[مونى88]

ازيك نونا عاملة ايه واخبارك وبشكرك على سؤالك
عليا وكل سنة وانتى طيبة وعلى فكرة بجد كلكوا
وحشونى اوى اوى مع الف سلامة.

[simpaolo]

السلام عليكم ....... يا نوران انتى بنوتة زى السكر.... ربنا يكرمك ة يقومك بالسلامة .. على فكرة انا لما كنت حامل فى زياد كنت خايفة جدا من الولادة .. يمكن علشان ولدت اخته قبل ميعادها ما حستش بالخوف ده ... لكن معاه كان الشيطان بيجيب لى افكار وحشة كتير ... المهم يا ست البنات سيبك من الرغى ده وخلى قلبك حديد... و كلنا بندعى لك .. انا اخويا موظف فى قسم النشاط الثقافى .. و انا كنت لسة باكلمه و قال لى ان فى واحد صاحبه جايب له عروسة حاشوفها معاه يوم الاحد .. و لو ما حصلش نصيب اكيد حاقول لك تشوفى لى عروسة و لو غلبنا عندنا بنوتك ... هو انتى من القاهرة؟؟؟ منين؟؟؟؟ المهم .. علشان النهاردة اجازة زى ما انتى عارفة و انا رايحة اتغدى عند ماما .. لما ارجع حابقى اقول لك ع الاخبار

[مونى88]

ازيك يااشرقت عاملة ايه واخبارك
الله يبارك فيكى عقبالك وكل سنة وانتى طيبة
ومع السلامة.

[nona79]

السلام عليكم
اللهم صلي وسلم علي سيدنا محمد
كويس كده يا مروة
صحتك عاملة ايه يا عسل انتي فتحتي نفسي علي الخلفة بس ادعيلي اقدر اقنع زوجي
ونوران عاملة ايه مدام هى حلوة كدة وامها صاحبتي فانا حاخطبها لعلي

[nona79]

وحشتيني يا ام تقوى كيف حالك
انا ليا 6 شهور بس هنا وحنروح بعد 6 شهور
علشان زوجي يحضر في ماستر
شنو ما فيش جديدعندك بالنسبة للحمل
طمنيني عليكي

[nona79]

ازيك يا موني
اخبارك ايه
وحشتيني وانتي طيبة يا حبيبتي
وعايزة اقول للكل كل سنة وانتو طيبين يا ايمان واشرقت وسمبلة

[فطيمة]

السلام عليكم نوران ياعسل موضوعك يجنننننننننن اولا انا اسمه فاطمه مواليد1982 متزوجه وعندي تسنيم 3سنوات ونصف واحمد 2وشهرين والان انا مع زوجي في بعثه جامعيه بالنمسا وهو دكتور بشري وهنرجع ان شاء الله مصر علي عيد الاضحي ان شاء الله

[نسرين عيد]

الى العزيزه نوران ايمن -ام نوران
كيف حالك واحلى سلام الك ولكل الفتكاوات الحلوين العسولين
اخبارك ايه؟ وكيف الحمل معاكي؟ اكيد تاعبك,اصل التاسع بكون صعب جدا وبدعيلك يا رب تقومي بالسلامه. صحيح هو ولد افتكر قلتي انه ولد. يا ترى هتسميه ايه؟

[نوران ايمن]

مونى
حبيبة قلبى انتى اللى عمله ايه انا على فكرة مش زى ما انتى فاكرة مش بعيش الدور يعنى مبرداش ازعل كتير
طبعا انا انسانه عادية بزعل وعندى احاسيس بس لما بحس بزعل وخصوصا من جوزى مش بعقد فترة كبيرة
بقول الحمد لله انا احسن من غيرى بكتير
وياريت يا منى تكونى زيى بالرغم اننا عارفة انى بطلب المستحيل لكن عيزاكى لما حاجة تزعلك متعقديش كتير لان مفيش حاجة تستاهل
انتى عارفة اكبر مصيبة فى الدنيا كلها هى ايه
المصيبة فى دينك
ويارب محدش يجيلة مصيبة فى دينة
علشان كده دنيتنا دى مش مستهله
انا اول ما بابا مات حسيت ان الواحد المفروض يعيش بالدين وياكل بالدين وحياته كلها بالدين ولازم الصبر
انا عارفة انك هادية بس الهدوء فى بعض الاحيان بيكون نقمة
اتمنى تشركى نفسك معاية حتى تخففى عنى الردود وتفكرى معايه فى مشاكل زميلنا ونحاول نحلها سوا
انتى فاهمه انا قصدى ايه

[nona79]

انتي هنا يا مروة
وحشتيني

[نوران ايمن]

simpaolo
مش عارفة ليه الاسم العجيب ده انتى مختراه
انتى عارفة اننا كل لما اكتب لك اكتر حاجة بتضايقنى هو الاسم العجيب ده
يا ستى مكنتى اكتبية بالعربى وخلاص حتى تريحى الناس اللى بتبصم اللى زييى كده يا شيخة النبى عربى
بزمتك مش هبه احسن مش انتى اسمك هبه برده
الواد خلاص هيخلص على الذاكرة اللى بقيالى فى دماغى ربنا يستر ولما اصحى الصبح اعرف اسمى
ايه الكلام اللى زى العسل اللى زيك ده اللى كتبتيه ليه يا جميل
الله يكرمك يارب وتتحل مشكلة اخوكى ويسهله مع اللى هيروح يشوفها باذن الله ويجعلها ليه زوجة صالحه
انا مستنية اخبار اللى عند مامتك
ايه اكلتى ايه النهارده
وقولتوا ايه
ونميتوا على مين طبعا ده صفة سائدة لكل الستات المصرين
قولى قولى

[نوران ايمن]

نونا
اهلا اهلا اهلا بحمات بنتى ايه العسل ده
ده انا ناوية اعملك حاجات مش هتصديقيها خالص
انا ناوية اجيبلك ادكورة بط وحمام ويمام
ولو عايزة لبن العصفور هجيبهولك يا حمات بنتى يا عسل
انتى اللى زيك كده يتشال على الراس ده انتى الحمه ولا فى حمه غيرك يا جميل
انتى عارفة انا ناوية اجهز بنتى بكافة شئ
لعلمك بقة مش هتلاقى عروسة زى بنتى
بس المشكلة اللى هتضايقك هى حاجة واحده
انتى بدل ما هتجيبى لعب لعلى لوحده هتلاقى نفسك هتجيبى لتنين
بس مش مشكلة انا اجبهالك باللعب بتاعتها لغاية عندك
شوفتى بقه انا حمه كويسة ازاى
واسالى عنى يا ستى
وهتعرفى
نسيت اقولك انا صحيتى زى البمب ومفيش فيه حاجة وزى الحصان علشان هجوز بنتى خلاص
يلا باى انا مستنية منك الرد

[نوران ايمن]

فطيمة
اهلا بيكى يا فطيمة معانا اخت وصاحبة معانا عزيزة علينا كلنا
احنا كلنا بنرحب بيكى انتى نورتى المنتدى كله معانا
يارب توصلوا انتى وجوزك واولادك بالسلامة لينا يارب العالمين
كلنا مستنين مشاركتك معانا
وتانى مرة بقولك انتى نورتينا

[نوران ايمن]

نسرين عيد
انتى اللى عمله ايه انا الحمل تعبنى قوى يارب اعرف اعدى عشر تيام منه يارب
لان الدكتورة قالت ليه لازم تولدى اليومين دول بس الرئة مكتملتش فدتنى تللت حقن علشان تكتمل بعون الله
ربنا يستر واعدى اسبوع حتى منه وبعدين اولد
صحيح يا نسرين انتى فعلا وصلتى لحاجة طول النهار بفكر فيها هو اسم النونو
هو فعلا بعون الله ولد
ايه رايك
ادينى شوية اسامى كده لحسن انا غلب حمارى

[nona79]

شوفي يا مروة
انتي والله مش حتلاقي عريس زي علي
دا جميل وحنين تعرفي انا صاحباتي من الكلام الي يقوله ليا بيقولولي
دا جوزك مش ابنك طول النهار يفضل يقولي يا حبيبتي ويا عمري ويا نور عيوني
شوفي انا امه امال مراته حيقولها ايه
انتي عارفة سلفاتي بيتعركوا عليه كل واحده عايزة ياخد بنتها وواحده فيهم لسه حامل
ان شاء الله اول ما انزل مصر حاجي ازور العروسة واديها لوزة تكسرها

[نوران ايمن]

رسالة من ام نوران الى كل اصحابى

يا جماعة انا عيزاكوا تختاروا معاية اسم للنونو
ايه رايكوا فى اسم
راكان
الاسم ده جوزى جايبة ليه وبيقولى ايه رايك
عايزة اعرف كل واحده تدينى اسم او مجموعة اسامى

[nona79]

يعني انتي ما فيش اسم عاجبك
اسم راكان حلو بس ايه معناه
ولو علي اللعب مش مهم نجيب لنوران هي تغلي حاجة علي عروسة ابني
انا بحب اسم غدي

[نوران ايمن]

نونا
يا ستار يارب
لوزة يا مفترية تكسرها بسنانها ايه انتى ايه
يا شيخة حماتك كانت بتعمل معاكى كده
لا يا ستى
معندناش عرايس لابنك
خليه يروح يشوف حد تانى بينتى خلاص مخطوبة
انا قلت لها ايه اريك فى على قالت ليه لا يا ماما مش عيزاه
ده واحد بياكل بعقل البنات حلاوه
وانا بنتى شاطرة ومش بيضحك عليها
وبالنسبة ليه انا خلاص هقطع كل صلتى بيكى
يا حمه يا مفترية
روحى شوفى ليكى عروسة تناسبك انتى وابنك اللى بياكل بعقل الناس حلاوة
يلا
ومفيش سلام للحمه القرارى

[نوران ايمن]

نونا
ايه يا ست انتى الواحد مش عارف لكى حل
انتى حمه كويسة ولا شريرة
مرة عايزة تخلى البت تكسر اللوزة
ومرة انتى اللى هتجيبى اللعب ليها
مترسى ليكى على حل
خلينا نعرف هنتمم الجوازة دى ولا لا

[nona79]

خلاص يا ستي ما تزعليش بلاش اللوز
والله انا حماة كويسة
اصل حماتي كويسة معايا وبتحبني علي فكرة حماتي مصرية
وانا وهي زي الاصحاب مع اني في الاول كانت بتعاملني رسمي شويه
لاني كنت غريبة وسلفتي اللي اتجوزت معاي صاحبتهم من زمان هي واهلها
بس دلوقتي تحلف بحياتي وبتحبني جدا