[كيوبيدة]

انا منى لسه اول مرة اكتب لفتوكه لانى لسه مشتركة امبارح سنى 27 ومتزوجة وعندى مايا وحاصلة على ليسانس حقوق ولا اعمل انا مصريةمن القاهرة حلوان ويسعدنى اتعرف عليكم وبسلم على الفتوكة الفراشة لانها جارتى

[اشرقت]

شكرا يا نوران يا قمر على كلامك الرقيق وفعلا الدراسة عايزة مجهود جامد

والمشكلة عندنا ان الواحد فى يوم من الايام حتكون تحت ايده ارواح ناس والواحد نفسه يكون قد المسئوليه ديه

موضوعك جميل اوى وعرفت بيه اخواتى اكتر

وانا لما بدخل هنا معاكم بيبقى استفادة وترفيه وتجديد طاقة

وانت فعلا رقيقة اوى فى كلماتك ربنا يكرمك يارب

[نوران ايمن]

تقوى 2007
اولا انا اسفة انى اتاخرت على الرد عليكى لانى عندى مشكلة فى الكمبيوتر ده انا حتى يا دوب رديت على مونى ويا دوب خلصت الكميوتر قفل
المهم يا ستى انا فرحانه انك لسه معايه وانا اتمنى اننا نكون اصدقاء
طبعا فى الاول انا هقولك ان كل شئ نصيب وقدر الله وما شاء فعل وعسى ان تكرهوا شئ وهو خيرا لكم محدش عالم ربنا رايد ايه وايه هى الحكمة من كده الله هو الوحيد الاعلم
انتى عارفة انا حملت فى نوران اول متجوزت يعنى اول شهر بعد الجواز بصراحة كنت طايرة من الفرح وعدى عليه اول شهر من غير اى تعب وبعد كده بدات اتعب ولما عملت اشعة اتضح انى عندى كيس فى الرحم الكيس ده بيكبر مع الجنين كل شهر ومينفعش يتشال لانه لو اتشال هيشيل تلت تربع الرحم
حكايتى طويلة لكن معلش لازم احكيها ليكى لغرض معين
المهم بدات المعاناه تسع شهور تعب فوق الوصف وطبعا جوزى كان ربنا فى عونه طبعا انتى عارفة عريس جديد وممنوع من مراته
مش هطول عليكى ربنا كرمنى وولدت طبعا قيصرى لان من كبر الكيس كان ضاغط على الجنين
وبعد ما ولدت نوران وعديت الاربعين حبيت اخد وسيلة لمنع الحمل ......وكانت الكارثة
اكبر كارثة فى حياتى كلها الدكتورة الجميلة بتاعتى قالت ليه اخد حقنه كل تلت شهور وطبعا المريضة الشاطرة راحت جرى واخدت الحقنة اللذيذة وبدات الكارثة
جالى نزيف لمدة تسع شهور متواصلة تقريبا مفيش يوم عدى عليه من غير النزيف انتى عارفة كان بينزل يملى ايدى كلها كمية عمرك فى حياتك ماشوفتيها ويارب محدش يشوفها وطبعا دوخت مع الدكترة لفيت كتير ومحدش كان عارف يوقفة
اللى كانت مظلومة معاية بنتى طبعا جالى انمية وطبعا انتى عارفة ايه اللى حصل فى الرضاعة وبنتى لغاية دلوقتى مؤثر عليها انتى عارفة بنتى مسحفتش والحمد لله يا دوب لسه ماشية طبعا بالحقن والعلاج
والتانى طبعا كان جوزى كان متبهدل معايه طبعا مش عارفة اعيش معاه حياتى الطبيعية بصراحة الراجل ده تعب معاية قوى باين فى حد دعى عليه ميعرفش يستريح مع مراته

ايه انتى تعبتى من الحكاية ولا لسه معاية معليش خدينى على قد عقلى وكملى الحكاية كتاب حياتى يا عين

بعد التسع الشهور ربنا كرمنى مع دكتور كان عايز يعمل ليه عمليه علشان يقطع الدم بس انا خفت ان الرحم يتشال فادانى قرص علاج مكثف قوى قوى قوى فى النهاية ربنا كرمنى والنزيف وقف لوحده
بعديها على طول ربنا كرمنى بالحمل الدكتور بتاعى كان هيطير من الفرحة انى حامل بس هقولك ايه مدى التعب اللى انا عنيته السبع شهور اللى فاتوا ولا الكيس اللى عندى بقه حجمه المرة دى كبيييييييييييييييير قوى طبعا من كتر العلاج انتى عارفة لو تشوفينى دلوقتى تتخطى منى ومن حجمى الدكتورة بتاعتى بتخاف تكشف عليه من حجم بطنى وبتدعيلى ان الشهر ده يعدى على خير هى بتقولى ان يا دوب الشهر التامن ينتهى على خير ان شاء الله هتولدنى بعون الله
انتى عارفة انا مش بمشى من كتر التعب ومش قادرة اعمل اى حاجة وعندى على طول وجع مش بينتهى يارب محدش يشوف اللى انا شيفاه ربنا يستر ويعدى الشهر ده على خير

قوعى تكونى تعبتى يا ام تقوى انا رغاية بس معلش خليكى معايه
المشكلة التانية ان اختى ورثت منى الكيس ده وهى حامل دلوقتى ولما عملت الاشعة لقت ان الكيس حجمه كبير اكبر من بتاعى بكتير لدرجة انها فى الاشهر الاولى بينزل عليها نزيف والدكتورة بتاعتها عماله تديها فى علاج ومثبتات ربنا يستر ويعدى الاشهر دى عليها
ايه رايك فى المشاكل دى وعلى فكرة اكيد هتلاقى مشاكل تانية اكبر مع ناس تانيه
انا قصدى من كل الكلام ده انك تحمدى ربنا انه اداكى تقوى ربنا يخليهالك يارب
حطى كل همك فيها وشغلك فيها وانا سمعت انك بتشتغلى وده اكيد مريحك شوية لازم تنسى الموضوع ده وسبيها على الله الحمل ده والتتثبيت بايد الله محدش يعرف الحكمة فى اللى بيحصل
انا عارفة انك عايزة تحكى الحكاية دى لكل الناس ومش عايزة تبطلى لانك طبعا متاثرة بيها قوى انا عارفة انها تجربة صعبه لكن لازم تعديها بعون الله
انا طولت عليكى لكن كنت عايزة اقولك ان الناس كلها عندها مشاكل وخصوصا فى موضوع الانجاب
انتى عارفة انا تعبانه قوى لكن بقول الحمد لله ربنا ادانى نوران ودى اهم حاجة لان فى ناس كتيييييييييييير مش عرفين ينجبوا انتى عارفة عمتى بقالها حوالى 13 سنة جواز ومفيش عيال
الحمد لله على كل حال
انا هستنى ردك يارب اكون عرفت افيدك بحاجة
انا عارفة دعوات للحمل ان شاء الله هجيبهالك ودعوات للتثبيت
بس لازم تنسىىىىىىىىىى
سلام مؤقت لغاية ما تردى عليه

[nehal hassan]

بجد بجد أنا مبسوطة إن كلنا هنبقى أصحاب إن شاء الله وشكرا ليكى ياقمر بانسبة لاسمى معناه هو جمع ينهل وهو يشرب حتى يرتوى

[نوران ايمن]

كيوبيدة
انتى منورة المنتدى كله يا جميل اسم بنتك راااااااااااااائع فوق الرائع عجبنى قوى ربنا يخليهالك يارب العالمين وعقبال يا ستى متخويها يارب وبصارحة اسمك فى المنتدى عسل قوى وعايزة اقولك حاجة انتى بقى على اسمك ده عمله ايه فى جوزك

[نوران ايمن]

اشرقت
يا دكتورة المنتدى ازيك بجد وحشتينى شكرا على كلامك الرقيق ده لو فى رقة فاكيد الرقة دى فيكى انتى مش انا
بس انا عايزة اطلب منك حاجة بصفتك دكتورة ممكن توضحيلى حالة ام تقوى ازاى تكون حامل تلت شهور وفى نفس الوقت تيجى لها الدورة تلت شهور متتاليه

[نوران ايمن]

نهال حسن
اخبارك ايه ازيك انا فرحانه قوى انك لسه معانا وبتردى عليه
معنى اسمك جميل قوووووووى يشرب حتى يرتوى
فكرتى فى الاسم ده قبل كده بتمعن يشرب حتى يرتوى
مش عارفة ليه ماثر فيه معنى الاسم قوى
فعلا اسم جميل
انا عايزة اطلب منك طلب من ورى ام تقوى ياريت تقرى قصتها وتردى عليها لانها محتاجة رد كل واحده فينا

[كيوبيدة]

مكنتش عارفة ان الموقع ده هيغير من اوقات فراغى نوران شكرا على ردك وكلمك الجميل اناوزوجى اتجوزنا على حب وبنحاول نحافظ على الحب انا بحب اكون حب بداخله انسان بعشق الوفاء والاخلاص بجد مش كلام وربنا يعلم واذا كان على جوزى عاملة فى اية بتقى الله فى ولكن تبادل الحب يساعد الزوجة على محبة جوزها وهو يقولك

[تقوى 2007]

متشكرة اوي يا نوران وانشاءالله تقوميلنا بالسلامة ...
انا وحسيت انك عايشة معاي في قصتي من خلال ردك علي وزي ما بيقولي ( تسمع بلاوي الناس تهون عليك بلوتك ) ربنا يصبرك ويصبر اختك وتقوملنا بالسلامة والحمدالله ان بنتي تقوى ملية عليا دنيتي وانا فرحانة بها كثير هى كمان حصلتلها مشكلة ساعة ولادتها معلش انا كثرت عليك وهاتي يا مشاكل لكن عشان احنا اصحاب نحكي البعض ونفش خلقنا ..
تقوى لما ولدتها تعبت كثير وبقيت 13 ساعة بالمستشفى وانا في فترة المخاض وما طلعت الا بالعافية لا وايه طلعت جميلة اوي وكل الناس الموجودين بالمستشفي الي بعرفه والي مابعرفوش عايز يشوفها وهى بسلامتها جت وحجمها كبير (4 كيلو) والكل بيقول بدر منور لما خرجت من غرفة الولادة للقسم قالولي تقعدي ساعتين وبعدين تروحي ولما كنت اجهز نفسي للخروج جالي نزيف حاد اضطريت عشانه ابقى بالمستشفى وعملولي تنظيف من جديد وبقيت بالمستشفي وبعدها بساعة تقريبا مرضت بنتي واسعفوها لمدينة اخري الساعة 2:30 صباحا والمدينة دي تبعد عن مدينتي ساعة ولما وصلوا للمستشفى هناك حطوها في الحضانة وقالوا انها تعبانة جدا وعندها اختناق وضيق تنفس والتهابات حادة لو عدا عليها اليوم بخير انشاءالله تكون كويسة وبقت بالمستشفى عشرة ايام بين الحياة والموت والحمدالله دلوقتي كويسة وربي يطولي في عمرها
والحمدالله على كل حال

[مونى88]

شكرا على كلامك الجميل يانوران ياعسل ويارب تقومى بالسلامة يارب وربنا
يصبر ام تقوى ويصبرنى انا كمان انا بقى مش بخلف خالص لانى مولودة من
غير رحم والحمدلله على كل شئ انا بقى مشكلتى اكبر منكم الحمدلله

[كيوبيدة]

تقوى انا كيوبيدة لسة جديدة بقوللك ربنا يعوضك واكيد لو كان الولد خير لكم اكيد ربنا مكنش هيستردو دلوقتى والحمد لله انه مكبرشى اودامك الجرح هيكو ن اصعب وهتدخلى انتى وزجك الجنة بي الصبر وما ادركم بالصبر

[نوران ايمن]

كيوبيدة
شكرا جدا على ردك على تقوى هى متاثرة بالموضوع ده قوى حتى انا لما حكيت لها حكايتى كان قصدى انها تفهم ان فى مشاكل تانية كتيرة عند الناس اكبر من مشكلتها وهى الحمد لله ربنا رضاها ببنتها ربنا يخليها ليها يا رب وانتى عارفة بكرة ان شاء الله ربنا هيعوضها خير باطفال تانية ساعتها الموضوع ده مش هيكون له اى اثر فى حياتها
بس انا عايزة اقولك حاجة يا تقوى انتى بتقولى انك بتتقى الله فى جوزك وهو بيحبك طب تعملى ايه فى جوزك اللى تحبيه وتعشقيه وتتقى الله فيه بس هو مش شايف ده بسبب اهله على فكرة هو مش وحش بس مش شايفنى بسبب اهله

[مونى88]

ربنا يهديه ليكى يارب وتكونى دايما فى سعادة اختك منى وعلى فكرة انتى طيبة اوى يانوران

[نوران ايمن]

تقوى
ازيك انا فرحانه اننا بقينا اصدقاء لانك بتفضفضى عن الحاجات اللى ماثرة فيكى قوى بس انا عايزة اقولك حاجة انتى حكيتى حكاية بنتك فعايزة اقولك شوفتى اللى حصل لبنتك ربنا ستر معاكى وشفهالك ربنا يخليها ليكى كنتى عملتى ايه لو الموضوع ده حصل لابنك وبعد كده مات على ما اعتقد كان الموضوع هيكون ماساه كبيرة انك بعد ما تشوفيه يموت
المهم ربنا يصبرك يارب ويعوضك خير ويبارك ليكى فى بنتك يارب
بس عايزة اطلب منك حاجة شوفتى مونى ردت عليكى عيزاكى تردى عليها وتقولى ليها حاجة هى عندها حق مشكلتها كبييييييييييييرة قوى اكبر من مشاكلك كلها

[نوران ايمن]

مونى
اخيرا هعرف ابعت لى رد يارب الكمبيوتر يفضل مفتوح على بال مبعت ليكى الرد المشكلة انه بيفصل مرة واحده
اولا انا سعيدة جدا انك معايه وصحبتينا انتى انسانه هايلة يا مونى انا حسه انك انسانه قوية مش بمعنى مفترية لا بمعنى قوية فى الايمان ربنا يكملك بقوتك انا نفسى ابقى زيك شوفتى تقوى انا حسه انها انسانه ضعيفة علشان هى حسه ان مشكلتها كبييييرة قوى بالرغم انها عادية وناس كتير بيمروا بحاجات اكبر من كده انتى عارفة انا عندى مشاكل كتيييييرة قوى مع جوزى وعاملة زى تقوى كده كل لما اشوف حد اقعد احكى له بالرغم انى حسه ان المشاكل دى مسيرها فى يوم من الايام تنتهى بعون الله بس هتعملى ايه لوحده ضعيفة زيى
ادعى لينا يا منى نكون زيك فى قوتك كده
بس عايزة اقولك حاجة انا حسه انك مش فى مشكلة ولا حاجة بل بالعكس انا حسه ان ربنا رايد بيكى خير كتيييييييييييييييير يمكن محدش فينا يعرف يخده زيك كده
اولا هو صبرك على المشكلة اللى عندك دى
ثانيا انتى ليه مش بتتكفلى طفل صغير تربية يكون يتيم وطبعا اكيد انتى عارفة حديث الرسول ( انا وكافل اليتيم كهاتين فى الجنه) اكيد هيكون ثوابك كبيييييييييييييييييييير قوى
هكمل كلامى معاكى بعدين اصل انا حسه ان الكهربة بدات تلعب بدورها وهتقفل الكمبيوتر سلام مؤقت
يارب الرد يوصل

[تقوى 2007]

حبيبتي (موني ) أنا متشكرة ليكي وجزاك الله خيرا والله يصبرك وسبحان الله في خلقه أنا أول مرة اسمع حالة زي كده ولكن عسى ان تكرهي شيئا وهو خيرا لكي ربنا يعوضك خير انشاءالله والحمدالله باين عليك الثبات والرزانة والإيمان القوي بالله وهذا امتحان قوي من الله سبحانه وتعالى فاحمديه واشكريه على نعمته ودلوقتي الطب اطور ونسمع على حاجات ولا في الاحلام وانا سامعه انه في امكانية لزراعة الرحم وهذا الموضوع قرأته سابقا في بعض المجلات .......
على كل حال الحمد الله على ما كتبه الله لنا .

وانت كمان يأم نوران جزاك الله الف خير وخير انت باين عليك انك انسانة طيبة وربنا يعوضك كل خير والله انت وكل من سمع قصتي ورد عليا هونتوا عليا كثير كثييير ومشكورات حبيباتي

[تقوى 2007]

آه معلش يا كيوبيده نسيتك في البداية لكن اعذريني ...
أشكرك على الكلمات الجميلة الي كتبتيها ويارب رحمتك

[مونى88]

ربنا يخليكى يارب ياام تقوى انتى ونوران والحمدلله على كل شئ وسالت وقالوا
مفيش حل لموضوعى خالص الحمدلله على كل شئ وربنا يقومك بالسلامة يانوران
ويصبر ام تقوى

[كيوبيدة]

نوران كلنا قابلتنا مشاكل الاهل الام المتسلطة اللى كلمة طلقها فى بقها زى البانة بس فى راجل بيتغير ليعر ف حق الله ومين على حق ومين علىبا طل وفى راجل مابيتغيرش

[مونى88]

اكيد فى بيتغيروا وربنا يهدى الرجال جميعا