|
رد: بطاقة تعارف
مونى
منى اسم جميل
فكرتى قبل كده فى معنى الاسم
منى الاسم جاى من امنية
ولا جاى من التمنى بالشئ
مش عارفة بس تقريبا هو جاى من ان الواحد بيبقى نفسه فى حاجة يعنى بيتمنى شئ صح ولا انا غلطانه
منى الناس كلها بيبقى نفسها فى حاجات كتيييييييييرة بس هل كل الامانى بتتحقق معتقدش ان كل شئ بيتحقق
هحكى ليكى حكايه غريبة شوية يمكن متلزمكيش فى حاجة بس انا عايزة احكيها والله تقولى عليه رغاية او متقوليش مش مهم
على فكرة انا جوزى دايما يقولى انتى زنانة معلشى بقة استحملينى شوية اصل المشكلة ان الواحد لو صاحبنى مش بيعرف يخلص منى معليشى يا ستى ده قدرك
يا ستى صلى على النبى
زيدى النبى صله
اعرف راجل مركزة مرموق بمعنى الكلمة ولاده تلاته ولدين وبنت علمهم احسن تعليم
ابنه الكبير كان يعتبر اللى فى العيلة كلها انتى عارفة اللى على الحجر هو ده فى العيلة كلها محدش زيه
ادب واخلاق وعقل وتعليم محدش عرف يوصل زيه
كان مرتب على الجمهورية فى الثانوية العامة وطبعا دخل الطب وكان الاول على الدفعة تلت سنين بعد التلت سنين ساب الكليه لوحده واتجه للدين فقط حرم على نفسه التعليم وكفر امه علشان مش لابسه نقاب بالرغم انها لبسه خمار من زمان وكفر ابوه علشان بيشتغل تابع للحكومة وطبعا بقه له ملف فامن الدولة هو مش ارهابى بس ساب كل حاجة وساب اهله وسافر القاهرة عاش لوحده ابوه ميعرفش عنه حاجة
انتى عارفة كانت امنيه ابوه هو انه يكون جراح وكان ناوى يسفره امريكا يكمل تعليمه هناك كل اللى كان يعرفة كان متوقع له ان يكون عالم فى يوم من الايام
طبعا الحلم كله راح انتى عارفة ابوه بيقول ياريت يموت حتى اعرف مكانه فين
شوفتى الامنية راحت متحققتش
مش كل الناس بيعرفوا يحققوا احلامهم
منى انا عارفة ان مشكلتك كبيرة قوى قوى انتى عارفة يا منى انك ماثرة عليه جدا من اول رد رديتى فيه عليه انا وام تقوى كلامك كان موجز كلمات عددها صغير جدا بس مؤثر جدا من ساعتها وانا متاثرة بيكى جدا
بس انا مبحبش كلمة انا زعلانه علشانك او معليشى بحس انها نش بتحل بل بتعقد اكتر
انتى عارفة يا منى انك انتى الوحيدة اللى لما باجى اكتب ليها الرد بعقد افكر فى الرد بتاعى بدل المرة ميه مرة
لانك عاقلة قوى وكلامك رزين مش بتتكلمى اى كلام كده وخلاص
انتى عارفة ان ربنا بيعوض الناس على الامانى اللى بيتمنوها ومش بتحصل
انا حاسة بيكى انك نفسك تخلفى من جوزك تتعبى فيه فاهمه كل كلامك بس قدر ربنا فوق كل شئ
بس احنا هنياس
لا
مش انتى
مفيش واحده مسلمة متدينة بتياس من رحمة الله
رحمه الله وسعت كل شئ
لازم نرضى بقضاء الله
ونحاول نشوف حلول لمشاكلنا
انا عايزة اتكلم معاكى كتيييييييييييير
خلينا مع بعض وحاولى تشوفى موضوع التكفل ده وان شاء الله ربنا هيعوضك عن كل مشاكلك بعون الله
|
لا اله الا الله محمد رسول الله