[اشرقت]

يا دكتورة نهلة ده سنه6من غير زواج مشكلة ....

انا مش قادرة اتخيل مع الزواج تبقى عاملة ازاى ......

على فكرة موضوعك جميل جدا اختى نوران

[اشرقت]

ربنا يكرمك ويسعدك دايما يارب

[drnahla]

لية يا نوران ما رحبتيش بيا شايفاك بتقراى الصفحة من بدرى وما بترديش

[ايمان فريد]

كل سنه وانتم جميعا بخير وعقبال السنه القادمه نكون جميعا على جبل عرفات
ان شاء الله وكل سنه وكل ام طيبه

[nona79]

كيف حالكم يا حلوين
لو عايزة الحق يا ام نوران انا لحد الان مرعوبة من فكرة الحمل والولادة مرة تانية
بالنسبة لعلي هو بيروح نيرسري بس لما يكون في عمر المدرسة يمشي طول
الاسبوع للمدرسة الانجليزية والسبت والاحد يمشي للمدرسة الليبية
الفترة هذا متعبني علي طول علشان صار مدلع ويبي كل حاجة ولو ما عملناهش
له يفضل يبكي (انتو فاهمين انا نكتب بالليبي)
انتي شنو عاملة مع نوران حاستها غايرة من حملك او لا
الباين اني رغاية حتي انا

[nona79]

انا ما نشتغلش انا مخلصة علوم قسم احصاء وتوا ندرس دورات كمبيوتر

[nona79]

مفيش حد هنا ؟؟؟؟؟؟؟؟؟؟؟؟

[نوران ايمن]

شموسة
اهلا بيكى يا باش مهندسة انتى نورتينا وان شاء الله تعمرى لينا الارض كلها مبانى باذن الله ولا انتى متخصصة فى حاجة تانية
واحلى سلام لخرجين الهندسة كلهم اصحاب شموسة

[nona79]

ايه يا ام نوران وينك وحشتيني
انا قريت اللي انتي كاتبه انا زيك احنا 3 بنات وربتنا ماما

[نوران ايمن]

د نهله
انتى بتقولى انك رغاية اكتر منى بس انا معتقدش
بوسى بقة يا ستى احنا نعمل مسابقة ما بينى وبينك
المسابقة هى اننا وانتى نتكلم مع كل اللى يتعرف علينا يعنى تردى على كل الاصحاب زى ما انا بعمل كده
ونشوف مين اكتر من التانى رغاى واللى هيحكم علينا همه اصحابنا
ايه رايك فى الفكرة دى بزمتك مش حلوه
انتى زى العسل يا نهله انا اختى دكتورة وباين ان كل الدكاترة اليومين دول زى العسل زيك انتى وهى
اهلا بيكى معانا والله انا كل متعرف على واحده من اصحابنا بحمد ربنا اننا مع بعض بنكلم بعض ونخاف على شعور بعض
ربنا يستر ومحدش يحسدنا على اللى احنا فيه
بس انا اول واحده هحسدك يا نهله علشان انتى فى الامارت مع جوزك
ادعيلى يا نهله اسافر لجوزى هو مسافر من شهور للامارات وانا نفسى اروح ليه
ادعيلى بقه

[نوران ايمن]

نونا
انتى معايه دلوقتى ولا لا

[nona79]

انامعاكي هو انت اسمك مروة صح

[نوران ايمن]

د نهله
على فكرة يا نهله انا كنت ساعت لما كتبتى الرسالة مكنتش قاعده على النت لانى رديت على رسايل اللى فاتت وبعديها قفلت على طول لانى رحت للدكتورة بتاعتى لانى تعبانه
فبجد مشوفتش اللى انتى كتباه الا دلوقتى حالا حتى بعد الرد اللى رديته عليكى
متظنيش بيه طن السوء
مش انا اللى حد يكلمنى واتجاهله
وبعدين المشكلة الاكبر عندى هى ان الصفحة اللى بفتحها وبكتب فيها لو فى حد كتب معاية فى نفس الوقت مش بيبان عندى الا لو قفلت الصفحه كلها وفتحتها من الاول

[nona79]

سلامتك مالك تعبانة ايه قربتي تولدي ولا ايه

[نوران ايمن]

نونا
انا عندى مشكلة فى النت الرسايل مش بتوصل بسهوله حتى اللى انا بكتبها فلو اتخرت عليكى فى الرد متزعليش لانى ممكن النت عندى يفصل دلوقتى
المهم يا جميل ايوه انا اسمى مروة
وعايزة اقولك حاجة انتى ليه خايفة من الخلفة
انتى عارفة اننا بعانى من الحمل والولاده بس علشان خاطر العيال كل حاجة سهلة
انتى عارفة انا النهاردة كنت برد عليكوا مره واحده نزل عليه ميه وعلى فكرة انا لسه مبداتش الشهر التامن ودى مشكله علشان كده رحت للدكتورة وهى ادتنى تلت حقن علشان اكمل حتى اسبوع من الشهر التاسع
وكل ده بالنسبة ليه مش مشكلة اهم حاجة انى اشوف ابنى بعون الله كويس
بلاش تخافى وسبيها على الله

[نوران ايمن]

مونى
معليش يا مونى انا مردتش عليكى النهارد بس انا مش شيفاكى النهاردة انتى فين والله كنت عايزة اكلمك النهاردة بس رحت للدكتورة
اوعى يا منى تكونى زعلتى علشان مردتش عليكى
انا هستنى منك رد عايزة اطمن عليكى
على فكرة يا منى انا احتمال اولد خلال الاسبوع ده
ادعيلى اعدى عشر ايام من بعد بكرة مش اسبوع
ربنا يستر

[nona79]

بعيد الشر عليكي حبيبتي
الله يعينك المهم تقومي بالسلامة
انابصراحة زوجي مش مستعجل علي الخلفة علشان شافني
كيف اتبهدلت في علي
تعرفي في اول شهرين من الوحم نقصت 10 كيلو لالني ما ناكلش ابدا
وانتي احسن لما رحتي الدكتور

[نوران ايمن]

نونا
بوسى يا نونا الصفحه عندى معلقة انا مش شيفاكى معاية على الصفحة
المهم اكتبى كل اللى انتى عيزاه تقوليه ليه وانا لو مردتش عليكى دلوقتى اعرفى اننا مش عارفة اوصلك او حتى اقرا رسايلك بس بكرة ان شاء الله يكون النت اتصلح واعرف ارد عليكى
بس انا فرحانه قوى انك معايه ولونى مش شيفاكى بس مش مهم اهم حاجة النيه انا معاكى بقلبى وعقلى

[nona79]

باى علشان اهل زوجي بيكلمونا علي النت من ليبيا
سلامتك مرة تانية والنبي خلي بالك من نفسك علشان انا حبيتك
وبوسيلي نوران ويا رب تخلفي ولد زي القمر يعني زي علي ابني
اصله زي القمر
لا اله الا الله

[نوران ايمن]

نونا
اولا صباح الخير والله انتى زى العسل وياريت نكون اصحاب على طول
الله يكرمك على كلامك الجميل ده
وربنا يخليلك ابنك يارب العالمين هو اكيد زى العسل زى مامته كده
اكيد انتى حلوه زيه واكيد طبعا انتى طالعة لماما حلوه ربنا يخليهالك يارب العالمين وتفرح بيكى وانتى بتخاوى على
انا زنانه جوزى دايما بيقولى كده
وبما انى زنانه فكرت ازن عليكى فى موضوع الخلفه ده
سيبى نفسك الوحده بتتعب فى الخلفة طبعا ده اكيد بس علشانهم اى حاجة تهون
اعقليها وتوكلى على الله
فمن يتوكل على الله فهو حسبه
استخيرى ربنا فى الخلفة تانى وشوفى ربنا هيقسم ليكى بايه
ربنا يوفقك يا رب العالمين