركة

ربنا يجازيكى كل خير والله انا صاحية من النوم مضايقة وكان نفسى فى حاجة تهدينى وتريحنى

بجد ربنا يجازيكى كل خير ويرزقك الذرية الصالحة

ادعيلى ان ربنا يشفيلى والدتى ويفرج همى وكربى ويصلح احوالى انا وجوزى ويرجعلى بالسلامة من سفره ويتمم فرحنا على خير

0


http://50d.org/ahmed-elagamy.htm

استمعى للقرءان الكريم بدون تحميل ده صدقة جارية
  #10  
13-10-2010 قديم 13/10/2010 09:30am
سوبر فتكات
--- - مصرية
لو تعرفي العضوة دي شخصيا ياريت تطمنينا عليها
تاريخ التسجيل: 6/2010
المشاركات: 4,422
المواضيع: 215
مودي: ----

رد: # # # تجربتى الشخصيــــه مع ( ســورة البقــره ) # # # - العضوة دمعة فرح 5 هي صاحبة المشاركة

بسم الله ماشاء الله حكايتك جميله اووووي سبحان الله

وربنا يرزقك الذرية الصالحه التي تقر عينك ياارب

وان شاء الله اعمل بنصيحتك يا حبيبتي

وربنا يرزق كل بنات المسلمين الزوج الصالح اللهم امين يارب

وطبعا ممتااااااااز


سبحان الله وبحمده سبحان الله العظيم

0

موضوع مغلق

مواضيع سابقة: خواتي عريس زي العسل ؟؟ مواضيع تالية: مطلوب عريس نوبى


تعليمات المشاركة
لا تستطيعين كتابة مواضيع
لا تستطيعين كتابة ردود
لا تستطيعين إرفاق ملفات
لا تستطيعين تعديل مشاركاتك

كود [IMG] متاحة
كود HTML معطلة

أقسام فتكات


اي مشاركة في الموقع و المنتدى تعبر عن رأي كاتبتها دون ادنى مسئولية على ادارة الموقع
جميع الحقوق محفوظة لمنتدى فتكات، يحظر نقل او نسخ اي اجزاء من الموقع الا بإذن الكتروني من ادارة الموقع
vBulletin، Copyright ©2000 - 2014، Jelsoft Enterprises Ltd.
إنشاء و تطوير انترنت بلس - استضافة المستضيفون العرب
مواضيع مميزة
مواضيع جديدة
استعلامات




ايوه هي دي فتكات اللي بيقولوا عليها :) انتي مش مشتركة ليه؟! بصي الفتوكات بيقولوا ايه: فرحانة سعيدة مبسوطة متأثرة محتارة مصرية فخورة مربية شابة هاه؟ ح تنورينا؟ اشتركي الآن!