[نوران ايمن]

نونا
ازيك يا نونا انتى عامله ايه والواد على اخباره ايه
قوى تسبيه ةيبوس على البنات علشان خلاص احنا ااتفقنا وطبعا كبرنا لجوزنا مفيش حد فينا خد راى ابوهم
يلا همه الستات كده دايما
لما بيحبوا يعملوا حاجة بيعملوها بعون الله
انتى عارفة يا نادية انا سمعت قبل كده من عمرو خالد حديث بيتكلم فيه عن الست الفاضية وقال انها مصيبة كبيرة وذكر امراة العزيز كانت ست فاضية علشان كده قعدت تفكر ازاى تنتقم من الستات بتوع المدينه اللى اتريقوا عليها وطبعا انتى عارفة هى عملت ايه ودماغها وصلتها لايه
علشان كده انا بحاول اشغل وقتى فى اى حاجة تنفع
ساعات ادخل المطبخ اعمل اى حاجة
وساعات تلاقينى بعمل اى حاجة فى البيت
وساعات كتيرة بخرب حاجات فى البيت هنا عايزة تتصلح زى المكواه والثلاجة والتليفزيون وهكذا وربنا يستر على بقيه الاجهزة اللى عندنا
علشان كده انا عايزة اعمل حاجة كويسة اشغل وقتى بيها وانتوا معايه انتى وبقيه اصحابنا كلهم
لازم كلنا نكون مع بعض بعون الله
ندور على بعض ونشغل فكرنا ببعض
يمكن نعمل حاجة جميلة وكويسة ربنا يجزينا عليها خير
فكرى معايه نعمل ايه

[نوران ايمن]

simpoalo
مش عارفة اشمعنى الاسم ده يعنى من قله الاسامى اللى فى الدنيا كلها يدلعوكى بيه
ايه يا ستى هو انتى الوحيدة فى العيلة علشان كده انتى مدلعة ولا ايه
صحيح انا يا ستى من الغربية وبالتحديد من المحلة لكن انا مواليد طنطا شى الله يا سيد يا بدوى تعرفيه
ويا ستى اذا كان على المكرونة الباشمل انا بعمل مكرونة فوق الوصف مش قادرة اقولك عليها كل اللى يدوقها منى يتعجب عليها لازم تدوقيها لا تقولى ليه مامتك ولا غيرها
لازم تداق الاول وبعدين تحكمى
بس لو يعنى مصممة انك تقولى ليه الطريقة الحلوه بتاعة مامتك انا مش ممنعة خااااااااالص
ياريت
وتكسبى ثواب كبييييييييييير فى الناس اللى بيدقوها منى
ولك الثواب يا فاعل الخير
بالنسبة بقة لبنتى هى عندها سنه ونصف تقريبا وهى خريجة تاته تاته خطى العتبه
ايه رايك فى العروسة اللى عندى
اوعى تقولى لا
ازعل
وانتى حره

[نوران ايمن]

نسرين عيد
اسمعى يا نسرين كل واحده منا ليها الحلو وليها المر
يعنى على قد ما انا واخده الامور ببساطة على قد ما ساعات حاجات كتير بتتعقد قدامى ومش بعرف احلها
انا الحاجة اللى بعرفها عن نفسى انى بكبر دماغى فى حاجات كتير بس انتى عارفة
اتقى شر الحليم اذا غضب
انا كده انتى عارفة اللى بيعقد يخزن ويخزن لغاية مينفجر مرة واحده
اهو انا وهى دى مشكلتى انا ساعات بحس اننا وحشه لانى مش بصراح اللى قدامى بزعلى بسهولة الا بعد فترة طويلة اكون خزنت له وبعدين انفجر
وربنا ما يوريكى منى
انا ساعات بحس انى لسانى طويل
بس مش بقول اى حاجة عيب
ممكن اعلى صوتى عليكى بس معتقدش انك تلاقى فيه غلطه فى كلامى كله يعنى مش بقل ادبى على الناس بمعنى اصح
ويا ستى الناس كلها مشاكل
بس اهم حاجة ان الواحد لازم يتعلم من اخطائه وهى دى الاهم

[نوران ايمن]

ايمان فريد
ازيك يا عسل
انا عجبنى الاسامى كلها اللى قلتى عليها بس مؤمن جوزى مش راضى عنه علشان بيقول ان فى واحد هو مش بيحبه اسمه كده
بس الاسامى كلها اللى جبتيها جميلة انا هبعت له الاسامى دى ان شاء الله علشان يختار
سبحان الله الواحد يفضل محتار وفى الاخر ربنا هو اللى بيسمى
شكرا لكى يا ايمان

[نوران ايمن]

فين بقيه اصحابنا
انتى فين النهاردة يا (مونى وفين اشرقت وفين ام تقوى وبقة اصحابنا) فين
ايه انتوا انشغلتوا علينا ولا ايه طب ادخلوا نطمن عليكوا وبعدين امشوا
ولا ايه يا جماعة

على فكرة انا جالى رسالة خاصة من اشرقت عن المنتجات الدينمراكية وبصراحة انا مبعرفش ابعت رسايل على الخاص علشان كده انا مردتش عليها على الخاص بتعها لكن انا رديت عليها هنا
بس مش عارفة هى قرت الرد ولا لا
المهم يا جماعة انا عايزة حد فيكوا بيعرف يبعت رسايل على الخاص يقول لاشرقت اننا رديت عليها وياريت تكلمنى تانى بس هنا لانى مش بعرف ارد على الخاص وجزاكم لله خير
بس عايزة حد يرد عليه فى الموضوع ده

انا كنت هطلب من مونى انها تبعت ليها الرسالة بس انا مش عارفة منى راحت فين
اللى يشوف منى فى اى مكان تانى ياريت يقولها اننا بنسال عليها وام تقوى كمان وبقيه صحابنا

[nona79]

اهلا يامروة ازيك يا حبيبتي
انا كمان مستغربة بقية الستات راحو فين بس المهم يكونو كويسين
هو انتي تعملي مكرونة بالباشميل حلوة انا باموت فيها
ايه انتي دايره تعزمي بعروسة ابني علي الناس كدة حازعل
مش ضرورى ان الست الي قاعدة في البيت تكون فاضية لان انا زيك باحب
اغير دائما في البيت بس المطبخ مليش فيه يعني بالمزاج
بعدين عندي علي ما بعرفش اقعد من طلباته
ممكن نقري قران وكتب مفيدة انتي بتحبي الشعر

[simpaolo]

السلام عليكم ....... ازيكم يا كل الفتوكات ؟؟؟ وحشتونى من امبارح بالليل ....
نوران : صباح الفل يا ست البنات ... انا يا ستى مش متدلعة خالص بالعكس ... احنا 3 بنات فى العيلة و يمكن انا اقلهم دلع ... و بالنسبة للبشاميل ايه رايك تكتبى طريقتك و انا اكتب طريقتى و يمكن نفيد فتوكة من الفتوكات تكون ما تعرفش تطبخ ... علشان انا اعترف لك ان اول ما اتجوزت كنت لا اعرف شىء فى المطبخ .. و الحمد لله بعد 5 سنين جواز جوزى بيقول ان انا باطبخ احسن من مامتى ... صحيح و لأنك من طنطا انا اعرف ان بنات طنطا زى القمر و كان معايا بنوتة فى المدرسة من هناك بس ايه كانت صاروخ .... انا حاستنى رايك فى موضوع البشاميل



http://img245.imageshack.us/img245/4...a164929nk5.gif

[simpaolo]

[ام بسنت]

صباح الخير عليكوا بصراحه موضوع نوران هايل كده انا مكنتش بشوفه خالص وكفايه انها عرفتنا ببعض اكتر ويارب تقومى بالسلامه على فكره وخريجه ليسانس لغه عربيه وعندى بنتين وتعبت فى بنتى التانيه ومن الشهر السابع وانا بولد وباخد فى حقن وبعمل فى اشعات وتحاليل وبردوه عشان ارئه بتاع بنتى وربنا سهلها وكملت اسبوعين فى التاسع بفضل ربنا وربنا سهلى الحمد لله ومشكوره على موضوعك ده واسفه انى كنت طولت عليكى بس الواحد ساعات بيحب يتكلم مع الناس اللى بيعزوهم

[ام بسنت]

انتى عارفه انا فتحت الموضوع من اوله وقريته كله لحد الاخر ربنا يديه الصحه وتقومى بالسلامه ويهدى سرك مع جوزك زى ماانتى باخففى عن الناس كده وربنا يقعدلك الخير ده فى صحتك وولادك وجوزك مش عارفه حاسه انى عايزه اتكلم معاكى وياريت اقدر اساعدك وترجعى كويسه مع جوزها واسفه ان كنت ضايقتك لانى قريت من الاول خالص وعرفت انك جواكى حزن كده وياريت تتكلمى متخزنيش جواكى حاولى لما تزعلى من اى حاجه تتكلمى متخزونيهاش لحد ماتتراكم وتتراكم وبعدين تنفجرىوممكن تعمل الحاجات اللى بنعملها فى معامله الازواج يمكن تنفع وتعرفى ترجعى جوزك زى زمان على فكره بنت خالتى اسمها مروه بردوه ودى صديقتى بقه عشان كده مش عارفه استريحتلك ليه شوفتى بقه انا رغايه اهو كفايه كده عليكى على ماتردى عليا عشان اقوم ااكل العيال

[نسرين عيد]

السلام عليكم ورحمة الله وبركاته
العزيزه نوران ايمن(مروه)كيف حالك اليوم انشاء الله تكوني بخير
على فكره اكبر غلط انك تخزني في نفسك انا بنصحك بلاش تعملي هيك لانو اثر هالموضوع كتير سلبي عليك انت يعني انا مش بقولك تتخانقي مع كل الناس لكن فضفضي ولو عن طريق المزح وروحك حلوه كتير ودمك خفيف و انا متاكده انك ما رح تعدمي وسيله للتفاهم مع الناس لانو الكبت هيولد انفجار اكيد ربنا يبعدو عنا , وما تنسي احنا امة الوسط كما قال تعالى (وجعلنتكم امة وسطا لتكونوا شهداء على الناس )
انا برتحلك كتير ومع كل رساله بحس بتقارب اكبر بيني و بينك والضاهر انو الكل بيحبك يا مروه يا قمر. بس ديري بالك تعلي صوتك علي لحسن مش حسكت انا كمان صوتي عالي وحنملا المنتدى صراخ الله يستر هاهاهاهاهاهاهاهاهاهاهاهها

[نوران ايمن]

نونا
انتى اخبارك ايه
يا ستى بالنسبة للعروسة متخفيش مقدرش ابعد عنك انتى وابنك علشان بنتى الفائقة الجمال شعرها خفيف لدرجة تحزن وطبعا احنا اتفقنا خلاص يعنى يا ست الستات انتى وابنك ادبستوا فيها وخلاص
بقولك ايه وعد الحر دين عليه ماشى مفيناش من هرب
وبالنسبة للمكرونه بالباشمل انا يادوب بعملها بالعافيه ساعات بعملها كويسة وساعات بتطلع وحشة
احلى حاجة اننا مره واحده جارتى استعانت بيه بعون الله فى موضوع المكرونة دى بس ايه فتكات الشاطرة ( مروة )

[نوران ايمن]

نونا
مكملتش كلامى بين النت عقل ولا ايه مش عارفة المهم
طلعت حته صنية تقريبا اترمت من جمالها والله اي نادية انا مش عارفة هضحك على سمبوله ازاى واقولها على المقادير بتاعتى
اصل انا ضحكت عليها وقولت لها انا استاذه فيها وباين عليها صدقت
يله الله يكون فى عونها
تصورى انا بفكر اقولها على الطريقة الهايلة بتاعتى ومليش دعوه بعديها هى حره بقة
ساعتها هتقول ادى جزات اللى يمشى ورا مروة
ربنا يكون فى عونها
على فكرة يا نادية انا مش بحب الشعر خالص اخرى فى الشعر اغانى بتاعه كاظم الساهر ومش كلها طبعا
انا اصلا مش بحب الادب
كل هواياتى فى العلم يعنى العلوم
انتى نسيتى ولا ايه اننا عالمه ذرة
ياريت تفتكرى اننا استاذة زويل

[نوران ايمن]

simpolo
اولا قبل اى كلام بلاش موضوع الباشمل ده
انتى لو عايزة تحطى مقادير بتاعه مامتك ماشى بس انا بلاش علشان هتندمى وانا مليش دعوه
يلا قولى ليه انتى بقة اخبارك ايه
احنا زيك هنا تلت بنات اخوات اكتر واحده مدله فينا اختى الكبيرة وطبعاانا الوسطنية وبعدين اختى الصغيرة
مقولتيش يا هبه صحبتك اللى كانت من طنطا كانت صاروخ فى ايه
فى الجمال ولا الباشمل
لو فى الجمال
مفيش اجمل منى على مستوى الغربية كلها
ولو فى الباشمل
بردة مفيش اجدع منى فى الباشمل مش على مستوى الغربية بس لا على مستوى مصر والعالم العربى كله

[drnahla]

ازيك حبيبتى عاملة ايه يامروة انا بحبك قووووووى
والموضوع بتاعك دة عامل زى برامج التلفزيون اللى بتحل مشاكل الناس
يارب يخليكى لينا وتسمعينا دايما يا احلى ملاك
ويارب تقومى بالسلامة وتبقى معانا ع طول مع انك هاتنشغلى بالبيبى الجديد ويارب كمان تسافرى لجوزك ع الامارات وتتجمعو على خيرررر ان شاء الله

[nona79]

ازيك يا مرمر يا عسل
يا ستي ولا يهمك لو ما طلعش شعر لنوران لما تكبر نزرعولها شعر
احنا راضين بالتدبيسة ديه
بعدين مالك مخاصمة الشعر مانا زيك تخصصي علمي بس بحب الشعر
يمكن علشان ماما مدرسة لغة عربية وبابا الله يرحمه كان استاذ لغة عربية
بس انا كنت مابحبش النحو خالص
هو انتي المفروض ان شاء الله موعد ولادتك امتي
انا مش عارفه لما تروحي تولدي اطمن عليكي ازاي
مع السلامة

[simpaolo]

السلام عليكم ....... ازيكم كلكم يا أحلى فتوكات .. انا بصراحة النهاردة عايزة اعترف لكم اعتراف هو ان انا كنت مشتركة فى منتدى و بصراحة جاب لى احباط من كتر ما انا كنت بكل جهدى بأشارك و لكن مفيش حد بيتفاعل مع المشاركات ... زهقت .. و قلت ادور على منتدى تانى واشتركت معاكو.... و فرحت جداجدا لما لقيتكوا بتردوا عليا ... اصل انا بصراحة اغلب الوقت لوحدى فى البيت ... جوزى فى الشغل .. و بنتى فى الحضانة او بتلعب فى حجرتها و ابنى قاعد على كرسيه امامى ...... من قلبى لكم جميعا" كل الشكر ... و اقل حاجة اقدمها لكم الورود دى ....

[نسرين عيد]

SIMPAOLO

[نسرين عيد]

لا احكيلك ولا تشكيلي
الحال من بعضه انا كمان زهقانه وحتى جيران ما عندي وجوزي ما لهوش وقت معين للشغل لانه مش موظف وشغله ماخده كل الوقت حتى بالليل يعني مفيش مواعيد
ايه الضاهر ان ام نوران ولدت ولا ايه لحد دلوقت مش باينه

[ام بسنت]

ازيك يانسرين عامله ايه
ومونى عامله ايه
وتقوى عامله ايه
وحشنى كلكم وام نوران فين ربنا يقومك بالسلامه لو كنتى بتولدى