[Little mamy]

السلام عليكم يا فتوكات
يا اجمل طبخات
عايزه اعرف طريقة عمل العاشورة
بس حد يكون عنده طريقه حلوه وليها نكه غير
تكون كده زي اللي في المحلات
ممكن حد يفيدني
وطبعا مشكورين

919ed54025.jpg

[مصرية ميه بالميه]

والله انا كمان نفسي اعرف يعني ايه عشورة
طعمها حلو ؟؟؟؟؟؟؟؟؟؟؟؟

[meramied]

والله العظيم انا داخلة علشان اعرف انا كمان

[ام سعيد]

هاحاول ادورلك عليها خليكى معايا

[om haneen]

ههههههههه
وانا كمان دخلت علشان عايزة اعرف طريقتها والمقادير بتاعتها

[ام سعيد]

لقينها ليكى عندنا فى طبخ فتكات الطريقة عملاها الاخت ياما وده رابط الموضوع عشان مدوريش كتير
http://food.fatakat.com/recipe490.html

[om haneen]

وبعدين عاشورة ايه يا ماما تيفا
والرجيم يا عسل هنعمل فيه ايه

[meramied]

ا لمقادير
-----------
2كوب قمح مقشور
ماء لسلق القمح
2كوب سكر
حليب الكمية حسب الحاجه ولكن غالبا ستكون من 2الى 3 كوب
1 ملعقه صغيرة نشا
بندق مجروش أو مفروم غليظ - لوز مقشور-زبيب -جوز هند ........الخ






الطريقة
------
يغسل القمح جيدا ثم يوضع في الحلة ويغطى بالماء تقريبا 10 أكواب ماء
في البداية تكون النار عالية وبعد الغليان نوطي النار ونغطي الحلة ونترك القمح على النار مدة 45 دقيقة تقريبا


نطفي النارو نتركه مدة 8 ساعات تقريبا وبعد هذه المدة سنجدأن القمح تشرب كل الماء و حجمه تضاعف وتفتحت حبات القمح
وممكن نسلقة في الليل وتاني يوم نقوم بعمل العاشورا
أو نسلق القمح في الصباح وفي المساء نعمل العاشورا



وهذه صورة القمح قبل النضج





وهذه صورة القمح بعد النضج






بعد ذلك نصفي جزء من القمح الناضج بمصفاة الطماطم مع وضع بعض الحليب أثناء التصفية (وممكن إستخدام الخلاط) ولكن هذه المصفاة أسهل أو يترك كل القمح بدون طحن









نضع باقي القمح في الحلة مع الجزء المطحون ( المصفى )



ونضع عليهم الحليب ونقلب الخليط على نار متوسطة ويجب أن نستمر في التحريك








إذا كان الخليط غليظ جدا ممكن نضع له حليب مرة ثانية حسب الحاجة
بعد ربع ساعة تقريبا ستكون العاشورا نضجت
نضع لها السكر ونقلب ثم ندوب النشا في قليل من الحليب ونضعه على الخليط ونترك العاشورا على النار 5 دقائق ثم نطفي النار
ثم نضع جزء من البندق المجروش غليظ بداخل العاشورا في الحلة ونقلبه وهذه الخطوة إختيارية








ثم تغرف في الأطباق وهي ساخنة ويزين الوجه باللوز المقشر والبندق وممكن أى مكسرات حسب الرغبة وكذلك الزبيب وجوز الهند حسب الرغبة
توضع في الثلاجة وتقدم باردة
وبالهنا والشفا

[ام سعيد]

وده طريقة تانية
المقادير
كيلو لبن (حليب)
سكر حسب المذاق
كيس قمح
ملعقتين نشا مذاب فى كوب ماء
ربع معلقة فانيليا
نقطتين ماء ورد
زبيب ومكسرات للتزيين
الطريقة
ينقع القمح ليله كاملة ثم يصفى من ماء النقع
يوضع فى اناء ويضاف اليه ماء ويترك حتى النضج ثم يرفع من النار
وفى اناء اخر يتم غلى الحليب ثم اضافة السكر حسب المذاق ثم يضاف القمح حسب استيعاب اللبن مع التقليب اللى ان نجد ان كمية القمح مناسبة لكمية اللبن ( لايكون جامد ازيد من اللازم ولا اللبن اكثر من اللازم ) ثم نضيف النشا المذاب فى الماء وكذلك نضيف الزبيب ويترك على نار هادئة حتى يجمد قليلاً نضيف الفانيليا ثم ماء الورد ونرفعة من النار
ثم يتم وضعة فى اطباق التقديم ويجمل بالمكسرات وبعد ان يبرد يوضع فى الثلاجة ويقدم بارد وبالهنا والشفا

[meramied]

انا حاسة ان الطريقة دي ملعبكة شوية هشوف واحدة اسهل ههههههههههههههههههه
واجيلكم