[EMYEMY]

السلام عليكم يا احلى بنات هو دة مش موضوع دة استفسار او استنجاد الحقوووووووووووونى الدكتورة بتاعتى ماشية معايا بالعكسالناس تاخد الكلوميد خامس يوم انا اخدتة تانى يوم للبريود وبياخوا سيدوفاج انا اخدت جلو كو فاج واخدت 4حقن فستيمون ورا بعض واخرتها قالتلى انا اتفاجأت تبويضك عيلى اوى اكتر من المتوقع انا اخاف اديلك حقن تفجيرية ولاقيت عندى 8بويضات مقاسهم 22 خوفتنى ومش عارفة هى كدة ضرتنى ولا اية واية اللى هايجرى لو ماخدتش حقن تفجيرية اللة يسامحها بقى كلفتنى ماديا وتعبتنى وقلقتنى ادعولى ربنا يجعلة بفايدة ويرزقنا جميعا يارب::::

[aliaawwe]

استشيرى دكتور تانى و متسكتيش كده و ان شاء الله خير

[EMYEMY]

شكرا ادعيلى

[EMYEMY]

اية يا بنات محدش فادنى لية

[sarwja]

حبيبتى متقلقيش ان شاء الله خير انا كنت باخد كولوميد من تانى يوم البيريود بردة و كنت باخد فاستيمون كل يوم واحدة لمدة 4 ايام من اليوم حوالى التامن او التاسع و كنت لما البويضة بتكبر باخد الكوريمون المفجر للبويضة فعادى انتى ممكن متخديش حقن مفجرة و سيبى البويضة تنفجر طبيعى و ان شاء الله خير

[كلبوظةجدا]

بصي يا قمر هي معملتش معاكي حاجة غلط لان الكولميد ممكن تبتدية التاني او الخامس والجوكوفاج هو هو السيدوفاج بس هي كان المفروض تعمل تحليل كويس عشان تيجي الجرعة المناسبة لان واضح ان الجرعة كبيرة

وانا افضل متخديش حقن التفجير لان 8 بويضان سلام كتير ممكن يعملك مشاكل لو خدتي حقن التفجير ومفيش مشكلة استني هتلاقي فيهم الهينفجر لوحدو

والباقي يصغر للشهر الجاي وربنا معاكي يا قمر بس غيري الدكتورة دي

[EMYEMY]

امممممممممممممممممم

[ام يوسف الامور 2012]

ربنا معاكي يا حبيبتي واعملي زي ما البنات قالوا بلاش تاخدي حقن التفجير خلي البويضه اللي تخرج من نفسها لان ماشاء الله 8بويضات هيا عملت تنشيط زايد للمبيض
واظن تغيري الدكتوره ده
لان المفروض كانت بدات بالمنشط الحبوب الاول وتشوف هيطلع اد ايه تبويض ومكنش ليها لازمه الحقنالا لو مكنش حصل معاكي تبويض بالحبوب العاديه
ربنا معاكي ويرضيكي ان شاء الله
ربنا يرزقنا جميعا بالذريه الصالحه ان شاء الله

[EMYEMY]

يا رب يا حبيبتى ربنا يرزقنا جميعا

[زهرة القرآن]

بصي ياقمر اولا لازم تسألي على دكتور يكون كويس وشاطر وممكن تسألي الفتوكات هنا اللي من بلدك وتروحي ليه فورا..
ثانيا انا باخد الكلوميد من 2 او 3 يوم او خامس يوم حسب لما بروح للدكتور وكمان الطب مدارس مش كل دكتور زي التاني وكمان احيانا بتكون مسميات مختلفة للأدوية ولكن التركيبة واحدة والمفعول واحد..
انا مثلا الدكتور اداني اموفاج غير الاتنين اللي انتي بتقولي عليهم وهو من فصيلتهم ومثلا الابر التفجيرية ليها كذا اسم حسب حالتك وحسب كل دكتور..
بس هي خايفة تديكي الابر التفجيرية لان البويضات حجمها مناسب وممكن يحصل حمل في كذا طفل فدا بيبقى مش حلو بس ياريت تحاولي تروحل لدكتور تاني لان كدا محتاجة استشارة من دكتور كويس عشان التبويض ميأثرش على المبيض فضروري تروحي لدكتور يكون شاطر..
بس انا عايزة اعرف انتي عندك ايه عشان تديكي كمية الادوية دي والحقن اللي اخدتيها بتعمل ايه ... انا اول مابدأت علاج اخدت قرصين كلوميد بس والشهر اللي بعده لما متلقاش نتيجة زود الكمية..
معلومة التنشيط الزايد للمبيض بيبقى خطر عليه وبيضر وانتي ماشاءالله تبويضك كويس واستجا بس متقلقيش هوا ان شاءالله مفيش خطورة عليكي لانك اول مرة ...
ربنا ييسرلك الخير ويشفيكي ويشفيني وجميع المسلمات ويرزقني ويرزقك ويرزك كل محتاج الذرية الصالحة..