[Ann fajer]

السلام عليكم :
تحية معطرة بكل انواع الورودالجميلة..
الاخت نوران اشكرك جزيل الشكر على ترحيبك بيه وان شاء الله تقومي بالسلامة,انا سعيدة جدا بمعرفتك ,وآسفة على تأخري بالرد عليك وعلى بقية الاخوات.
المنتدى ياحببتي منور بيك وبأخواتي تقوى وموني والأخريات.
وانت ياموني صدقيني انا سعيدة جدا بصداقتكم واحب التواصل معكم.قلبي معك ,وعلى فكرة,انت احسن مننا علشان ربنا مخليك بأختبار صعب وانت صابرة ومؤمنة وراضية بالي قسمهولك,الله يبارك فيك..
وبالنسبة للاخت تقوى انا فرحانة بصداقتك,واسأل الله ان يرزقك ماتحبين,وان شاء الله تتوطد علاقتنا كلنا مع بعض..
في الحقيقة انا لااعرف ماذا اقول ,فأنا كنت اعاني من عزلة وظروف صعبة جدا تبدأ من الغربة مرورا بترك اهلي واحبتي في العراق ,وايضاً كما تعلمون المعانات الكبيرة التي يعانيها ابناء بلدي وكارثة الاحتلال التي دمرت البلد.ولكن صممت على الخروج من تلك العزلة ,بتعلمي الدخول الى عالم النت فقد استعنت بأولادي ولم يدخروا جهدهم لتعليمي,لما كانوا يرونه مني من كآبة وحزن,ولقد كان هذا سبب لتغير نمط حياتي وعقد صداقات اسعدتني,وقضاء وقت نافع ومفيد مفعم بتبادل التجارب والخبرات.
مرة اخرى اقول لكم انا سعيدة بصداقتكم جميعا.

[نوران ايمن]

ان فرحات
اسمك حلوووووووووووو قووووووووووووووى يا ان بصراحة عجبنى قوى
انتى منورانا كلنا
وكلنا بنفرح قوى ان فى صديقات لينا لسه معانا وبترد علينا تحس بينا وتفرح لفرحنا وتزعل لزعلنا
ربنا معاكى وعى كل العراقين وكل اهلك وكل الفلسطنين وكل اللى اتاخد منهم وطنهم بالاغتصاب ربنا على المعتدى
ربك يمهل ولا يهمل
على فكرة انا برده يا دوب لسه عارفة ادخل على النت ولسه عارفة ادخل على منتدى واتكلم وكان بالصدفة منتدى فتكات
ربنا يخليك ولادك يارب العالمين ويكونوا عون ليكى على مدى الحياه

[ام مهند]

علي فكره انا عاجبني قووووووي موضوعك يانوران وبحب ادخله لاقرء ردودك علي العضوات

تسلمي ياقمر

[نوران ايمن]

مونى
ميه مسه على الناس الكويسة
بندحرج التماسى على الناس اللى قاعده على الكارسى
برمى التماسى اجدع تماسى احسن تقولوا اننا ناسى
ايه رايك فى الشعر ده انا قولت حبه من اشعارى لام تقوى يارب تعجبكوا اشاعرى الجميلة دى
المهم اخبارك ايه يا منى
بجد وحشتينى قوى
انا عايزة اقولك حاجة بس قوعى تزعلى منى على فكرة انا كنت مقتنعة بصراحة يعنى ان اى واحده متعلمة تعليم متوسط تبقى عقلها على قدها
لكن انتى يا منى اقنعتينى بالعكس انتى اثبتيلى ان العقل مش بالتعليم انتى انسانه عاقلة قوى ممكن ناس يكونوا متعلمين تعليم كبيييييير قوى ومفيش عندهم عقل
على فكرة انا واحده من الناس اللى معندهمش عقل فى بعض الاحيان
انا عايزة اقولك ان كل شئ نصيب وان الواحد مش باييدة حاجة كله باييد الله كله نصيب اهم حاجة الصبر على المصائب
على فكرة انتى جوزك باين عليه انه بيحبك ربنا يخليكوا لبعض
حفظى عليه يا منى متحوليش تزعليه ولو زعل منك مرة وكان هو السبب صلحيه ده انسان بيحبك ربنا يباركلك فيه مفيش راجل دلوقتى فى الوقت اللى احنا فيه زى جوزك كده
جوزك ده من نوعيه نادرة ربنا يحميهولك ويوسع له رزقه ويعوضكوا على كل المشاكل اللى انتوا فيها
انا سعيده اننا اصحاب واتاخرى برحتك يا منى اهم حاجة اننا نكون على اتصال مع بعض على طول
وطمنينى عليكى على طول يا منى
سلام مؤقت

[Ann fajer]

شكرا نوران على دعواتك الحلوة ..
ازيك وعامله ايه,صحتك ازيها ,اكيد الحمل تاعبك الله يعينك,ادعو الله ان يسهل ولادتك يارب...

[Ann fajer]

شكرا نوران...
على فكرة انا اسمي (آن فجر) مش فرحات

[nona79]

موضوع رائع يا نوران
انا اسمي نادية مواليد 79 متزوجة من5 سنوات وعندي ولد اسمه علي
انا ليبية ومقيمة حاليا في بريطانيا وحابة نكون اصحاب

[تقوى 2007]

صباح الخير يا احلى فتوكات ...
ازيكم كلكم وحشني ...
نونا 79 كيف حالك انا زيك من ليبيا اهلا بيك بهذا التجمع وانشاءالله نكون اصحاب

[اخلاق]

السلام عليكم انا فتكات جديده ولم اتاقلم بعد اما بالنسبه للتعارف انا بوبا متزوجه
ام ل4 بنتين 17_ 12و ولدين 15_10 فلسطينيه تعلمت كيفيه صناعة الحلويات اعمل بالمنزل بطلبيات خاصه للافراح والمناسبات والاعياد لا يوجد
لطموحي حد معين فانا مع التقدم وع سباق لعجل الحياه احب المعرفه ثم المعرفه
بهدف المعرفه ليس لدي الكثير من الوقت فبين متطلبات الاولاد وواجبي تجاههم
وزوجي وعملي وايضا اخصص يوم في الاسبوع لاتعلم دورات تثقيفيه
انا الان اتعلم دورة نساء قياديات ارجو الا اكون قد اطلت بالكلام وبشرفني اتعرف
على كل الفتكاوات

[sara_al111i]

بجد بجد الموضوع ده جميل أوي
أنا أسمي الحقيقي سمر
مواليد 14|2\1987
مش متجوزه ونفسي اتجوز هههههه مفيش واحده عندها عريس حلو
والله فكره حلوه ايه رأيكم اللي عندها عريس وشايفه بنت من المنتدي مناسبه ليه تبعت لها
ماعلينا
انا من السويس _مصر
خريجه كليه تربيه عام قسم بيولوجي
بحب القرايه والنت وبحبكم والله المنتدي ده رائع
طموحي اني اقابل الانسان اللي ارتبط بيه ونعيش حياتنا سوا واني اشتغل مدرسه لاني بحب التدريس اوي بس كده مش عارفه اقول ايه تاني
ياريت تقبلوني عضوه خفيفه عليكم
وكل الحوامل اللي قربو يولدو ربنا يقومهم بالسلامه
وكل المتزوجات ربنا يسعدكو
والمخطوبين ربنا يوفقكو ونفرح بيكو قريب
واللي زي لسه متجوزوش يارب يارب يارب يرزقهم بالأزواج الصالحين

[تقوى 2007]

أم نوران وينك اشتقنالك وبكرر شكري على موضوعك وفعلا يستحق التثبيت
http://www.nsj5.com/vb/image.php?u=1...ine=1196332870

[مونى88]

ازيك ام نوران اخبارك ايه وبشكرك على الشعر الرائع اللى هو من تاليفك
ويارب تقومى بالسلامة قولى امين يارب العالمين.
ازيك ام تقوى اخبارك ايه يارب تكونى بخير وربنا يسعدك.

اهلا بيكلا اخلاق واهلا بيكى سمر يارب نكون كلنا اصدقاء ونورته المنتدى.
واهلا بيكى ان فجر واهلا بيكى نادية نورته المنتدى ويارب نكون اصدقاء.....

ومع الف سلامة ليكوا كلكم

[نوران ايمن]

ام مهند
انا بشكرك جدا على كلامك الجميل ده
بس انا بصراحة الردود دى مش بتيجى مرتبة انا فعلا بحب اتعرف على كل العضوات وفرحانه قوى اننا كلنا بقينا اصحاب نسال على بعض وبنخاف على شعور بعض
ياريت الموضوع ده يكون سبب فانه يشيل هموم ناس كتيييييييييير منها انا
ويارب كل العضوات مشكلها تتحل

[nehad]

أنا نهاد صيدلانية من مصر مواليد 1982 عندي أبن أسمة ياسين 10 شهور
و أنا عاملة دلوقتي أجازة رعاية طفل

[نوران ايمن]

ان فجر
ازيك يا ان فجر عمله ايه يا ان فجر واخبارك ايه يا ان فجر وصحتك ازيها يا ان فجر
ايه رايك
حفظت الاسم
على فكرة انا شاطرة وبحفظ الاسم بسرعة وناسف على الغلطة اللى مش مقصودة بتاعة ( فرحات )
متشكرة على ردك عليه بصراحة انا تعبانه قوى من الحمل ده ربنا يستر واليومين دول يعدوا على خير
الدكتورة بتاعتى قالت ليه اننا هولد ان شاء الله فى نصف الشهر التاسع يعنى تقريبا بعد اسبوعين ربنا يسلم بعون الله
على فكرة يا ان انا عارفة انك زعلانه على اهلك واللى بيحصل فى بلدك
بس هقولك حاجة انتى ولادك عندك بدنيتك كلها همه اكيد هينسوكى كل همومك
بسم الله الرحمن الرحيم
( المال والبنون زينة الحياه الدنيا )
صدق الله العظيم
والعيال عزوة يحسسوكى انك قاعده فى خير
ربنا يخليهم ليكى يارب العالمين

[نوران ايمن]

نونا
ناديه اسمك جميل قوى انا بحبه قوووووووووى علشان عمتى نادية اسمها على اسمك هى ست رااااااااائعة حنينة قوى اكيد انتى زيها بس انا عمتى بقة يا ستى معاها رابع عيال عقبال متشوفى ابنك زى واحد منهم همه طبعا كبار
ان شاء الله ربنا هيباركلك فى ابنك وتشوفيه حاجة كبيييييييييرة قوى تفتخرى بيها بعون الله
قوليلى بقه يا ناديه
بما انك عايشة فى بلد اجنبية مش عربية
مين احسن من جه التعامل العرب ولا الاجانب
وبيعملوكوا انتوا العرب المقيمين هناك ازاى
بجد انا نفسى اعرف ولكى جزيل الشكر
نسيت ارحب بيكى يا جميل لانى رغايه معليشى استحملى
انتى نورتييييييييييييييييينا كلنا يا عسولة

[نوران ايمن]

تقوى
ام تقوى ازيك معليشى بقة
انتى بتقولى صباح الخير وانا برد عليكى وبقولك مساء الخير
اصل انا الصبح بتاعى بيبكى الطهر بسبب بنتى مش بتنيمنى طول الليل
طبعا اكيد انتى عارفة

[نوران ايمن]

اخلاق
بوبا هو ده اسمك صح كده ولا انا غلطانه
انتى فعلا مثال للزوجه الصالحة المثاليه ربنا يكرمك
ياريت كل الفتكوات اللى موجودين معايه نتعلم منك
على فكرة انا مش زيك خاااااااااااااااالص
انا انسانه كسوله جدا مش بحب الشغل بس انتى عارفة انا نفسى اشتغل بس فى البيت مخرجش من البيت مش عارفة ده يبقى كسل ولا ايه مش عارفة
بس انتى صاحبه هايلة انا همسك فيكى بايدى ورجلى
انتى عارفة السبب الاساسى ايه
هو انى خيبة جدا فى الحلويات وجوزى دايما يقولى يا بنتى اتعلمى حاجة فى الطبيخ اتعلمى تعملى اى حاجة فى الحلويات
ياريت تكسبى فيه ثواب وتعلمينى
بس يا ريت متزهقيش منى
طبعا الرغاية قعدت ترغى ومرحبتش بيكى
هنتجاهل اننا مرحبتش بيكى ونبدا من الاول
ايه النور ده نورتى يا بوبا الفتكوات ياريت نكون اصحاب على طول

[نوران ايمن]

سارة
سمر انتى عارفة يا سمر والله انتى كانك بتقرى افكارى والله يا سمر انا كاتبة فى قسم تطوير المنتدى اننا نعمل قسم للخاطبه
على فكرة ده مش كلام هزار لانها فعلا بقت مشكلة تقريبا فى كل بيت
بس انتى عارفة مش عيزاكى تتسرعى فى الجواز
طبعا انا فاهمة نفسك قوووووووووووى تتجوزى انا كنت كده
احنا كنا تلت بنات فى البيت سننا متقارب من بعض قعدنا كتييييييييييير على بال متجوزنا وكنا زعلنين قووووووووى من قله الجواز
شوفى بقة
واحده ست معاها تلت بنات فى البيت ومفيش راجل معاهم لانى ولدى كان متوفى شوفى المشاكل اللى قبلناها كانت قد ايه
بس فى الاخر ربنا كرمنا كلنا
انتى عارفة يا سمر كلنا اتجوزنا فى خلال سنتين
بينى وبين جواز اختى الكبيرة سبع شهور شئ غير متوقع
ربك لما بياذن بيكون الشئ
بس انتى عسووووووووووووووولة قوى
معروف عن السويسية كده خفة الدم وتكبير الدماغ صح ولا انا غلطانه
انتى شربات يا باش مدرسة
طبعا انتى باشا لانك خريجة تربية يعنى زمل انا كمان خريجة تربية قسم الفيزياء والكمياء يعنى عالمة ذرة بلا فخر يعنى بس قوى تقرى عليه
وعقبالك يا ستى متكونى زينا كده متجوزة وعلى وش ولاده

[مونى88]

ازيك يانوران وحشتينى جدا وام تقوى كمان وياريت يعملوا شات نعرف نكلم بعض اكتر