[مدام وائل]

امتى بدأت تعلمى ابنك استخدام الحمام؟؟

وامتى بدأت تستغنى نهائيا عن البامبرز؟؟

واد اية الوقت اللى بيأخدة لحد ما يتعلم؟؟


أسألة هتجننى ونفسى الامهات اللى سبقونا يقوللى خبرتهم

واللى معايا فى نفس الظروف شاركونى فى الموضوع وامتى نبدأ ؟

ابنى عمرة سنة و7 شهور عايش لسة بالمامبرز فى الصي فاستعمل البوتى مرتين اوثلاثة الصبح يعنى عارفها بس ناوية بأذن الله اعملة فى الصيف يعنى شهر او اتنين بالكثير وحاسة بكابوس فظيع كل لما يقرب الموضوع

شاركونى فى الموضوع

يا لا يا امهات!!!

[dora]

عاودى واحدة واحدة

فى الاول هيعد يعيط

ومعليش ايستحميلى

شوية لى حد ما يتعود

وربنا معاكى يا مدام وائل

[semsema40]

أكيد واحدة واحدة ومع الصبر هايتعود

[مدام وائل]

حاسة انى خايفة اوى من الموضوع ده

بس هل السن مناسب كدا؟؟؟

واقلع البامبرز نهائى من بداية التعليم ولا لاء؟؟

[dora]

سنة و7 شهوركدة كتير اوى

ولزم يقلع البامبرز كفاية اوى كدة

لاان لو سيبتى هيا تعود على كدة

وربنا معاكى وربنا يخالهولك

قلبى معاكى يا مدام وائل اختك دورا

[Om Hassan]

ااااااااه جيتى على الجرح
انا كمان ابنى عنده سنه و8 شهور ومعذبنى

[ريري]

انا تجربتى مع ابامبرز كالاتى...
بدأت مع ابنى الاول قبل السنتين بمده وما كان فى نتيجه ،وبعدها سمعت رأى من متخصص ان افضل سن لذلك هو سنتين(يعنى مش قبل سنتين بيوم)
وفعلا كان كلامه صح والولد اتعود فى فتره قصيره بالنسبه لأقرانه..بس على فكره مسألة الوقت اللى بياخده على ما يتعود بتختلف من طفل لاخر(فروق فرديه)
وافضل شىء التحلى بالصبر ،وكمان انتى اللى بتدخليه كل نصف ساعه وبعدين كل ساعه (لحد ما تحددى الوقت اللى بين كل مرة واخرى)وطبعا ماتنسيش انك تكافئيه ،وبرضه يكون فى عقاب(على قد السنتين)واهم شىء انك تحبيه جدا وتقربيه منك قوى ..لانه بيفاجأ بمعامله غير من الأم ،بيمر بمرحله قلقه جداااااا
وعلى فكره انا عملت الموضوع ده على مرحلتين ..الاولى انه خلع البامبرز وبعد ما ينام بألبسه له ،وبعدين لما انتظم فى دخول الحمام خلعنا البامبرز بالليل
وهاقولك زى حماتى ما كانت تقول :ما تخافيش ابنك لما يدخل الجامعه مش هايكون بيعمل على نفسه(كنايه انه اكيد هايتعود علشان كنت حاسه انه امر تقييييييييييل علىّ)
وربنا يعينك ويبارك لنا فيهم.....امين

[drnahla]

انا الحمد للة بنتى خلاص النهاردة نجحت معاها فكرة البوتى
وبدات معاهامب حوالى اسبوع وبالتدريج هى نجحت
ولازم تشجيع على كل مرة وتقولى برافووو
وتندهى للاب وتقوليلة صفق للنونو
ولو مرة فشل البيبى حاولى بس تظهرى انك زعلانة منة وتقوليلة انك مضايقة بدون صراخ ولا ضرب
على فكرة بنتى عندها بردو سنتين
وانا استنيت لحد العمر دة حتى تفهمنى والحمد للة اخيرا ارتحت من البامبرز
حتى لما تصحى من النوم تجرى لوحدها ع البوتى وتعملها
ادعولى ربنا يهديها دايما لانها مغالبانى

[nona79]

انا شايفه انه مازال صغير ابني شلتله البامبرز وهو عمره سنتين ونصف
وماتعبنيش يا دوبك يومين وتعود بس ابن اخ زوجي مامته شالتله البامبرز
وهو في عمر ابنك لحد الان متعبها ويعمل فيها في ملابسه في الليل وهو عمره 4 سنين

[مدام وائل]

بصوا انا فعلا حاسة ان كل لما يكون فاهم هيكون احسن واسهل

وطبعا اللى خلانى اقعد كل الوقت دة من غير ما افكر اعلمة اولا هو باباه دكتور اطفال وقالى ان السن غير مناسب اطلاقا للتعليم يعنى لما يفهم كل حاجة

بصراحة انا شفت واحدة بتعلم ابنها وهو 4 شهور وطبعا سنة دلوقتى سنة و9 شهور وهى اللى لسة بتقعدة ولو نستة يعمل على نفسة يعنى مفيش فايدة

ربنا يعننا

يارب

[katkootaya]

انا ابني سنتين ونص وبدأت معاه وبدأ يستجيب الحمد لله في فتره قصيره بس رجعت كسلت علشان الشتا و قولت بقه هبدأ من دلوقتي خلاص دلوقتي الجو اتعدل
وربنا يعين
و متقلقيش خالص لما بيكبروا بيفهمو بسرعه وربنا معاكي و معانا

[dondon]

انا بنتى عندها سنه و5شهور والدكتور بتعها قال لى على الصيف ابدء معها

[shimaamohamed]

بصى ياستى بالنسبة لموضوع الحمام اعتقد انك اتاخرتى شويه انا كمان ليا مراتى اخويا اتاخرت فى تعليم بنتها رغم انها فاهمة البوتى بتاعه اية بس هى دوختها شوية وبعد كدة اتعلمت متقلقيش بس ابدى بقى دلوقتى الجو كويس اهو وهى لسه متعلمه الشهر اللى فات (اسفه على الاطالة)

[نادو]

بالنسبه لتجربتى مع اولادى كانت من سن اصغر من كده
ووحده وحده باذن الله هيتعود لان الطفل بيكون ذكى جدا

[مدام وائل]

ربنا يكرمكم بأذن الله هابدأ فى اقرب وقت

[ضوء الشمس]

انا بالنسبه لابنتي عملتلها كالتالي اولا كانت عمرهاسنه كنت بحطلها العاب جمبها وصور واجبلها حليب وهيي على النونوبالاول تعبتني بس بعد اسبوع كانت تحب تقعد على النونوعلشان اورجيها الصور وهيي عباره عن صور اطفال وحيوانات وما كنت اخليها تشوف الصور الا ازا قعدت على النونو وهيك صارت لوحدها تحب تروح وشوشوي بتعودبس اعطي بهاد الوقت اللي بحبو

[ام مالك]

طبعا انا رايى من رأى مدام ريرى لمل تبتدى مع ابنك قرب السنتين او لمل يكون عندة سنتين هيكون احسن ودة مش كلامى دة كلام كذا دكتور همة اكدو كدة للانة هيستجيب معاكى احسن وهيكون فاهم اكثر وتجربتى مع ابنى اكدت لية كدة
واالحمد للة عدت على خير ومتنسيش انك لازم تكافئية لمل يدخل معاكى الحمام وكمان تمثلى امامة ولى نفعنى اكثر هوة انى كنت بخلى دبدوب من الدباديب بتعتة تتعاقب اما متعملشى حمام وهوة لما يشوفة يتعاقب يقوم يفهم

[مدام وائل]

انا اللى مخلينى خايفة ان كل الناس عماله تنتقدنى ان سيباه لحد دلوقتى وانه هيتعبنى بس جوزى بيقول ان لسه سنة مش مناسب انا قلت لكم قبل كدا هو دكتور اطفال وعمال يقولى عادى متقلقيش

ربنا يعمل الخير

[om jna]

انا يمكن شفت الموضوع متاخر بس كنت عايزه اقول ان اسن المناسب فعلا قرب السنتين لان قبل كده بيبقى لسه عضلة التحكم منضجتش كفايه. و اللى بيبدؤا فى 4 شهور و 9 شهور ده تهريج بصراحه و حتى لو عملها مره فى البوتى بالصدفه مش هيعملها اللى بعدها و مع الضغط ممكن يحصلوا انتكاسه بعدين.. و ده اللى شفته مع ناس كتير بداوا الموضوع ده بدرى كده..

[toty5858]

السلام عليكم والله انا حبيت ادخل وارد عليكم لان الموضوع ده مرهق جدا وبجد انا ابتديت مع بنتي من عمر تسع شهور بس بجد تعبت اوي وبعد كده توقفت ولما دخلت علي سن سنه و8شهور بقت اقلعها البامبرز اثناء فترة النهار ومرة مع مرة اتعودت لاحد مأخت الجراة وقبل ماتم سنتين قرارت انها تقلعه خالص والحمد الله بطلت تلبسه يعني فعلا معن تجربه بلاش تتعبي نفسك ونفسيتك في نفس الوقت لان كل طفل وحسب ظروفة