[ايمان فريد]

ياسلام وانا اقول المنتدى نور ليه علشان نوران رجعت باالف سلامه واللهى
المنتدى كان مظلم ياستى وسألى سمبوله
مش قدره اقوليك انا فرحنا قوى من هنا لبكره
واخبارك ايه ومعاذ ونوران والحاجه يارب تكونه باالف خير ياحبيبت قلبى
وياستى انابموت فى الفسيخ والرنجه انا واولادى لكن زوجى لالالالالالالا
وعلى فكره انا باحب فعلآ الرومانسيه ياجميل
واللهى نسيت اقول اى حاجه بفرحتى بيكى
احلى مسا على حبيبنا كل اللى فى المنتدى

[simpaolo]

السلام عليكم ..........

نوران ..... ياااااااااااه ...... وحشنى اتكلم معاكى ........
بالنسبة لأخويا لسة ما ارتبطش .. يا ريت تدعى له ....
اما بالنسبة للفسيخ : عندك حق انا باموت فيه....
و الطهارة دى اول مرة اسمع ان المفروض اطهر بعد الاربعين بالرغم من ان انا ولدت مرتين بس ماحدش كلمنى فى الموضوع ده ... ربنا يسامحنى...

وحشتينىىىىىىىىىىىىىىىىىىىىىى

[asmaa ebrahim]

[نوران ايمن]

ايمان فريد
مش بقولك يا ايمان انتى فعلا شاعرة شكلك دكه هتحترفى الموضوع ده وتبقى حاجة كبيرة كده محدش فينا يقدر عليها وفى الاخر تعملى زى الحضرى وتسافرى بره
طبعا يا عم هو فى حد قدك يا جميل شاعر المنتدى
يا بخت جوزك بيكى زمانك مروقاه بالاشعار
مهى الشاعرة دايما بتخطف قلوب الناس
بس ايه الكلام الجميل ده الواحد كده هيتغر فى نفسه اخجلتم تواضعنا
الواحد بصراحة مش عارف يقول ايه ولا ايه من الكلام الجميل ده
انا جوزى عامل زى جوزك كده برده مش بيحب الفسيخ هو الظاهر اليومين دول الازواج مش بيحبوه
بس يلا جيه وقت الاستفادة من الاصدقاء
ممكن تقولى ليه ازاى اتكلم مع جوزى واتعامل معاه بالرومانسية يا واد يا رومانسى
معلشى اصل صحبتك انتهازية

سمبولة
هبه
ازيك يا جميل انا قلت فعلا الاسكندرنية اكيد زينا بيحبوا الفسيخ بالرغم ان فى ناس كتير بيقولوا عليه انه معفن ووحش بس بصراحة هو خرافة ان نفسى اكله اليومين دول بس خفت علشان العملية قلت لما اهدى شوية لحسن انا لسه برده تعبانه شوية
المهم
انتى بجد اول مرة تسمعى عن الطهارة دى بعد الاربعين يوم
على ما اعتقد هى اكيد ليها كفارة انتى لازم تسالى فيها تستغفرى ازاى
طبعا علشان الصلاه ولا انتى مش بتصلى
صحيح مقلتيش قضيتى شم النسيم فين

اسما ابراهيم
شكرا على باقة الورد الجميلة دى

[نوران ايمن]

ام بسنت
ازيك يا ام بسنت مقلتش انتى بتكلى الفسيخ زينا كده ولا ايه
الطهاره دى مشكلة انا بعمل زيك كده بس كنت عايزة اعرف اكتر هو لازم اننا اطهر منها بعد الاربعين ولا ممكن قبليها لو الدم وقف مش عارفه انا سمعت ان فى ناس بيطهروا قبل الاربعين مش عارفة بصراحة
انا عن نفسى استنيت لغاية الاربعين
على فكرة بناتك حلوين قوى ربنا يخليهم ليكى
مش ناوية تخاويهم وتجيبى ليهم اخ ولا انتى مش من النوع ده بتاع انا عايزة الولد

نونا
نادية ازيك بقى فى واحد متجوزة من مصرى ومضقش الفسيخ
يا شيخة كل المصرين عندهم الفسيخ ده اكله شديدة لازم كنتى تكليها ولو لمرة
على العموم احنا انشاء الله هناكلهالك لما تيجى
انتى بقه اخبارك ايه

[ايمان فريد]

احلى صباح عليكم جميعآ
شوفى يا نوران بمناسه انك تطهرى استحمى عادى وقولى تشهدى 3 مرات وعلى فكره زوجى مش بتاع رومانسيه خالص

[نوران ايمن]

ايمان فريد
ازيك يا ايمان احلى صباح ليكى يا جميل
يا خسارة واحدة زيك كده فتكات هايلة ورومانسية جوزها ميكنش رومنسى
انتى بقة جوزك عملى على كده وجد قوى
بس خلى بالك ان اى راجل مهما كانت شخصيته لازم تلاقيه بيحب ان مراته دايما تكون رومانسية معاه
وممكن تلاقية ينتقدك على رومانسيتك معاه بس هتلاقى من جواه فرحان جدا بالرومانسية دى

[nona79]

السلام عليكم يا قمرات اخباركم ايه كلكم
هبة ايمان ام ليلي اسماء تامي ام ايفان ام رحاب والجميع
مروة انتي فقدتي الذاكرة ولا ايه انا حماتي مصرية ومتجوزة ليبي
مش جوزي مصري بس انا ما بحبش السمك اصلا حاكل فسيخ
معاذ عامل ايه

[ام بسنت]

مساء الفل والوردعليكم جميعا واحده واحده
بالنسبه للفسخ انا مش باكله كتير انا فى حاجات كتير قوى مش باكلها عشان معدتى تعبانه شويه
وبالنسبه للطهاره اناعندى الدم انقطع قبل الاربعين وطهرت وصليت عادى وان شاء الله حسالك بكره وارد عليكى
وربنا يخليكىى ده من زوقكم بالنسبه للبنات ربنا يبارك فيهم انا ياستى بالنسبه ليا عادى انا وجوزى بس انتى عارفه الام ماما كل شويه تدعى ان ربنا يرزقنى بولد عشان جوزى وكمان سلفتى عندها ولد وبنت وكمان جوزى مسافر وربنا يسهل امااروحله او هو يجى وكله بايد ربنا

[نيللى]

حمدا للة على السلامة يانوران ياقمررررررررررررررررررررررررررر

[نوران ايمن]

نيلى
اولا بشكرك جدا على سلامك عليه بالرغم انك متعرفينيشى وعمرى متكلمت معاكى
فاكيد ده من زوقك وياريت اتعرف عليكى اكتر
نونا
تصدقى بالله انا من اول ما اتعرفت عليكى وانا فاكرة ان جوزك مصرى لانك قولتى ان اهل جوزك مصرين وده اللى خلانى مفكرة كده
متخفيش حمات ابنك لسه مفقدتش الذاكرة هتفقدها فى حاله واحده لو ابنك اتخلى عن بنتى
وبعدين يعنى ايه مش بتحبى السمك هو فى حد مش بيحب السمك ده له اكتر من طريقة لعميلة علشان تكليها حتى اسالى هبه دى خبيرة فى الطبخ
ام بسنت
الف سلامة على معدتك هقولك على خلطه غريبة شوية يمكن تكونى عرفاها بتريح المعدة
ينسون على كروية على حبه البركة على شمر واغليهم واشربيهم هتريح كتير المعدة
الله يكرمك على كلامك ده فعلا كل حاجة بايد ربنا
ربنا يرزقك بالزرية الصالحة سواء بنت او ولد دا الاهم
وربنا يرزقك باللى تحبيه

[simpaolo]

السلام عليكم ....... نوران : نورتى المنتدى ..........
بالنسبة لأخويا لسة نصيبه ماجاش
يوم شم النسيم : رحت مع جوزى و اخواته واولادهم نادى الظباط فى العجمى

[نوران ايمن]

سمبولة
فين حبيبة قلبى هبه اللى دايما منورانا هنا بخفه دمها
احلى صباح لاحلى هبه اللى مردتش على كلامى ليها اللى فات

[نوران ايمن]

ازيك يا هبه انا مشفتش رسالتك الا دلوقتى
وحشانى كتييييييييييييييييير
انا عارفة انك زيى كده من محبين الفسيخ
بس مقلتيش ليه انتى بتصلى يا هبه ولا لا بصراحة

[simpaolo]

نوران: انا ما اقدرش اتاخر عنك يا قمر و اقرى حتلاقينى رديت عليكى

[simpaolo]

بصراحة ...... باقطع فى الصلاة ........ ادعى لى علشان اواظب

[نوران ايمن]

انا بحبك قوى يا هبه انتى عارفة ليه دايما بحس انك صريحة قوووووى فى الكلام بخلاف انك عشرية
اكيد انتى اللى فى اخواتك صديقة ليهم واكيد انتى متدخله فيهم وفى مشاكلهم واكيد بعون الله بتحليها صح ولا ايه

[نوران ايمن]

انا معاكى يا هبه
انتى عارفة تقريبا انا طول الليل صاحية مع معاذ لغاية دلوقتى ونفسى انام بس لما لقيتك معايه هنا لقيت نفسى عايزة اتكلم معاكى ومش مهم النوم فى وجودك
الصلاه دى مشكلة كبيرة لازم تحافظى عليها
على فكرة انا بصلى وتقريبا مش بضيع فرض بعون الله الا فى الاوقات العصيبة وبحاول اصليها بعدين
بس انتى عارفة مشكلتى الحقيقية انى مش بركز فى الصلاه وهى دى اكبر مشكلة وتقريبا مش بعيدة عن مشكلتك
احنا عايزين نحل المشكلة دى
ايه رايك

[نوران ايمن]

انتى مشيتى يا هبه
مش مشكلة اهم حاجة ردى عليه علشان نحل المشاكل دى لحسن المشاكل دى ممكن تضيعنا لو محلنهاشى

[simpaolo]

نوران : يللا ايدى على كتفك .. و نساعد بعض ....

و على فكرة انا ماليش غيرأخ واحد و انا و هو اصحاب