[مرمريكا]

النهاردة جيبالكم بقى وصفة خاصة جدا من بتوعى ودايما اعملهاوبموت فيها
سمك مقلى اسكندرانى قوى

المقادير
سمك بلطى او اى نوع تحبيه
طماطم مبشورة(بندورة)
بصل مبشور
كرفس مفروم ناعم
ثوم مفروم ناعم
عصير ليمون
ملح..كمون..شطة
دقيق..زيت للقلى
ملحوظة...كمية المقادير حسب كمية السمك مع ملاحظة ان اقل مقادير هى الطماطم عشان ميبقاش سمك بالصلصة
الطريقة
بعد غسل السمك كويس
نضع جميع المكونات مع بعضها ونقلبهم كويس
ثم نحشى السمك بالخلطة السابقة
ونضعه فى التلاجة لمدة لاتقل عن ساعة حتى يشرب التتبيلة كويس
وبعد كدة نقلى السمك فى الزيت
والف صحة وهنا
وبجد لزيزة جدا

[سارة213]

مشكوووووووووورة انا راح اجربها
بس انت مفترية و لسانك طويل هههههههههه

[مرمريكا]

والله مافى اطول من لسانك يام اربعة واربعين
لا متجربهاش بقى لانها حلوة قوى

[bes_bes]

ساره عيزين طريقه لعمل اللسان علشان ناخد حته من مرمريكا اكيد الحته 5 متر هتكفي يعني هههههههههههههههههههههه

[دلوعة زوجها]

بدي إسألك سؤال
مافينا نضرب المكونات بالخلاط
يعني البندورة و البصل و الثوم و البهارات .. مو بيتمازجو أفضل؟؟
ولا شو؟؟؟؟؟

[مرمريكا]

ممكن بردة يادلوعة
انا بصراحة مجربتهاش
بس هى احسن فعلا برافو عليكى

[سارة213]

هههههههه حبيبتي بكرى راح اعطيكي طريقة عمل لسان مرمريكا

[دلوعة زوجها]

حرام عليكي يا سارة .. إلا لسان مرمريكا
لأنه حددددددد

[سارة213]

دلوعة حبيبتي هو كثير طويل و من دون فايدة علشان كده فكرنا انا و بس بس نعمل منه حاجة

[فطيمة]

انتوا دايما كده في شكل للبيع تسلمي يامرمر ان شاء الله هجربها واقولك

[مدام ديدى]

شكله كده حلو هجربه بكره واقولك واياك ميطلعش حلو مشكووووووووره يتمرمر

[رانيه]

[IMG]http://[/IMG]

[سوسو4]

شكلها لذيذ حاجربها
سلمت يداكي

[sasoooooooooooooo]

ميرسى يا قمر على الطريقه

[مرمريكا]

العفو ياجميل
محدش جربه ولا ايه

[نادو]

ياسلام
انا هجربه وهقولك
يامرمر وبعدين بطلى خنااااااااااق بقى انى وبس بس
انتو اية دخلتو الموقع فوق بعض هههههههههههه
ميرسى ياقمرايه اوعدك انى اجربها فى الناس اللى عندى وربنا يستر بقى

[مدام ديدى]

جربيها يانادو ومتخافيش بجد رااااااائعه انا جربتها يامرمر شكرا حلوه مووووووووووووووت

[مرمريكا]

تسلميلى ياديدى ياحبيبة قلبى
بالهنا والشفاااااااا

[مدام ديدى]

ايوه كده ايه الشطاره ديه بضحك عليكى علشان تقوليلنا الاكلات الاسكندرانى

[ريري]

طريقه جميله..على فكره انا ضربت المكونات معا بالكبه..
جزاك الله خيرا ..