[نانوه]

السلام عليكم
ياجماعه انا نانوه منذفتره اخذت رايكم فى اسم مولودى وانا حامل ودلوقتى انا وضعت منذ اسبوعين وسميت طفلى عبدالرحمن لكن المشكلة ان طفلى مش راضى يرضع من صدرى وبيرضع لبن صناعى بس صدرى لسه فيه لبن وانل بعصره واعطيه له بالبيبيرونه لكن العمليه دى متعبه وسمعت عن شفاط الثدى الكهربائى وعايزة اعرف هوه كويس ولا لاء وسعره فى حدود كام وايه افضل نوع

[sa_as19]

الحمد لله على السلامة ومبااااااااااااااااااااااااااااااااااااااااارك ان شاء الله ويتربا في عزكم انت وابو اسمه كتييييييييييييييييييييييييييييييير حلو
حبيبتي انت غلطتي لما عودتيه على الرضاعة الصناعي حاولي تعطي صدرك وهو جوعان كتيييير انا عملت هيك مع بنتي وعودتها على صدري اما الشفاط الكهربائي ما عندي فكرة حبيبتي وبعتقد انها طريقة مش عملية ومتعبه.

[ام عمر المصرية]

حمد الله على سلامتك وربنا يخليهولك ويباركلك فيه واهم حاجة حاولى تعوديه يرضع منك افضل ليه ولك حاولى تانى هوه لسه صغير وح يتعود يرضع منك وللاسف انا ماعرفش ايه الشفاط الكهربى

[rehab]

حمدا الله ع السلامة
واللي جابلك يخليلك
بصي أنتي حاولي تحطي كريم بانثينول ع الحلمة وتشديها لبرا لغايت ماتبتدي الحلمة تاخد شكل فيعرف يرضع منك
وجوعيه جدااااا ساعتها هياكل غصبا عنه

[ام بسنت]

حمد لله على سلامتك وربنا يكملك نفاسك على خير اهم حاجه انه يرضع من صدرك لان دى عمليه اتصال بينك وبينه ودى بتحسسه بالحنا والعطف والامان لازم لازم ياخد صدره حاولى تسيبه لحد مايجوع قوى وخليه ياخد صدرك وابقى سمى واقرى قران وربنا يهديه

[ريري]

ياريت ما تيأسيش وتحاولى مرات كتيره لحد ما يرضع منك لان استخدام الشفاط مؤلم جدااااااا
ومش هاتقدرى تستعمليه لفتره طويله ،لانه بيشقق حلمة الثدى
حاولى واستعينى بالله وربنا يهديهولك

[heba saad]

حمد لله علي سلمتك والبيبي يا نانوة
انصحك ما ترضعهوش من البيبرونة حاليا عشان هياخد عليها وفي في الصيدلية شفات للصدر بتشفتى منة اللبن المتراكم في الصدر
وحاولى لو تعرفي حد بيرضع يرضعهولك لغاية مايعرف يمسكة لان صدر الام اللى بترضع باقلها فترة بيكون في حلمة وبكدة ياخد على الرضاعة من الصدر وبعد كدة رضعية انتى وابعدى عن الببرونة دلوقتى

[بلبل الشرق_]

اختى الحبيبه الحمد لله على سلامتكى والف مبروك ,كلام الاخوات صحيح واسمعى لكلامهم لانه مصلحه لابنك وحاولى وباستمراران تبقيه على صدرك لانه عندما يجوع ولا يجد بديل سيرجع لصدركى ان شاء الله

[نانوه]

شكرا على الرد بس انا مازلت بحاول معاه هو بيبكى بتشنج لوجاع ومش بيحس بوجود الحلمه فى فمه بتبقى كبيره وهو مش لقيها زى ما تكون مش موجودة ومش لقيه معاه حل

[دلوعة زوجها]

يسلم لقلبي .. يا عمري على اسم جوزي

شوفي طبيبة اطفال/ رضَّع وهيي تدلك عالحل الأنسب
مفي شي زيادة ضيفه
بس اللي قالوه الاخوات عن الشفاط مزبوط .. كتير مؤلم ومؤذي لك

[التلميذة]

حمدلله على السلامة

زى ما قالتلك رحاب بس اهم حاجة تغسلى حلمة صدرك قبل ما ترضعيه اذا حطتى بانتينول حاولى على قد ما تقدرى ما تمليش وما تترعبيش من شوية الجعجعة بتاعتهم وما تشديش اعصابك والا حتلاقى نفسك بتعيطى انت كمان وتدخلى فمود موش تمام جوعيه وحطيه على صدرك وسمى بسم الله خللى بالك من حاجتين لبن الام موش مسكر زى اللبن الصناعى وهوه طالما عرف يرضع بالبببرونة يبقى باذن الله ما عندوش مشكلة فالمص بس كمان الرضاعة من الببرونات اسهل مجهود الرضاعة من الام اكبر واصعب احيانا ع الطفل فبيستسهل اصبرى واهدئى واستشيرى طبيبك

[ام القاسم]

حبيبتي الحمد لله على سلامتك ومبروك عليكم عبد الرحمن والله يجعله نصيب من اسمه
انا ليه تجربه مماثله بعد ولادة ابني دخل الحاضنة لمدة اسبوع
وطبعا طلع مش عايز يرضع ، بس انا تحايلت عليه وصرت احط الحلمه بتاعت الببرونه على صدري وارضعه لمدة يومين بس لغاية ما تعود والحمد لله رضع تسع شهور المهم انت يكون عندك اصرار

[nehad]

معلش هيا العيال كدة في الاول
بياخدوا وقت حتي يستطيعوا الامساك بالحلمة جيدا

[أم الطيب]

حمدالله على سلامتك يا قمر
وزي ما قالولك دايما شدي الحلمة بالراحة لبره علشان يكون لها شكل يقدر يحس بيه بس اوعي من اللبن الصناعي.

[ايمان فريد]

حمد الله على سلامتك
معنديش كلام اكتر من اللى اخواتك قاله عليه