[ايمان فريد]

اختى منى/ اولا وحشتنى انتى اخبارك ايه وبعدين اولادى هى اولادك مش المسلمين كلهم اخوات عوزين نسمع عنك كل خير.
اختى نوران/ على فكره انا كنت بقول كل سنه وانتم بخير الاول بمناسبه مولد النبى الشريف بس نسيت اكتب المناسبه
ويارب تقومى بالف سلامه وشكرآ لكى على الدعوه الجميله يارب ياحبيبتى وتنورى اى مكان تكونى فيه انتى وباقى الاعضاء وبلمناسبه لو حصل مش هعمل تخفيض
ده حقه يكون وصل خالص وبنتك اخبارها ايه يارب تشفيها عروسه بامر الله

[نوران ايمن]

اولا يا جماعة
كلكوا اخباركوا ايه
بجد وحشتوووووووووووووونى قوى
انا النهاردة معرفتش ادخل على النت طول النهار الا دلوقتى تقريبا اصل الكهربة كانت قاطعة ولما جات النت كان قاطع فيادوب لسه بقول ازيكوووووووووووا
المهم
عملتوا ايه فى الصلى على سيدى رسول الله صلى الله عليه وسلم
انا النهاردة خرجت العصر كده علشان اجيب حفاضات لنوران وللنونو اللى هيشرف ان شاء الله بالرغم ان الدكتورة منعانى من الحركة بس مكنش بينفع الا كده بس ممشتش كتير الراجل بتاع الجملة مش بعيد عن البيت
المهم طول ما انا ماشية تقريبا قعدت اصلى على النبى بس معددتش
بس يعنى عملت حاجة انتوا بقه عملتوا ايه

ياريت يا جماعة اللى معملش يعمل بكرة بعون الله دى اقل حاجة نعملها

ادعولى بقه اعرف ارد عليكوا كلكوا لانى بتعب من القاعدة على الكرسى
ان شاء الله هعرف

[نوران ايمن]

simpaolo
اسمك سمبلة صح كده بالعربى ولا ايه
اولا قبل اى كلام انا كنت الصبح على المنتدى بس انا عندى مشكلة ان النت ضعيف ممكن تكونى معايه على الصفحة فى نفس الوقت وانا مش شيفاكى لانه بيكتب ليه اننا بس اللى موجودة مش عارفة ليه
وده سببلى مشكلة لسه امبارح مع عضوة جديدة دخلت تكلمنى وانا طبعا مردتش عليها لان حتى الرسايل اللى هى بعتتها ليه ساعتها مجاتليش خالص ولما بقفل الكمبيوتر وبفتحه تانى ساعتها بشوف الرسايل كلها اللى جاتلى
ودى مشكلة انا بعتزر عليها
المهم يا جميل
ايه النسمة الجميلة اللى جيلنا كلنا دى من البحر
ازيك يا جميل يا اسكندرانى تقريبا انتى اول واحده من اسكندرية تكونى معانا هنا
انتى نورتينا يا جميل
وعايزة اقولك ان اسم بنتك زى العسل انا كان نفسى اسمى البت نوران جنى بس جوزى قال لا علشان هى فعل فى اسم
مش عارفة بس انا بعشق الاسم الجميل ده
بس ليه البخل ده هو انتى بخيلة عايزة كل الثواب تخديه لوحدك
وبعدين يا ستى متزعليش اهوه على عينك يا تاجر كل اصحابى محدش رد عليه انه صلى على النبى غيرك
شوفتى بقه يا ستى ادينى مخدش ثواب كتير ولا حاجة
وبعدين انا محتاجة الثواب ده قوى وخصوصا اليومين دول علشان انا دخله على ولاده ومحدش ضامن عمره ربنا يستر الاعمار كلها بيد الله
المهم يا ستى ايه حكاية اخوكى اللى مغلباكى ده هو معاه ايه احنا معانا هنا فى المنتدى بنات زى العسل فيهم اللى دكاترة ومنهم المحامين ومنهم المدرسين يعنى معانا كل الاصناف
وبعدين احنا هندور ليه

انا معاية احلى بنت فى المنتدى كله وبصراحة مشفتش زيها خالص ومش هشوف
ادب واخلاق وتقوى وكل حاجة حلوة دى ملكة جمال يا ستى كل اللى شافها مقدرش يعيب عليها ولا يطلع فيها غلطة
هى يا ستى زى العسل
نوران بنتى
ايه رايك
اخوكى مش هيلاقى زيها ابدا ولا فى الدنيا كلها
انا هستنى منك ردك فى الموضوع ده
بس نبهى على اخوكى انها بتستعمل (بيبى جوى ) او اى منتج اخر غير البامبرز لانى مقاطعة
بس انا بجيبة لما ملقيش اى حاجة غيره
قولى له وانا هستنى ردك

[نوران ايمن]

مونى
الف الف الف مبروك على الهايلة وعقبال متكونى مشرفة بعون الله انتى تستهلى الف خير بس طمنينى عليكى على طول
على فكرة اوعى تزعلى لانى مردتش اكمل معاكى كلام يوم مكلمتينى على جوزى اصل انا لما بفتكر المشاكل اللى مرت عليه انا وهو وبفتكر معاملته ليه بزعل قوى
المشكلة فعلا انه مش بيشوف اى حاجة حلوه فيه وده اللى قهرنى
يلا كفاية كده كلام عن الغم
خلينا فى فرحتك بالهايلة
احنا عايزين نحتفل بيكى بس ازاى مش عارفة هفكر واقولك

[نوران ايمن]

roro soso
انتى نورتينا كلنا واهلا بيكى فى وسطنا كلنا
احنا كلنا هنا اصحاب وهتقرى كلامنا وهتعرفى اننا بنرحب بكل اللعضوات اللى بيدخلوا معانا
ربنا يخليلك بنتك يارب العالمين وعقبال متخويها يارب ولا انتى مش عايزة احنا معانا هنا واحدة مش عايزة تخاوى ابنها
بس على مين مش هسيبها ان شاء الله الا لما تخاوية اصلها خايفة من الحمل تانى مرة
المهم نورتينا كلنا

[نوران ايمن]

ام مريم المصرية
الله يكرمك يا ام مريم انا فعلا تعبانه قوى اليومين دول
والمشكلة اننا لسه النهاردة اول يوم فى الشهر التاسع والدكتورة قالت ليه هتولدنى ان شاء الله بعد اسبوع ولو استحملت التعب هولد بعد 10 ايم وده اقصى وقت ليه
ربنا يستر وعدى العشر تيام دول
المهم انا فى ناس قالوا ليه على زيت اسمه زيت الحشيش الاخضر وهو فعلا جاب نتيجة مع نوران يعنى تقريبا شعرها بدا يطول بس برده مش كتير حاولى تستعمليه مع بنتك
وفى ناس بيقولوا زيت الخروع انا هجربه ليها ان شاء الله
ويارب تشوفى بنتك ملكه جمال ان شاء الله وشعرها طوييييييييييييييل قووووووووى وتبقى زى العسل

[نوران ايمن]

نسرين عيد
الله يكرمك يا نسرين تصدقى بالله انا فعلا تعابة قوى قوى وانا برد على كل اصحابى اصل انا المشكلة عندى اننا مش بعقد على النت الا فى اوقات معينة وبتبقى تقريبا باليل فبلاقى كتير كتبين ليه فبعقد على الكرسى ارد عليهم كلهم وبحاول منساش حد لانى لو مردتش على حد بيزعل وانا بصراحة مش عايزة افقد ولا واحده منهم
انتى عارفة يا نسرين كلنا عندنا مشاكل وكلنا زهقنين والواحد بيتمنى انه يلاقى اى حد يتكلم معاه علشان ينسيه همومه
ويارب محدش يكون عنده مشاكل علشان كده انا بقولك خليكى معانا ردى معايه على كل اللى بيتكلموا معانا واشركى نفسك فيهم
باذن الله الوحده اللى انتى فيها هتروح خالص
وكفايه الثواب اللى هتخديه بعون الله
وزى ما قولت ليكى خير الناس انفعهم للناس

[نوران ايمن]

اشرقت
اشرقت يا احلى اشرقت فى المنتدى كله
جزاكى الله خير على موضوعك بس انا للاسف مش بدخل اى اقسام دلوقتى فى المنتدى الحاجة الوحيدة اللى بفتحها هو هنا ارد علي اصحابى كلهم واقفله تانى لانى بصراحه مش قادرة على القاعده
المهم يا جميل انا وصلتنى رسالتك على الخاص وتصدقى بالله انا اختى اللى قرتها مش انا بصراحه مش قادرة حته اقراها ولا حته شفت الصور
المهم انا عايزة اطلب منك طلب
المنتجات دى ياريت تحطيها على المنتدى بالصور واساميها فى القسم الاسلامى
ولو ينفع تحطيها برده هنا صور واسامى ولو منفعش صور اكتبى الاسامى بس
ويكون ليكى جزيل الشكر ويارب يجزيكى خير على اللى بتعمليه يا جميل
على فكرة انا مبعرفش ابعت رسايل على الخاص انا يادوب افتح الرسايل اللى بتيجى ليه عليه لكن ابعت معرفش

[نوران ايمن]

نونا
ازيك يا جميل اخيرا هتخدى براى انا عايزاكى متخفيش استخيرى وتوكلى على الله وان شاء الله ربنا هيكرمك
يا بنتى العمر بيجرى ومحدش عارف ايه اللى هيحصل بكرة
ليكى نصيب تجيبى كمان ربنا هيرزقك
انتى لو تعبانه روحى لدكتور الاول استشيرية وشوفى هيقولك ايه
وان شاء الله خير

[نوران ايمن]

ايمان فريد
ايه يا ستى اللى بتقوليه ده
انتى افحمتينى بكلامك لمنى بصراحة كلامك زى العسل انا عمرى مجيه على بالى اننا اقولها كده فعلا انتى زى العسل
ربنا يبارك لكى فى ولادك يارب العالمين وتشوفيهم حاجة كبيرة قوى تفتخرى بيهم يارب العالمين وتفرحى بيهم
انتى عارفة لو كل واحده فينا شعرت باللى قدمها وبدات تكلمها فى مشكلتها هتكون حاجة حلوه قوى
ربنا يصلح ليكى حالك يارب العالمين ويجزيكى كل خير
شكرا على سؤالك عنى وادعيلى اعدى العشر تيام دول
انا تقريبا عمله زى اللى بيشحت كل لما ارد على حد اقوله ادعيلى شوفتى حد كده
يلا على راى جوزى ربنا يسلم

[نوران ايمن]

ايمان فريد
اه صحيح نسيت اقولك لو كل واحده فينا جات وخدت الحاجة ببلاش زى ما بتقولى ساعتها ربنا يستر عليكى هنخربها ونعقد على تلها
احنا عيزين تكونى حاجة كبييييييييييييرة قوووووووووووى وتكن شركتك كلنا نفتخر بيها وتظهر اعلانتها فى التليفزيون وساعتها كلنا هنقول يا جماعة صاحبه الشكرة دى حبيبتنا اللى عايز منها حاجة يجى واحنا نوصى عليه
فانصحك بلاش البلاش معانا
ربنا يبارك ليك يا جميل

[نوران ايمن]

يلا يا اصحابى تصبحوا على خير
الحمد لله عرفت ارد عليكوا كلكوا عقبال بكرة بعون الله
ومتنسوش الصلاه على النبى بكرة
دعواتكوا معايه

[تقوى 2007]

صباح الخير .....
ازيكم كلكم يارب تكون بالف صحة وخير ..
والله اشتقتلكم كثير بس انا عندي عتب عليك يام نوران معقولة اغيب عليك يومين وماتسألي عني مش قلنا احنا اصحاب .....
بس معلش انا عارفة نيتك دنت ست طيبة ويارب تقومي بالسلامة بس اول ما تولدي طمنينا عليك .


موني .....حبيبتي ازيك عاملة ايه والف الف مبروك وعقبال كل الالقاب




نونا..... بشكرك على سؤالك عليا انا قلتلك اني من المرج في دردشة على الخط لكن ماردتيتيش عليا كيف حالك وانت كم ولد عندك ومن امتى قاعدة برة ؟

[نوران ايمن]

تقوى
انا بتاسف ليكى يا ام تقوى انا فعلا غلطانه انى مسالتش عليكى بس انتى لو قريتى ردودى على اصحابنا هتعرفى انى تعبانه ولما بعقد على المنتدى مش بعقد كتير يعنى يا دوب بفتح الصفحة الاخيرة وبرد على كل واحده بعتت ليه ويادوب اخلص ردود بقفله
على فكرة انا مش بفتح المنتدى خالص الا للموضوع ده علشان ارد عليكوا واقفله
بكرر اعتزارى ليكى
بس عارفة انك زى العسل وعارفة كويس اننا بحبك ولولا انتى بعون الله فى الاول مردتيش عليه مكنتشش كملت الموضوع ده
صباح واحلى صباح ليكى يا ام تقوى
صحيح بنتك ازيها يارب تخويها عن قريب باذن الله

احنا فى يوم جميل عيزاكى تعقدى تصلى على النبى كتيييييييييييييير وانتى بتصلى على النبى تدخلى دعوه الانجاب فى النص كل شويه وتحطى ايدك على بطنك وتقولى يارب انك قلت ( اذا اردت شيئا كن فيكون ) فجعله يكون وطبعا فى نيتك اجعله يكون ده للخلفة
طول النهار يا ام تقوى
وربنا ييسهل باذن الله
يلا يا حبيب قلبى مع السلامه دلوقتى

[نوران ايمن]

simpaolo
صباح الخير يا سمبلة انا شيفاكى دلوقتى حالا معاية فى الصفحة بس مفيش رسالة جات لى منك
علشان بعد كده متزعليش اننا مردتش عليكى فى الوقت الحالى
انا تقريبا عندى مشكلة فى النت مش بيوصل الرسايل ليه الا بعد ما اقفل الكميوتر كله وافتحه تانى
ياريت تقرى رسالتى ليكى وانا مستنية ردك يا جميل
صباح الف فل ليكى

[simpaolo]

السلام عليكم ....... ازيك يا نوران ؟؟؟ انا بصراحة اشتركت بعد ما دخلت و عجبنى موضوعك... المهم .. يا ريت تريحى نفسك قبل الولادة و بلاش مجهود .... وان شاء الله تقومى بالسلامة .... المهم يا ستى اخويا عنده 29 سنة .. بيشتغل فى الاكاديمية العربية للعلوم و التكنولوجيا لو تعرفيها... و شفت معاه يمكن 20 عروسة بس لسة ما فيش نصيب ..... آه .. نسيت انا عايزة اقول لك ان بامبرز المصرى ما بقتش استعمله مش علشان المقاطعة .. بس بعد ما خلوه ألترا بقى بيسرب .... المهم عن تجربة غيريه بالبامبرز السعودى و ده حتلاقيه فى كارفور بنفس سعر المصرى بس احسن منه ألف مرة ... على فكرة انا اسمى الحقيقى هبة ... يللا مستنية منك الرد يا سكر

[نوران ايمن]

simpaolo
ايوه يا هبه شكرا على ردك الجميل ده ربنا يستر ان شاء الله واعدى موضوع الولاده ده بسلام ان شاء الله هيستر طول ما انا معايه اصحاب زى العسل زيكوا كلكوا بيدعولى
المهم يا جميل هو انتى بجد عايزة عروسة هنا من المنتدى ولا ده هزار لو هزار يا ستى خدى بنتى وخلاص وصدقينى هتكسبى انتى واخوكى بعون الله
هو بس البامبرز اللى هيدوخة كل شوية يغرلها
ولو بجد انا معاكى على طول الخط بس ممكن تقولى ليه هو بيشتغل ايه فى الاكاديمية
موظف ولا معيد ولا دكتور ولا ايه بالظبط وايه هى مواصفات العروسة اللى عايزها
احنا معانا هنا عرايس زى العسل من كل الجامعات
وان شاء الله هتتفرجى عليه فى الموضوع ده هعمل ايه بعون الله
وربنا يوفق الجميع بعون الله
ويا ستى بالنسبة للبامبرز انا فعلا استعملت بيبى جوى السعودى وهو فعلا حلو قوى بس مش بلاقيه كتير
انت عارفة امبارح رحت اشتريت بكتيتين من حاجة جديدة اسمها بيبى ليف هو اماراتى وبيقول انه تقريبا بنفس سعر السعودى وقالت ليه استعمليه لو مش عجبك رجعى التانى
والله يا هبه انا جبت اتنين علشان موضوع الولاده ان شاء الله لانى بعقد حوالى 20 يوم مخرجش وعلى بال معرف اقوم اهو يبقى عندى
بس انا جربت واحده امبارح وهو فعلا زى السعودى
شكرا يا جميل على كلامك معايه همه دايما الاسكندرنية كده كلامهم جميل وخفاف الظل ويحبوا واجتماعين
يارب يا ستى موضوع اخوكى ده ينتهى على خير احنا كنا كده مع خالى لغايه مربنا رزقة بزوجه صالحه
انا نسيت اقولك ان اسمك غالى قوى عليه لانه اسم بنت عمى وهى مش بنت عمى بس دى صحبتى واختى وساعات بحس انها بنتى بعشقها انا حسه انك هتكونى زيها
الف شكر مرة تانية على ردك عليه
بس عايزة اقولك حاجة انتى رديتى عليه فى كل حاجة كتبتها معادا
جواز نوران من اخوكى مقلتيش ريك فيه
ايه مش عجباكى
ولا شايفة واحده تانية
متتكسفيش
قولى
قولى
انا سمعاكى

[مونى88]

ازيك يامروةعاملة ايه اخبارك ولا يهمك على الرد اللى
اتاخرتى عليه عشان انا اللى وعملت فيكى كده بتاسف
ليكى مليون مرة ويارب تقومى بالف سلامة وكل سنة
وانتى طيبة مع الف سلامة.

[مونى88]

ازيك ياام تقوى عاملة ايه واخبارك يارب تكونى بخير
والف شكر على سؤالك ليا وكل سنة وانتى طيبة.

[مونى88]

ازيك ايمان فريد عاملة ايه واخبارك وبشكرك اوى
على ان ولادك ولادى بجد بشكرك جدا وده ليا الشرف
انه يبقوا ولادى وكل سنة وانتى طيبة.