[نوران ايمن]

نهاد
اهلا اهلا اهلا بالصيادلة اهلا بالناس اللى هيخربوا بيوتنا ايه يا بنتى اللى انتوا عاملينوه ده فينا
يرضيكى اروح اجيب الدوفاستون 30 جنية ولا علبه اليتريجستان 27 جنية ايه ده انا بستعمل الادوية دى كل اسبوع تقريبا بخلص علبه يا بنتى الناس هتعمل ايه ولا الثايميسكون ولا كله كوم والزينتاك 300 قوم تانى خالص الشريط 15 جنية
انتى عارفة لو نوران جالها دور برد بدخل فى علاج تقريبا 100 جنية
والنبى ده مش اسمه حرام ولا ايه رايك
قوى تزعلى انا بفضفض معاكى مش قاصدى والله اضيقك
بس فعلا دى الحقيقة انا بكلم نفسى من كتر المصاريف
ولسه علاج الولادة اصل انا بولد قيصرى
انا عايزة اقولك حاجة بس متضحكيش عليه
هو الاسامى الادوية اللى انا كتباها دى صح ولا غلط اصل انا مش بعرف اكتب اسامى الادوية قوى
قال خريجة كليه والنبى دى حاجة تكسف مش صح كده برده
اسم ابنك حلو قوى ياسين انا اختى حامل بتقول ان شاء الله لو ربنا راضاها بولد هتسميه ياسين
ربنا يخليهولك يا رب العالمين زمانه مطلع عينك وخصوصا بالليل اكيد مش بتعرفى تنامى ربنا يعينك
طبعا لازم اقول الكلمتين بتوع كل مرة
انتى منورة الفتكوات كلها وايه النور ده
ياريت نكون اصحاب بس دى بجد انا نفسى اتصاحب عليكى
بجد مش لحاجة
علشان استفيد منك بس
علشان اعرف ايه الادويه الاحسن اللى اجيبها لبنتى لعلاج الانتفاخ

[نوران ايمن]

مونى
ايه اخبارك يا منى عامله ايه ازى نفسيتك دلوقتى يارب تكونى بالف خير يارب
عايزة اسالك سؤال انتى عامله ايه مع اهل جوزك كويسين ولا
لو مش عايزة تقولى علشان خاطر جوزك قوى تقولى لازم تحترمى رغباته وزعله ياريت اسمع عنك على طول سمع خير

[مونى88]

انا الحمدلله حلوة بكتير واحسن من اليومين اللى فاتوا دول وبشكرك
دايما ياام نوران واهل جوزى والله مفيش حد بيفتح معايا الموضوع
ده خالص بس انا من الوحده غصب عنى بفكر وتعرفى انا بسبب
الموضوع ده خسيت جدا بس الحمدلله على كل شئ ويارب يقومك بالسلامة
وتكونى بالف خير وهنا وربنا يسعدك كمان وكمان ومع الف سلامة.

[sara_al111i]

نوران
ميرسي ليكي علي ردك
فعلا موضوع الخاطبه مهم جدا وهيكون حاجه حلوه اوي ف المنتدي وخاصه اننا كلنا ستات يعني هتبقي جواز تقليدي بالنت ههههه بس بجد مهما كان هيبقي احسن مليون مره من مواقع الجواز المنتشره بالنت
والله يانوران أنا مش مستعجله أوي انا لسه بالنسبه للعصر اللي احنا فيه صغيره شويه
احنا برده 3 بنات اختي الكبيره متجوزه ومعاها يحيي وملك هي تعبانه شويه فحياتها بس اهي ماشيه بس اللي مزعلني اختي التانيه أكبر مني وحكايتها لو عرفتوها هتزعلو عليها اوي وخاصه المتجوزين لانهم اكتر ناس هيحسو بيها وهي دي بقي اللي انا نفسي بجد اجوزها بس ما باليد حيله
والله هو معروف عني تكبير الدماغ مبحبش المجادله اللي بتجيب مشاكل ياعني مثلا الموضوع بتاع مرمريكا وساره انا لسه داخله النهارده وانالسه مسجله جديد ورديت عادي يعني اللي ف نفسي قلته فمرمريكا بتقولي شكلك بتهدي النفوس هههههههه( شكلها عسوله)قلت لها ردي مزعلك خلاص كانه لم يكن وريحي دماغك
مفيش احسن من تكبير الدماغ الواحد مش ناقص احلي حاجه اننا نبقي اصحاب نفيد ونستفيد
شكرا ليكي مره تانيه اتمني اني اكون عضوه خفيفه علي كل الفتاكوات
ومحدش يزعل مني
بجد انا مبسوطه لكوني وسطيكم انتم شكلكم هتعوضوني عن حاجات كتير وانا سعيده بانضمامي ليكم

[nona79]

اهلا بيكي يا تقوي ان شاء الله نكون اصحاب
شكرا يا نوران علي كلامك الحلو علي فكرة بنت خالي اسمها نوران وهي
حلوة زي القمر اكيد حتي انتي حلوة
بالنسبة لسوالك انا المدينة اللي عايشة فيها عرب ومسلمين كثيروبالنسبة للاجانب
فالاغلبية ناس في حالها ما بتدخلش في احد بس احيانا المراهقين يعلقوا علي الحجاب يمكن علشان هما متعودين علي المسلمين والحجاب

[nehad]

ميرسي ليكي يا أم نوران

بس أنت لية بتاخدي utrogestan دة في الغالب عشان تثبيت الحمل
المهم يا ستي الي أنت عايزاة أسألي فية
و علي فكرة أنا أكتر واحدة متضررة من غلاء الادوية لاني بستهلك منها الكتير
أنا بأخد ال cellcept العلبة 1.300 جنية مولعة موووووووووووت
المهم يلرب يقوم أختك بالسلامة و يرزقها ب ياسين
علي فكرة أنا كمان بولد قيصري عشان الlupus
يعني في الهوا سوا....
أما عن أبني فهو في الغالب مش معايا عشان أنا تعبانة اليومين دول

[nona79]

يا رب تولدي بالسلامة يا ام نوران
وبعيد الشر عليكي يا ام ياسين ربي يخليكي لياسين
انا زيكم برضوا باولد قيصري باينها موضة

[نوران ايمن]

مونى
منى على فكرة انتى دايما بتثبتى ليه انك عاقله قوى
من كلامك دايما كلامك مختصر جدا ومفيد قوى انتى تقريبا بتحبى الوحده وانا اعتقد ان اصحابك مش كتير يعنى انتى تقريبا مش اجتماعية صح ولا انا غلطانه
لازم بعون الله تعدى الموضوع ده وتشليه من دماغك خالص طبعا انا عارفة انى بطلب منك المستحيل
بس انتى اكيد لما تشغلى نفسك فى حاجات نافعة اكيد هيكون احسن
انتى عارفة انك احسن حاجة انك اشتركتى فى المنتدى ده
اقرى قران كتير هيريحك كتير
خليكى مفيده للناس
خير الناس انفعهم للناس
على فكرة انا نفسى اكون خير الناس بجد والله نفسى اعمل اى حاجة الناس تستفيد بيها علشان احس انى بعمل حاجة
هو انتى يا منى اتعرفتى على جوزك ازاى وهو كان عارف الحكاية دى جوازك ولا لا
انا عايزة اتكلم معاكى كتييييييييييير
انا رغاية وطبعا ده مش من صفاتك بس يمكن رغى معاكى نستفيد بيه احنا الاتنين وبقة اصحابنا
شكرا يا منى على دعواتك الجميلة ليه
انتى عارفة انتى فعلا رقيقة قوى بجد والله مش هزار
انتى عارفة يا منى فى ناس كتيرة بيقولوا ليه انى رقيقة بالرغم اننا مش شايفة كده وطبعا جوزى مش شايف كده زيى هو اصلا مش شايف اى حاجة خالص فيه
المهم كفاية عليكى رغى دلوقتى لحسن شكلك زهقتى
يلا سلام يا جميل مؤقت باى

[مونى88]

بجد انتى عسل اوى يام نوران فعلا انا بحب الوحدة جدا واصحابى 3 بس
واتعرفت على زوجى هو ابن عمتى وحب 8 سنوات وكان عارف انى انا
ماكنش بيجيلى الدورة قبل الجواز وقالى على فكرة انا سالت كذا دكتور و
قالولى ممكن مش تخلف وهو الحمدلله رضى بيا زى ما انا وكمان صدقينى
بحاول انسى عشان بتاثر عليا وعلى حياتى كلها بما فيها وياريت تتكلمى عالطول
لانى بجد حبيتك وحبيت كلامك ويارب تقومى بالسلامة ياقمر وزوجك يخلى باله
منك انا مستغربة واحدة زيك زى العسل كده زوجها مش شايف فيها اى حاجة
يارب يارب يارب يهتم بيكى اكتر لدرجة انك تزهقى من اهتمامه بيكى هههههه
بجد بشكرك بشكرك بشكرك وياريت نبقى على اتصال مع الف سلامة.

[نوران ايمن]

سارة
انتى فتكات حبوبة وانتى فعلا حبوبة والله زى العسل
على فكرة انا عارفة انك صغيرة وموضع الجواز مش مهم قوى بالدرجة ليكى فى الوقت الحالى
بس المعروف ان اى بنت يا دوب يجى لها الدورة بتبقى نفسها تتجوز ده شئ معروف طبعا يعنى مش انتى بس
ويا ستى انا عايزة اقولك متزعليش على اخواتك كل الناس كده انتى لو تعرفى حياتى مع جوزى والله تستغربى منى ومن حياتى
هقولك حاجة بسيطة من الحاجات العجيبة اللى بعيشها مع جوزى
انتى عارفة رمضان انا من اول متجوزت جوزى وانا عمرى مفطرت معاه ولا مره دايما هو بيفطر مع مامته بالرغم انها عايشة ومعاها بنتها اللى معاها طفل صغير يعنى مهش عايشة لوحدها فى البيت فلو مرحتش افطر معاه عند ولدته ميفطرش معايه فطبعا مش بعقد لوحدى فى شقتى افطر لوحدى باجى هنا عند ماما علشان افطر معاها
دى مشكلة بسيطة من مشاكلى الكتيييييييييرة فى حياتى مع جوزى
بس انا عايزة اعرف ايه هى مشكلة اختك الكبيرة لو مش عايزة تقولى متقوليش مش مشكلة
بس بجد انتى عسولة واوعى تزعلى من مرمريكا او اى واحده سواء هنا او فى اى حته انا زيك مبزعلش مع اى حد ابد خليكى انتى اللى القران قال عنهم
بسم الله الرحمن الرحيم
( والكاظمين الغيظ والعافين عن الناس )
صدق الله العظيم
وبالنسبة يا ستى لموضوع الخطبة ياريت بجد الموضوع ده يتم لانى عنيت منه كتييييييير ربنا يسهل لكل البنات يا رب

[ايمان فريد]

اولا:فكره جميله كنت بفكر فيها
ثانيا:انا مصريه ومتزوجه ومن موليد1979وعندىطارق 5سنوات وزياد سنتين
ثالثا:انا جالسه فى البيت لكن بشتغل مشتركه فى شركه واللى يحب يشترك معيه
مفيش اى مشاكل وعلى فكره انا معيه مواهل متوسط واحب نكون كلينا اصحاب

[مونى88]

اكيد ايمان ونشكر نوران عشان هى اللى خليتنا كلنا نحب بعض
واهلا بيكى معانا وتواصلى معانا عالطول انا منى من مصر
لو حبيتى انى اكون صديقتك مع السلامة

[sara_al111i]

نوران
شكرا ذوقك ياقمر
مشكله أختي انها اتجوزت واطلقت بعد 7 أيام ومش هقدر أوضح اكتر من كده انتم ستات وفاهمين بس هي مشكله بسيطه بس محتواها كبيييييييييييييير
يارب يهدي سر كل البنات ويرزقهم بأولاد الحلال يارب

[ايمان فريد]

مفيش اى مشكله يامنى احنا اخوات مش اصدقاء و بقول لى نوران ربنا يسمعنا عنك كل خير

[مونى88]

امين يارب وتقوم بالف سلامة

[نوران ايمن]

نونا
انتى اللى زى العسل والقمر كمان الله يخليكى على ردك الجميل ده
والحمد لله انك قاعدة فى وسط عرب اكيد دى مخلياكى مش حاسة انك فى حته غريبة عنك قوى
ويا ستى الله يكرمك يا رب العالمين على دعواتك لينا بس انا عايزة اقولك حاجة صحيح الولادة القيصرى صعبة وعملية بس هى بالنسبالى انا حسه انها احسن من الولادة الطبيعى لان الولاده الطبيعى ليها اضرار كتيييييييييير اصل انا اختى دكتورة ودايما تقولى عن اضرار الولاده الطبيعى
فياريت يخلو الولاده القيصرى فعلا موضه علشان الستات متعنيش من مشاكل الطبيعى

[نوران ايمن]

مونى
انتى لمستى الوتر الحساس فيه انتى خليتينى اعيط ومش عارفة ابطل من اول مقريت الكلام بتاعك الخاص بجوزى معلش يا منى انا مش هقدر اكلمك دلوقتى لانى فعلا مش قادرة
ممكن اكلمك عن جوزى بعدين بس اكون هديت لانى ممكن اعقد اعيط طول الليل من الكلام
على فكرة هو انسان حنين وطيب قوى
بس سيبك من غمى بقة وقوليلى
انتى ايه رايك مش انا خليتك تكسرى القاعدة ان بدل ما يكون ليكى 3 اصحاب يكون ليكى 4 ده اذا كنت فعلا صحبتك
وطبعا بقيه زميلنا هيكسروا القاعده خالص هيكون اصحابك اكتر من كده بكتير
بس الحاجة الوحيدة اللى مش هنعرف نغيرها فيكى انك تكونى رغايه زينا
لان الرغى ده يا ستى ماشى فى دمنا مش بالسهل حد يعرف يخده مننا
يلا سلام مؤقت دلوقتى علشان عايزة ابعت رد على بقة زميلنا
وبالمرة احاول اسكت وانسى جوزى شويه
يلا باى

[مونى88]

بجد انا اسفة جدا جدا وما كنش قصدى وعلى فكرة
اكيد هتكونى الرابعة ويارب بقيت الزميلات وبجد
انا متاسفة جدا ويارب تكونى بخير وياريت لى بتحبينى
زى ما بتقولى ياريت مش تعيطى عشان اللى فى بطنك
ده لو بتحبينى واسفة كمان مرة مع السلامة.

[نوران ايمن]

نهاد
بصراحة انا بشكرك جدا انك رديتى عليه
بصراحة انتى اخر واحده فكرت انك هتردى عليه لانى فى منتهى قلة الذوق انتى مالك بسعر الادوية والمشاكل بتاعة الادوية دى فعلا قله ذوق انا حتى دخلت فيكى شمال على طول حتى مرحبتش بيكى لكن معلش خيرها فى غيرها
ويا ستى على الدوة اللى انا بخده ده علشان انا عندى كيس ليفى فى الرحم كبير قوى وانا مشية على الدوة ده من اول الحمل لغاية دلوقتى علشان التثبيت
اهم حاجة بقة خالص ان صحبتك متعرفش اى حاجة فى الانجليزى بتاعى الادويه يعنى النبى عربى
على فكرة انا شكل بس اسمى خريجة جامعة بس اللى معاه تعليم متوسط او معهوش حاجة احسن منى
الف سلامة عليكى يا جميل ويارب تقومى بالسلامة من التعب اللى عندك ده وبعون الله تشيلى ابنك تانى على طول وربنا يخليهولك يارب

[نوران ايمن]

مونى
مفيش فايدة كل لما اقرا رسالتك اعيط مش عارفة ليه هى تقريبا جيالى النهاردة بالعياط
انتى عسل يا منى ربنا يعوضك يارب العالمين وتشوفى الايام اللى جايه احسن من اللى فاتت واجمل بكتير