بطاقة تعارف

simpaolo · #**761** 7-4-2008

السلام عليكم ..... فتوكاتى .. عايزة كل واحدة فيكم تكلمنى على ازاى عرفت جوزها؟؟ انا شخصيا: كنت معاه غى الكلية .. و اتطحنا لحد ما اتجوزنا ..... اصل مامته كانت عايزة تجوزه لبنت صاحبتها ..... لدرجة انها ما ساعدتهوش خالص فى جوازنا ... و لدلوقتى اللى فى القلب فى القلب .. و الحمد لله ان احنا دلوقتى مع بعض

simpaolo · #**762** 7-4-2008

السلام عليكم ..... فتوكاتى .. عايزة كل واحدة فيكم تكلمنى على ازاى عرفت جوزها؟؟ انا شخصيا: كنت معاه غى الكلية .. و اتطحنا لحد ما اتجوزنا ..... اصل مامته كانت عايزة تجوزه لبنت صاحبتها ..... لدرجة انها ما ساعدتهوش خالص فى جوازنا ... و لدلوقتى اللى فى القلب فى القلب .. و الحمد لله ان احنا دلوقتى مع بعض

nona79 · #**763** 7-4-2008

اهلا يا نيللي وحشتينا
اخبارك ايه سلميلنا علي نونو 100

nona79 · #**764** 7-4-2008

انا كمان يا سمبولة زيك
يعني اتعرفت علي زوجي في الكلية واستنينا لحد ما هو تخرج وبعدين خطبي
ولما انا خلصت اتجوزنا
ربنا يخليلك زوجك المهم دلوقتي انتو مع بعض ربنا يهنيكم

نوران ايمن · #**765** 7-4-2008

ازيكوا يا احلى فتكوات
انا عجبنى فكرتك يا هبه

انا بقة يا ستى جوزى حبيبى كان جرنا ومكنتش اعرفة خالص وبعدين عزلوا من جمبنا من عشر سنين وبعدين هو لما حب يتجوز طبعا كانت اللى بتجبلوا عروسة مامته واخته
المهم طبعا علشان مامته كانت جارتنا جات لينا تانى فى شارعنا وسالت علينا كلنا هنا كنا تلت اخوات بنات
فكانت الاختيار عليه انا
وطبعا جه البيت هنا وشوفته واتخطبنا عادى خالص بس ايه انا بموت فيه والله العظيم بحبه حب غريب وبحترمة قوى هو انسان حنين بس المشكلة انه مش بيشوف فيه اى حاجة حلوه دايما اى مشكلة بحس انه مش بيشوفنى خالص ولا بيشوف اى حاجة حلوه فيه دايما بيشوف الوحش بس وهو ده مشكلتى فى حياتى كلها

مونى88 · #**766** 7-4-2008

ازيك مروة وحشااااااااااااااااااااااانى والله عاملة ايه
اخبارك واخبار العريس الصغنن ايه معاذ يارب
يخليهولك يارب

مونى88 · #**767** 7-4-2008

ازيك يانيللى وحشانى اوى اخبارك ايه
طمنينى عليكى

ازيك سنبلة وازيك نونا عاملين ايه

simpaolo · #**768** 7-4-2008

السلام عليكم ....... ازيك يا نوران؟؟؟؟ عاملة ايه دلوقتى انتى و معاذ؟؟؟؟؟
عايزة اقول لك ان الحال من بعضه ... على الرغم اننا كنا بنحب بعض لكن انا حاسة ان انا باحبه اكتر من الأول مليون مرة........ بس الغريبة ان هو علطول شايف ان انا مش بأعرف اتصرف .. و خللى الباقى فى سرك لما اتخنقت

مونى88 · #**769** 7-4-2008

انا بقى ياسنبلة هو قريبى ابن عمتى وحبيته
وانا فى اول سنة من الثانوى وهو بيحبنى
فى نفس الوقت وقضناها حب لغاية لما هو
دخل الكلية واتخطبنا وهو فى ثالثة واتجوزنا بعد
تخرجه عالطول بشهرين يعنى حب 8 سنين 9 كده
والحمدلله دلوقتى مع بعض

نوران ايمن · #**770** 7-4-2008

نهال حسن
الف مبروك يا جميل بجد انتى وحشتينى قوى
خلى بالك من نفسك وخصوصا اليومين دول متحلويش تتكلمى كتير عن الفرح مع اى حد غريب وعن ترتيباته فى ناس كتير بتبقى حسادة وبتقر على الناس والحسد مذكور فى القران ومتحوليش تورى حاجاتك لحد غريب
استعينوا على قضاء حوائجكم بالكتمان
ربنا يكملك على خير يارب وتفرحى يارب بالزفاف السعيد

نونا
انتى يا جميل اخبارك ايه انا الحمد لله النهاردة بخير احسن من الاول وكمان معاذ الحمد لله بخير لسه بديله المضاد الحيوى لغاية دلوقتى ربنا يسهل ويتمم شفاه على خير ويارب اشفى كل مريض يارب العالمين
نوران لسه صغيرة متفهمش الغيرة دى
انتى عارفة هى بتتفرج عليه مستغرباه يلا حبه حبه وتتعود عليه بعون الله

simpaolo · #**771** 7-4-2008

السلام عليكم ...... شكرا على ردودكم يا احلى فتوكات ........ و عقبال كل البنات ... انا مستنية الفتكوات الباقين

مونى88 · #**772** 7-4-2008

مروة يارب يشيل عنك يارب ويشيل عنك
اى شر يامروة ويحميكى انتى ومعاذ ونوران
يارب ويخليكى ليهم

وفاء ام صغنونة · #**773** 7-4-2008

اهلا حبايبي انااسمى وفاء حبيت اعرفكم علي نفسي في شهر سبعة هاكمل 26سنة متجوزة وعندي ولدين احمد محمد(تلت سنين ونص-سنة وشهرين)مطلعين روحي بس هية دي سنة الحياة خريجة كلية الاداب قسم جغرافيا-ست بيت والحمد لله سميت نفسي ام صغنونة علشان انا حاسة نفسي لسة ماكبرتش مش عارفة ليه؟ وكمان كل اللي يشوفني يقول علية لسة في اعدادي مش جسمي بس صغنون كمان افكاري صغنونة ومجنونة وشقية هااااااااعايزين تعرفوا حاجة تاني عني؟؟؟؟انا في الخدمة

نونا 100 · #**774** 8-4-2008

ازيكو كلكم كل الفتكوات وحشتونى جدا معلش اتشغلت جدا ومعرفتش اكون معاكوا امبارح اوعدك يا سمبوله اول ماتخطب ححكىيللك ازاى عرفته وسلامة معاز يا نوران ومتنسيش انى دكتوره واى استشاره انا فى الخدمه

نوران ايمن · #**775** 8-4-2008

نونا100
اخبارك ايه يا جميل عقبال كده ما تعقدى تحكى انتى كمان عن جوزك
هو صحيح الواحد طول ما هو بنت بيتمنى انه يتجوز ويعيش حياه سعيدة والناس كلها تعقد تتمنى انها تتجوز بس بعيد عنك لما الواحد بيتجوز بيجيله حاله غريبة مش عارفة زى ما يكون تحسى انك اتجوزتى انسان تانى مش اللى انتى عرفاه
المهم
مش هعقدك يا جميل بس خلينا معاكى ربنا يكرمك بزوج صالح ونفرح بيكى كلنا ان شاء الله
الحمد لله معاذ كويس بس مش عارفة اديلة التطعيم امته
هو اخد مضاد حيوى حوالى 14 يوم ولسه بديلة المضاد لغاية دلوقتى قالوا ليه ان مينفعش التطعيم دلوقتى بس امته اديلة انتى ايه رايك

نوران ايمن · #**776** 8-4-2008

وفاء ام صغنونه
انتى منورانا يا جميل يا صغنونه احلى حاجة ان الواحده تعيش حياتها كانها طفلة ولسه صغيرة انتى عارفة الواحده اللى تعيش زيك كده تحس انها مش عندها مسؤليه وعايشه حياتها ببساطه دى احسن حاجة
حتى تعيشى مع ولادك كانك زيهم
انا نفسى اعمل زيك كده بس مش عارفة
المهم يا جميل اهلا بيكى وسطنا يا صغنونه

نوران ايمن · #**777** 8-4-2008

مونى
منى ازيك واخبارك ايه
شوفتى وفاء ام صغنونة نفسى اكون زيها وانتى كمان معايه نفسى اشوفك كده
انتى عارفة يا منى الواحده لو كبرت دماغها ومعاشيتش حياه الكابة اللى احنا عايشنها هنريح نفسنا كتير حتى نفسيتنا هتكون احسن
انتى ايه رايك
معلش يا منى انا بتاخر عليكى شويه بس انت يا جميل بعقد كتير قبل ما ارد عليكى علشان اعرف اقولك ايه

نونا 100 · #**778** 8-4-2008

شوفى يا ستى انتى هتديله التطعيم بعد نهاية المضاد باسبوع بس ليه طول كده انت كده تبق كررتيه تانى وعلى فكره انتى ممكن متديلهوش خلص اصل دى حملة شلل مش مهمه اوى المهم التطعيم الاصلى وربن يطمنك عليه وعلى فكره انا بجد حبيتك خالص

نوران ايمن · #**779** 8-4-2008

مونى
نسيت اقولك جميلة قوى الصور اللى انتى حطاها دى
ايوه كده خليكى متفائلة والله يا منى الواحد مش هياخد من دنيتنا دى حاجة
انا لما بابا مات حسيت ان دنيتنا دى صغيرة قوى محدش بياخد منها حاجة الا العمل الصالح

نونا 100 · #**780** 8-4-2008

تعرفى ان كل اصحابى اللى اتجوزه بيقولوا نفس كلامك بس حقوللك ايه ستة الحياه مش كده وبرده كل بنت تتمنى تلبس الفستان الابيض والطرحه مش عرفه المصير اللى مستنيها يلا